همــهـــمــات سعد . . !

[سعد الصميل]

اول ايام الروضه كنت متعقد من شي ومتحير منه . .

كان فيه واحد معاي بنفس الصف . . اسمه سعد محمد . . نفس اسمي !!

كنت مستغرب . . شلون يصير نفسي !! ليش يقلد !! مايصير !!


بالنسبة للعمر ذاك . . كانت المسألة معقده عندي . . وتساؤلاتي ماتخلص !!

كبرت شوي شوي . . لين استوعبت الامر وان التشابه بالاسماء أمر عادي . .

والحلو بالسالفه . . انه قعد معي في نفس الصف او المدرسه تقريبا لين خلصنا الثانويه !!

طيب . . نرجع للشي الخايس بالسالفه !!

كنت مشترك في شي بالمدرسه مدري وشهو بالضبط لكن في نهاية السنة يعطونا ارباح او شي كذا . . ماعرف الطريقه لكن السالفه كان فيها فلوس . .

والولد ما كان مشترك . . . وفي نهاية السنه عطوه الارباح وخلوني !!


انا الحين مالي علاقه فيه من اكثر من 11 سنه يمكن . . لكن اذا واجهته شرايكم . . اطلب فلوسي منه ؟