للحصول على بشرة فاتحه ... مع الخبيرة شهد

[شهد]

اليوم جايتكن وجايبه لكن وصفه ماتخرش الميه
يلا كل وحدة تجيب قلم وورقه وتسجل


اول شي المكونات:
1- نصف رزمه بقدونس طازج
2- ماء ورد
3- نشا
4- حليب بودرة
5- صابون الطاووس
6- ليفة .... هذيك القديمه جيبيها من العطار
7- قوالب ثلج
8- خلاط كهربائي
9- قدر
10- ولاعه لتشغيل النار
11- طبعا طباخ
12- واكيد ملاعق

طريقة التحظير:

حطي البقدونس بالخلاط..... ملزوم يكون البقدونس نظيف
ضيفي عليه شوية ماء ورد وذرات نشا وذرات حليب البودرة
اخلطيه الين يدوخ راسه بالخلاط ثمن حطيه بقدر عالنار ... نار هاديه
ابشري صابون الطاووووووووس عليه وهو عالنار وحركي حركي
الين مايتجانس ويذوب الصابون ثمن بسررررعة جيبي قوالب الثلج وحطي بالملعقة الكبيرة بالقوالب واتركي قالبين لاتحطين فيهن شي
انا اقولكن ليش لاتحكن روسكن ولاشي
جيبي الليفه وقطعيها قطع صغيرة حيل وانثريها على الكميه
الباقية اللي بالقدر
واغرفيه بالملعقة بالقالبين اللي بقن فاضيات اتركيهن ساعة او اكثر تلقينهن جمدن
طلعيهن من القوالب للاستعمال


طريقة الاستعمال:
بالنسبه للصابون اللي من غير ليف
غسلي جسمج ووجهج كل يوم فيه ...

اما القالبين اللي مزجتي فيه الصابون بالليف استعمليه مقشر لجسمج مع الماء مرة بالاسبوع
بللي جسمج بالماء وغسليه بذي الصابونة بطريقة دائرية بخفة مو بقوة
10 دقايق ثمن اغسليه بالماء

وبس .... ياليت الكل يستعملها تراهي مجربه
واللي تجربها تقولي بالنتيجه