يا مرحبا والله ومسهلا
اسفرت وانورت واستهلت وامطرت
وشلونكم وشلون شيبانكم وشلون عويلكم ...... عساكم طيبين دايم
يا حي الله من جانا اقلطوا اقلطوا ........القهوة و القدوع يابنت
عجلي يابنت بالقدوع والقهوه
اقدعوا اقدعوا
وش ذاااااااااا
يا جعلش العوق ماهوب ذا القدوع جيبي القدوع اللي باغته مربوطه اللي عليه سمسم اللي شراه ابيش من النعيرية ذاك الزمان الاول ........ يامال العله الخبل اللي يطرشش تدورين له حاجه ....... سموا سموا انا فداكم اقدعوا .... يابنت جعلش المرض وش ذا الفناجيل جيبي الفناجيل اللي فوق الكبت عجلي علي
وصبي لعمانش وعماتش .... ياقطع صيب ابيش كذا الناس يصبون القهوه امسكي الفنجال بيمناش جعل يمناش الكسر ... عزالله لا تقهوو ولا قاله الله ... قومي انقلعي وراش وعطيني الدله ..........
العذر والسموحه من الله ثم منكم عندي بنتن خبل بلاني الله فيها خلتني اطول عليكم فالموضوع ...
السالفة اني جمعتكم الليله ابي العبكم واوسع صدوركم بلعبتن الفتها مع الشايب ذاك اليوم وهي.....
كنت انا واياه جالسين فالخيمه اللي في حوش البيت وقدامنا دلالنا والتمر والببسي والكيك والعوال كلهم برا ويوم اقبلوا العوال جاينا قلت له من اللي جا قال انا اقول انه الضفعة ولدش سالم قال وانتي من تقولين اللي وراه قلت اللي عالتن قلبي وضحه جعل وضحه السلال ....... وطلعت رمعاتنا ماهيب في محلها طلع كومار وراه ميري
جعلهم العله اثنينهم .........
والحين كلن يقول من اللي بياتي وراه
ورمعتي
واحدن طايحتن ضروسه وراسه اصلع وكرشته مترين قدامه
والعذر والسموحه
الهنوووووووووف
18-02-2004, 10:09 PM
العرض العادي
