الشاعر/ناصر محمد الجفيره

[الرآسي]

السلام عليكم ورحمة الله وبركاته..
لي الشرف بتقديم قصيده لشاعر المبدع ناصر محمد الجفيره وإليكم القصيده..
خوالي العجمان وأنا من مطير
معربن ساسي بعمي وخالي
أفخر بربعي محتمين الغنادير
ربعي هل الجدعا زحول الرجالي
لاولع البارود يانافخ الكيـــر
ندحم حياض الموت والراس عالي
الورع منا يومه بعمره صغير
قرمن يتوق الطيب عند العيالي
ماهمنا جمع النسا والدنانير
ولاهمنه رجلن بعقله خبالي
وكبيرنا يكفخ كما كفخت الطير
يسق الفقار من قراحن زلالي
نطرب لصوت الحرب دك الطوابير
لاصارت الدعوه مرار الليالي
نقود جمع وفالمواجه مناعير
دايم على العليا نحوز المعالي
الطايره تشهد على الشر والخير
تسعه رموها من خيار الرجالي
حنا حمينا فاخرات المضاهير
ويشهد على ماأقول رب الجلالي
اليا فزعنا بالمواقف سعاطير
واليا زعلنا ماتهم الثقـــــالي
اقلط تقهوه دون نمه وتقصير
أنا عبيوي مال هرجك ومالي
ماهمنا جمع النسا والدنانير
ولاهمنا رجلن بعقله خبالي