راكب اللـي لانخيتـه كسـر وجيـه الثوانـي
فرخ شيخٍ حضـروه البـدو لطقـوس الحميـه
جيب لكزس كن لونه خلطـةٍ مـن زعفرانـي
اشقرٍعودي علـى اصفـر المهـم انـه كذيـه
صب لونه وسط قنينـة ذهـب عنـد ال ثانـي
وارسلوه لطوكيـو واجتـاز ميـه فـوق ميـه
راحو يساقون بديه واطلعـو فـي لـون قانـي
ثم اعادو مره اخرى لين صـار افتـح شويـه
واتركوه اليوم كلـه عـودو لـه وقـت ثانـي
وجاك لونه مثل لون الشمـس حـزة مغربيـه
وطعمو الطبلـون عـاج وقحويـان وسنديانـي
وصبـو الكمبـود راسـا فالتـروس الاولـيـه
كل ماجـارو عليـه يفـوح عـود وقحويانـي
فوح عطارٍجرحنـي وسـط سـوق العقربيـه
كن كبوته بطن بنـتٍ علـى العهـر تحدانـي
وكن شبكه صدر قيـس ليـا نهـت بالعامريـه
والمرايا مثل جـاراتٍ يضيـق ابهـا المكانـي
كـل عـذرا تنتخـي وتقـول هالليلـه عليـه
نوع خاص مـن السفـاره مايشيـك فالموانـي
سجلـوه الدبلوماسـي واختمـو لـه فالهـويـه
الوكاد انه غريب ولـو لحـق راع الحصانـي
كل شيخٍ يعتـزي بـه لاعـرف ذمـة خويـه
الله اكبر لاتهـزع مـع رفـاع ومـع طمانـي
وجد من طشه زمانـه فـي برستيـج ابدويـه
سعد عينه يـوم قالـت انـت راع الأشقرانـي
وابتسم بسمـة عزيـزٍ خابـر احوالـه رديـه
يستر فجوج الزمـان اللـي عليهـم شقلبانـي
ولدفقرٍ راح عمـره فـي هـوى بنـتٍ غنيـه
يانديبي دق سلفـه يـوم وجـه الصبـح بانـي
ولاتعبـث فـالازره خـص هالاحمـر هذيـه
خوفي انك لـو ضغطتـه يقلـع لـدار اليبانـي
لانـه احيانـا يحـن احنـان خلـجٍ ساحليـه
سـم بالله وتوكـل واربـط حـزام الامـانـي
سج طبلونه على اخـر روووح والنيـه مطيـه
هاك خارطة الطريق وهاك خارطـة المبانـي
وانتبه للنقطـه اللـي مـن هنيـه لـي هنيـه
شفت هالقصر الكبير اللي عليـه الغيـم حانـي
ايه هذا شـوف برجـه مثـل بـرج الفيصليـه
بيت ابو عنـاز اسـمٍ وارثينـه مـن زمانـي
ماخذوهـا شحـذ ولاّ منـة كـفـوفٍ رديــه
انحر المجلس وبارك حـب راس عيـال ثانـي
وقلهـم مبـروك عـرس المملكـه والفيصليـه
اهــــــــــــــــــــــداء
للشيـخ محمـد الطـيـار (ابــو عـنـزه)
بــــمــــنــــاســــبـــــة
زواج ابنه سطام على كريمة الشيخ حمد ال ثاني
للشــاعر مشعل بن جريد
15-04-2004, 02:01 PM
العرض العادي
