هذي أسئلتي ....... أعيدها مرة ثانية مثل اراد الاخ رعد
اقتباس:
|
المشاركة الأصلية كتبت بواسطة أثير
الاخ النجدي ............ كل عام وانت بخير
أنت تقول ان المؤرخين يخطون يوم يقول ( معركة بين عنزة ومطير ) لان عنزة ما اجتمعت لحرب مطير
طيب ... هل مطير اجتمعت لحرب عنزة ؟!! هذا انت تقول في هذي المعركة انها بين مطير والدهامشة !! هل تأكد لنا مشاركة بني عبدالله أو بريه ؟!!
وثانيا ...... هذي المعركة سنة 1246 يعني في زمن فيصل بن وطبان . وانت تقول ان قايد مطير محمد بن فيصل ومعه ولده وطبان !! وهذي مناخ ما هي بغارة حتى نقول ما شارك فيها فيصل
وثالثا ...... وطبان بن محمد بن فيصل !!! ما فيه من الدوشان هذا الاسم ؟؟؟ الصحيح هو وطبان بن عمر بن محمد . يعني هو حفيد محمد وليس ابنه !! ووطبان بن عمر معروف ان عتيبة غزت عليه سنة 1324 يعني بعد هذي المعركة ب 78 سنة !!!!!!!
ورابعا ......... رواة عنزة يقولون ان قاعد بن مجلاد مولود بعد كير 1195 فكم يكون عمر ولده برجس يوم عروى 1246 ؟؟؟؟ حتى تضبط نقول ان قاعد ولد عام 1200 وتزوج وعمره 20 يعني سنة 1220 ، وانجب ولده برجس سنة 1220 ويحضر برجس يوم عروى وعمره 26 ، يعني بين قاعد وولده 20 سنة !!! وهذي مثل ما تشوف مركبة !!
وخامسا .......... وش تفسيرك لعدم ورود ذكر هذا المناخ عند المؤرخين المعاصرين مثل ابن بشر والفاخري ؟؟؟ هذا مناخ كبير وليس غارة او كون سريع !!
وسادسا ........ كلمة شارد اللي قالتها بنت الدويش !!!! ما عمر مطيري نطق هذي الكلمة وما هي من الفاظهم ، هذي طول الله عمرك نعرف من يقولها !!!
وسابعا .......... البدراني حين روى الابيات نقلها عن ابن رداس . والبدراني حين نقل الابيات ما كان يتكلم عن هذي المعركة لكنه كان يفتخر بان حرب هزمت برجس واخذت شلفاه وان برجس بطل شجاع بدليل هذي الابيات !!! شفت طال عمرك ليش اورد الابيات !!!!!!
وثامنا ............. وهذا اهم شي ... اللي ذكر هذه المعركة هو مصدر وحيد هو المانع ، والمانع متوفي سنة 1385 بعد المعركة ب 140 سنة !!! وما ذكر شي ابدا عن تفاصيلها !!! اما باقي مصادرك فهي رواة عنزة يعني ((( مصادر غير محايدة ))) !!!!!!!! وينطبق عليك كلامك اللي تقول فيه ( يبني مجداً بالشعر بالإنتصار الوهمي المبني على الأساطير والخيالات ) !!! ومادام ما فيه مصدر محايد تبقى هذي (( الروايات )) للسمر وتمضية اوقات الفراغ وتسلية النفوس الحزينة !!!
وتاسعا ........... بس حبيت احط علامات استفهام وتعجب على كلمتك هذي (وكان النصر في جميعها للويلان ) ؟؟؟؟!!!!!!!؟؟؟؟؟؟!!!!!!!!!!!!؟؟؟؟؟؟؟!!!!!!!!!
وعاشرا ............ رمضان كريم .
|
25-10-2005, 08:44 AM
العرض الشجري