البارحة جاني من الحب مرساااال....
-------------------------------------------------------------------------------
البارحه جاني من الحب مرســـــاااال ** من عقب مابيني وبينه خصــيمة
وانا ترى في الحب مانيب فعـــــــااال ** ولا بعد ولع بقلبي هشــــــــيمه
ولابعد غنيت في ساعة وصــــــــاااال ** ولابعد ذقت الفراق وجحيمــــه
ولاجرى دمعي على الخد همــــــاااال ** ولابعد جربت مر الهزيمـــــــه
حتى وردني تالي الليل جــــــــــوااال ** وانا على شاهي وبسكوت ديمـه
الرقم بايخ لكن الصـــــــــــوت قتاااال ** كنه مثل صوت المذيعه حليمــه
قالت مســــــاء الخير ياطيب الفــاااال ** قلت ارحبي ترحيبة مســـتديمـه
بالعود والصفري ودلة وفنجــــــــاااال ** واجبك يابنت الاصول الكريمـه
ردت بضحكة ثم قالت وش الحــــاااال ** قلت اشهد ان الحال عقبك سقيمة
قالت وهي تضـحك بعد مثل الاطفاااال **وانا بعد كني بــــدونك يتيمـــــــه
من يوم قالتها تزلزلــت زلـــــــــزااال ** من فجعتي كني مسوي جريمــــة
قلت ارفعي صوتك تري مابه ارساااال** كـــــذاب لكن المصيبة عظيمـــة
قالت اقول اسمع ترى هرجنا طـــاااال ** ممكن تصاحبني تراني وســــيمة
واسمي الحقيقي اول حـــروفه الدااال ** لكن يسموني البنات الزعيمــــــة
صحيح احب الفخفخة واعشق الماااال ** لكن تراني طاهــرة مســـــــتقيمة
ماعندي امغازل ولالعــب جـــــهاااال ** ماعندي الا في الشرف والحـيمة
بس الصراحة قلبي لشــــوفتك ماااال ** واصبحت وحدك جالس في صميمه
فكـر بعقلك واترك القيـل والقــــاااال ** واحذر تطيع اهل العقــــول العقيمة
وارسل علي الحين خمسـمية رياااال ** اشـــــــحن بها جوال اختي غنيمـــه
اوطقم غالي فيه خاتم وسـلســــــااال ** اروح به في عــرس والا عزيمــــة
قلت الحقيقة مانيب رجل اعمـــاااال ** ولاني بتاجــــــر والموارد عقيمـــة
انا الحقيقة شبه عطــال بطـــــــاااال ** وعلاقتي بالفقـــــــر جدا حميمـــــه
والراتب الله يرحم الحـال مـــازااال ** محدود والمصــروف ربي عليمــــه
والدين بالالاف والبنك شـــــــغاااال ** ياكل فلوســــــــي بالربا والظليمـــة
والسوق طايح والغلا ضيق البـاااال ** والمـــوت والله صاير اكبر غنيمــــة
قالت تحمل بس والحمل ينشــــاااال ** خلك شديد الباس صلب العزيمــــــة
ياخي تصرف جعلك تصير نشـاااال ** أهم شـــــــي ان النوايا ســــــــليمة
لابد تفهمني على كل الاحـــــــوااال ** مادمـت من اهل العقول الفهيمـــــه
قلت ايه والله فـاهم اللي على الباااال ** لكن تري هـــــــذي علينا قديمـــــه
يابنت هذا صــاير اليوم مــــــــوااال ** للي تبي تلـــعب على ابن اللئيمــــة
يابنت ماتدرين كـم فيه محــــــــتاااال ** يلعب على الحبلين وانتي غشـــيمه
يابنت كم من جاهلة دمعها ســـــاااال ** من عقب ماجات العواقب وخيمـــة
والبنت لااقفى عرضها بيد الانــذااال ** والله مايبقى لــــــــــــها اي قيمــــة
قالت تبي والا فخلك على جـــــاااال ** ماهوب ناقصني نصـــــايح حكيمــة
28-12-2011, 01:38 PM
..~
العرض العادي
