_…ـ-*™£ركني الهادي؛؛؛فضفضي يا نفــس،,,£™*-ـ…_

[نــوره]

أي بنت مقبلة على الزواج لازم تسمع أطنان من النصايح

لمى كنت أسمع نصايحهم أستمع ها بأنصات وأحفظ كل كلمه

وما افرط بنصايحهم لي ..

وأهم نصيحة كنت أسمعها من الجميع لا ترفعين صوتك وأنتبهي تعصبين أمسكي أعصابتس

تري الرجال ما يحب المره الي ترفع صوتها أو ترد عليه

وأنا أدنق براسي وأقول أبشرو

وفعلاً في قرارة نفسي كنت ناويه أنفذ نصايحهم لي

الين ما جاء يوم العرس وأنا ماشيه على كلامهم

مر أسبوع بسكينه وطمئنينه وأي شي يقول أقول أمرك

وبعد الأ سبوع بدت الميانه بينا

وعاد تعرفون مزح الرجال شلون يصير

وبيوم من الأ يام ألا أسمعه يقولي يا خاله

بققت عيوني وقلت يمكن اني ما سمعت زين

ثاني يوم ألا يقولها لي

قلت عادي يا بنت مشيها ...

وأشوف الوضع زاد عند حده

كل شوي خاله خاله

وأنا أقول يا صبر أيوب وينك ....!!!

وبيوم من الأيام ...

ماعاد صار يقول لي نوارتي

نسى هالكلمه

قال لي يا خاله

روحي جهزي لنا الأكل

هنا ما قدرت أمسك أعصابي

أحس اني بركان وثار

ونسيت كل النصايح الي قالوها لي

وقلت له بصوت مرتفع وأقرب ألى العصبيه

ترى الخاله أذا ثارت تخربهها

جتنا حالة سكون هو ماهوب مستوعب من الي شافه مني

أو أنه ما كان متوقع أن ردة فعلي تكون بهالشكل

طيب أنا أبي أحمي نفسي من هالموقف الي صار

من بعد الكلمه الي قلتها جتني نوبة بكاء قعدت أصيح

وهو مسكين تخرع قعد يهدي فيني

وأنا أقول وخر عني أذا ما تبيني وكل شوي تهزئني

رجعني بيت أبوي

والحمدلله عدى الموقف على خير

واليوم الثاني جاء يقول تري بمزاجي سكت عنتس يوم ترفعين صوتس علي

ولا باوريتس شغلتس ولا عاد تعودينها

وأنا أمسك نفسي من الضحك وأقول في نفسي

آيه طيب

ومن بعد هالموقف ماعاد قال هالكلمه

بعض الأمور لابد لها من العصبيه لكي تنتهي من جذورها