موضوع خاص لمتذوقي الشعر فقط.....!!!

[بعيد الهقاوي]

هذه القصيدة من احد الشعراء الى شاعر اخر

سوف اعرض لكم قصيدة الشاعرالاول وننتظر رد الشاعر الثاني

واوريد منكم وبصرااااااحه تامه ان تعطونني رأيكم في كل من الشاعرين

ويقول الأول :

يالله يالمطلوب رب العبادي
....................تشفي مريض الحال والهم بلواه
ضاقت به الدنيا وهمه يزادي
....................دايم على حاله يخفي قضاياه
لاجيت بنسى هاجس الليل عادي
...................رديت أفكر في حياة المعاناه
عفت الحياة وزال عني الرقادي
..................ليلي طويل ساهر كيف بألقاه
بأزهمك يافهاد راعي السدادي
.................قرم عزيز عارف كل ممشاه
يسري بعسرات الليالي شدادي
................لايهيب مسراها ولايهيب مضواه
مضوى بعيد الداروالليل حادي
.................فيه اللذي بد الخلايق هويناه
يفداه بدو البر وأهل البلادي
.................مافي البشر مثله ولطفه وحلياه
دايم عليه القلب يسهر ينادي
.................ابوعيون اوساع والرمش غطاه
ابو جديل باهين بالسوادي
.................شارق جبينه ذايب الحلو بشفاه
والخد براق على الدار قادي
................برق قريب بظلمة الليل شفناه
صدره عريض والحلى فيه بادي
................فيه النهود صغار والثوب يحفاه
وليا مشى يمشي بهون وركادي
................يلبس حسينات الملابس وتزهاه
هذا وليف القلب وصفه وكادي
...............الله يقرب دار منهو وصفناه
لاجيت أنا والقرم والجو هادي
...............يشرح لي المزيون وضعه ودعواه
ان كان قصده ما مضى لي عنادي
...............ويقول في حبه ببحث خفاياه
معذور يالغالي وزاد الودادي
..............هذا عذر مقبول ومافات ننساه
واحكي له علوم حزينه جدادي
..............واكشف له الذكرى وجرح كسبناه
وتطفي لهيب النار تصبح رمادي
...............نار بقلبي داخله عام تصلاه
وصلاة ربي عد ماسال وادي
..............على النبي المختار دينه تبعناهوسلااااااااااااااااااااااااااامتكم

[cool]

السلاااام عليكم ورحمة الله وبركااااته

صح لسااااانك بعيد الهقااااوي وصح لساااان الشاااااعر اللي قااالهااا .

والله ماااني بشاااعر ااقول لك وش رااااايي . بس ان شاء الله فيه شعااار

وبيقوولوون رااايهم لك .

وانت اختياااارك ماااشاااءالله عليك زين .

كـووول

[الجـــــــــادل]

لاهنت صح لساانك ولساان الشاعر

[فراس]

هلا يا بعيد الهقاوي ..

تسلم على القصيده الجميله بس بما انك قلت تبغي الملاحظات فانا

بعطيك ملاحظتين بسيطه ...

يوم قال صدره عريض .. ما يمدح بعرض الصدر الا الطير

وكان احلى انه قال قده طويلا والحلى فيه بادي

وايضا لا جيت انا والقرم والليل هادي ..والبنت ما يقالها قرم

والاحلى انه قال لا جيت انا والزين والليل هادي

اتمنى ان اكون وفقت في ملاحظاتي

تحياتي

[شبيب ابن شبنان]

بعيد الهقاوي

صح السان شاعرها

وعندي ملاحظه على اخر شطر اما انت كاتبه غلط والا هو فيه كسر

اللي يقووووول :
على النبي المختار دينه تبعناه

والملاحظات اللي ذكرها اخوي فراس كلها جميله ورائعه وهو صادق

ولاهنت على النقل الحلو وننتظر الرد

[بعيد الهقاوي]

اشكركم جميعا على المرور الكريم

وأخص "فراس و كريم سبلا"

وهذه الملاحظات سوف اوصلها للشاعر نفسه

وأشكركم جميعا على المرور الطيب

اخيكم : بعيد الهقاوي

[شبيب ابن شبنان]

بعيد الهقاوي

انا اسف على ملا حظتي لاني قريته غلط والبيت ما فيه شي

[شيخ ال شامر]

الاخ العزيز بعيد الهقاوي .... صح لسان من قالها ومن نقلها ..
وانا مانيب شاعر فطحل على قولهم ... لكن عندي بعض الملاحظات واتمنى انها تكون في محلها ولا تخلف المعنى اللي قصده الشاعر..
1ـ يقول : يخفي قضاياه ... فيها ثقل بسيط ولو يغيرها الى يسامر قضاياه.
2ـ رديت افكر ... لو قال عودت افكر (بلهجتنا) .
3ـ راعي السدادي ... لو يغيرها الى .. ورايك سدادي.
4ـ برق قريب ... اشوف انه يغيرها الى برق يلوح بظلمة الليل شفناه.
5ـ صدره عريض كما قال الاخ فراس.. وانا اقول: الصدر يذبح والحلا فيه بادي.
6ـ القرم كما قال الاخ فراس لو تكون الزين.
عموما هذي ملاحظات شخصية ورؤية خاصة للقصيدة . وصح لسانك ولسان الشاعر ... وسامحونا على الاطالة
تحيــــــــــــــــــــــــــــــــــــاتي
اخوكم........... شيخ ال شامر

[بعيد الهقاوي]

مساكم الله بالخير

اولا: اشكر جميع الاخوة اللي شاركونا في الرأي

ثانيا:احب ان أوضح بعض الامور اللتي رأى بعض المشاركين ان ورودها في القصيدة لا محل له .
وكان المفروض تغييرها.

وانا اكتب هذه المشاركة بعد ان جلست وتناقشت مع شعراء لهم وزنهم في مجال الشعر.

1-بالنسبه لورود كلمة "عريض"....

فانه يمكن ورودها للتعبير عن جمال وسع الصدر للمرأه

2-بالنسبه لورود كلمه"برق قريب" :

فهذا صحيح واكثر تشبيها للبهاء والجمااااال.

3-بالنسبه للبيت:

لاجيت أنا والقرم والجو هادي
...............يشرح لي المزيون وضعه ودعواه

فالمتابع بدقه يمكن ان يرى معنى غير اللذي فهمه بعض الاخوه."فمعنااااه":

انه اذا ذهب شاعرنا ومعه من استفزع به "اللي رفيقنا زهمه" وكان الجو هادي لخليلته فبالتالي تستطيع خليلة

شاعرنا ان تشرح لصاحبنا اللتي تريده


هذا وسلاااااااااااااااااااامتكم............"والمعنى في بطن الشاعر"

اخيكم بعيد الهقاوي

[بنت راكــــان]

صح لسااانك اخوي بعيد الهقاوي

قصيده اخذت العذوبه كلها

واساسيات القصيده

وزن

قافيه

معنى

وهي موجوده في القصيده

تحياتي لك ولاتحرمنا ابداعاتك

اختك*بنت راكان