همــهـــمــات سعد . . !

[سعد الصميل]

مجمع الكوت . .

تجربة ناجحه بكل المقاييس . . ماعدا الحجم !

السؤال ولب الموضوع : بعد النجاح اللي حققه المجمع هذا يعني مافكروا تجارنا الشطار يسوون شي من هذا الطراز ؟ خصوصا بطريقة الكافيهات الرائعه على النافوره لكن بحجم اكبر من الكوت الصغير جدا ؟

عاد تصدقون ؟ اذكر ان مجمع الكوت سيطر على جائزة عالميه تعطى لأفضل تصميم هندسي على الطراز الاسلامي لمدة 3 سنوات .

[سعد الصميل]

يوم كنا بزران . . طبعا ماكان فيه صالات افراح . . يعني الاعراس بالخيام .

كنا نستمتع اذا صار عرس بالشتاء . . علشان اذا خلص العرس نقعد في خيمة العرس ونطفي الليتات ونقزرها على الضو . .


وبعدين كل واحد يمسك له زاويه في الخيمه ويرقد . . كانت قمة المتعه


طيب ماعندكم لا فرش ولا بطانيات والمكان مو نظيف . . وش اللي يحببكم في النومه ؟

كان علينا طقوس غريبه صراحه !

[سعد الصميل]

ومن المناظر اللي ماتروح من ذاكرتي وانا طفل . .




اللي كان يحمل النسوان مدري وين يوديهن , الصاله مدري بيت العروس . . !!

بس اللي اعرفه انهن كانن مستانسات ويصفقن ويغنن !!

الدنيا كانت حدها فله !

هههههههه


** طبعا الباص هذا اذا انتهت خدمته مايتسكرب . . يروح يصير غرفة عند اهل الغنم والابل في البر . .

كل شي كان يتحلل مافيه شي ينحذف !

[سعد الصميل]

راسلني واحد من الشباب يقول انت شايب . . الباص الاصفر قديم ذكرتنا بأيامه . .

كنه صاطرني طراق !!

انا صحيح ماني كبير . . لكن يوم فكرت فيها إلا انه بالفعل فيه اعضاء بالمنتدى وااجد من مواليد الغزو وبعد التحرير . .

يعني انا حدي ظلمتهم بالهمهمات . . قاعد اجيب لهم طلاسم مايدرون عنها . .

بس بنفس الوقت اقول احسن . . قاعد اعطيهم ثقافة ومعلومات عن ماضي اخوانهم الكبار !

[سعد الصميل]

الا على طاري الماضي واخوانهم الكبار . .

ليش دايم كل جيل عنده انه احسن من الجيل اللي بعده ؟

انا يقهروني قبل اذا قالو التدريس مو تدريسكم . . ايام المدرسين الصح راحت . . مدرسينا كانو شديدين ويدخلون المعلومات صح مو مثلكم الحين امحق تدريس . .

طيب تعال يا كبير انا وياك على طاولة مفاوضات ونقول :

انت ويا وجهك شهادتك رابعه ابتدائي والطيب فيكم رابع متوسط . . وحنا الفاشل فينا معاه دبلوم بعد الثانويه !!

اكيد راح يسكت ويقلب السالفه عليك ويصير نقاشكم جدال !

الحقيقه مره دايم في كل الاحوال !

[سعد الصميل]

الناس درجات . . في كل شي . . حتى في قبولهم عند الناس يبقون درجات !

فيه ناس لو يلبس او يستخدم احدث الامور واخر ماتوصلت له التكنلوجيا . . مايجذب الناس ومادروا عنه !

وناس لو يلبس شي قديم او يستخدم شي عادي . . ثاني يوم يصير موضه بالبلد كله !

ناس الله عطاهم قبول عند خلقه وناس الله ماعطاهم

[سعد الصميل]

والله اني محترم عقولكم . .

كم همهمه كنت بكتبها . . بعدين في اللحظات الاخيره وقبل اضافة الرد . . اتردد

وافكر : وش الفايده منها ؟ ماهي همهمه لا مفيده ولا مضحكه بالشكل المطلوب !

اذن : نلغيها لخاطر عيونكم . . وعلشان ماتشوفون مني الا كل شي طيب . .

[سعد الصميل]

فيه السيارات اللي تنظف الشوارع عرفتوها ؟

اللي فيها بروش من تحت وتنفض الغبار . .


يبه بالعربي هذي



ودي اعرف شفايدتها ؟

كل ماشفتها الا وهي تنفض الغبار وتسبب عج . . يعني لا هي اللي شفطت الغبار ولا هي اللي غسلته !

يعني حق المصخره بس ؟

[سعد الصميل]

اكثر شي استانس عليه من سوالف الناس هالايام . .

التشكيل الحكومي !!

اللي يحلف ان فجر السعيد وزيره . . واللي يقول طلال السعيد وزير !

واللي يحرم ويطلق ان الشيعه بياخذون 5 وزارات . .

وكل واحد يطلع بسيناريو فلم رعب . . يحاول من خلاله يلفت انظار اللي يكلمهم ويشد الانتباه !

لكن الاكيد . . ان الحكومه مثيله لسابقاتها . . لا جديد على الساحه وان تغيرت الاسماء

[سعد الصميل]

الخبر يقول : غدا اول ايام الحظر الرسمي لإرتداء النقاب في فرنسا .

مشكلة الفرنسيين ماهم مقدرين فوايد النقاب . . خلونا نعطيهم فوائد ثانيه غير الستر . .

يمكن يقتنعون فيها بما انها اسباب غير دينيه !

من فوايد النقاب يافرنجه . .

انه يستر الوجه . . يعني فيه وجيه النقاب يستر بعض المناظر الوحشيه اللي بيكون تحته !

كذلك بعض الوجيه . . يسترها علشان ماتفتن الرجال بجمالها !

بعدين النقاب يخلي البنت تعبر براحتها ياخي !

تقدر تسب وتكلم وتدلع لسانها بدون محد يدري عنها . . ضيفوا عليها ان البنت تقدر تنظف خشمها بدون ماتنحرج ! << يامقرف

فوائد النقاب يافرنسيين واجد . . احترموا المنقبات شوي .