وجهتكم في إجازة الصيف

[دايم اهذريبكـ]

السلام عليكم و صبحكم و مساكم الله بالخير و العافيه
الموضوع من عنوانه .. ودنا نتعرف على الأماكن الجميلة لإجازة الصيف !
اللي عنده خبره عن بلد معين زاره قبل كذا وكل واحد يذكر البلد مع معلومات عنها

موضوع للحوار و تبادل المعرفة و كل ما هو جميل (:
الموضوع لتفاعل و مشاركة تجاربكم..
فـ أتمنى ألقى في مروركم التفاعل اكثر من عبارات الشكر
وتشجيعا لكم...بتكون اول مشاركه لي انا
وبطرح تجربتي لكم

و سلامتكم .

[دايم اهذريبكـ]

اندونيسيا وبتحديد جزيرة بالي
رحت لها في الصيف الماضي والعام اللي قبل الماضي
بلد جمييييل جدًا .. هادئ و مافيه أي مضايقات للسياح العرب


إبتسامة الأندنوسين لك مافيها أي شك بأنها ابتسامة بخشيشية !


بلد إسلامي و رائع (:


طبعا السفر مكلف مره في الدوْل السياحيه
عشان كذا أفضل دائما الأقل سعرا الأجمل
والنيه السنه هاذي ان شاء الله بعد شهر رمضان
والله يجعلها رحله في ما يحب الله
ويرضاه .. لتكون متعه نفسيّه تامْه

[شِقاوَي]

يعطيك العافيه
فيدونا لّـ حد ٢٠/٧

[العــــديم]

دايم ..
موضوع جميل جدا ..

لحد الآن ماندري أمواج البحر وين ترمينا ..

[الاصيله]

الله يعطيك العاافيه

على الطرح

في الكويت مافيه خطط حتى الحين

[دايم اهذريبكـ]

المشاركة الأصلية كتبت بواسطة خَلِنْا نتَفاهم ْ

يعطيك العافيه
فيدونا لّـ حد ٢٠/٧

الله يعافيك
كان ودي تشاركنا وتطرح اي تجربه لك

[دايم اهذريبكـ]

المشاركة الأصلية كتبت بواسطة العـديم

دايم ..
موضوع جميل جدا ..

لحد الآن ماندري أمواج البحر وين ترمينا ..

بأنتظارك..عندما تحدد وجهتك...ونتمنى طرح تجربه سابقه لك

المشاركة الأصلية كتبت بواسطة الاصيله

الله يعطيك العاافيه

على الطرح

في الكويت مافيه خطط حتى الحين

الله يعافيش
نتمنى طرح تجربه سابقه لش

[دايم اهذريبكـ]

ملاحظه للجميع
المقصد من طرح الموضوع
هو اخبارنا اين وجهتكم في الاجازه...وطرح تجربه سفر سابقه لكم
لتعم الفائده للجميع
وشكرا للجميع

[» ά6L8ħM]

مرآح نتعدى الكويت [ الله يخلي غرفتي والمكيّف ]



لي بآك إن شآء الله . موضوعَك حلو . تشَكر عليه

[عجميه بنت سنافيه]

موضوع رائع الصراحه

احنا بصراحه ليلحين ماحددنا وين بنروح بالضبط

بس انا صارلي يمكن 9 سنين كل صيف بالامارات تحديداً دبي

وبصراحه فيها امااكن واااجد تقدر تزورها من مجمعاات والملاهي المائيه:فندق اتلانتس،وايلد وادي(عند برج العرب)

وفي مجمعات وااجد ومثل مانتو عارفين اللي تشتهر فيه دبي المجمعات وعندها:مجمع دبي مول(عند برج خليفه)،مجمع سيتي سنتر،مجمع الامارات مول(فيه سكي دبي)،....وكثيير من المجمعات.

اما اماكن الترفيه للاطفال عندكم مثل ماذكرت في الممجمعات اللي طافي اللي فيها سكي دبي واللي فيها العاب للاطفال وبصراحه انا افضل (عالم فراري)<<روووعه ويصلح لجميع الاعمار
وفي عندكم النافورة الراقصه هذي جد روووووعه موجوده خارج دبي مول مقابله لبرج خليفه

اما للحريم عندكم مجمع الغرير (فيه الكثير من محلات الخامات من اللي يحبها قلبش)

وسوق مرشد(سوق شعبي فيه عبايات والبخور والمواعين والزعفران<<بصراحه امي تمدح زعفرانهم كل مارحنا خذت لها كميه<<اسألكم اسم المحل واقولكم انشاءالله)

وبس اتمنى اني فدتكم من تجربتي والحمدلله استكشفنا اماكن وااجد ونتمنى هالسنه نغير شوي مع اني مامل من دبي دار الحي