انا حبيت اشارك بموضوعج بواحد من المواقف اللي حصلتلي واكثر خبالي سنه 98 كان الشايب رايح مع العجوز علاج لها من الجلطه وكنا ببيت خوالي انا واخواني اربعه وعيال خالي 4 وكنا مسوين ازعاج بالبيت للحين استنكر ليش ماطردونا من البيت اذكر ان خالي جايه واحد من ربعه مسير عليه وكان مضبط الشاي والقهوه وانا ملقوف دشيت الدوانيه وعمري 9 سنين تقريبا وقعدت العب بالفناجيل والقهوه واصب حليب الكرنيشن بالقهوه والعب بالبلول وعفست الدوانيه انا حمار وقتها ماكان موجود الا انا والباقي راقدين يعني انا ابنطرح ووقتها اذا زعلوا علي اصغر خوالي يمسك واير الشحن ويجلدنا فيه ويوم سمعت حسه مع الحوش وانحش وازبن عند جدتي طبعا خالي الرجال عند الباب يعني انحرج منه وزعل وقعد يلعن فيني واذكر ماسكني مع رجلي يسحبني وجدتي تقول والله ماتجيه خالد عندي ان طقيته لا ازعل عليك ولا عاد ارضى وكنت مقتنع لو مسكتي هذاك اليوم مايفرقني عن القبر شي وسالفه ثانيه بخالي اللي اكبر منه وحركته العن حركه يجرك مع زلوفك ويرفعك فوق يعني رجولك تلعب بالهوا وساحبك مع زلفك وطرحني مره على سالفه خالتي تقفل علينا الباب بالليل ماتبينا نطلع وندوج ووقتها اعمارنا 9 و8 سنين يعني لازم نشوف الزراق ( الفجر ) وبالعطله الكبيره وكنت حاط خط رجعه اخلي اخوي اللي اصغر مني ( عميل لخوالي اذا زهق وماجازله الوضع قفل علينا الباب وعلم خوالنا وطلع قدامهم بصورة البطل وحنا ناكلها طق سنه بساعه مع عيال خالي ) الوكاد ويروح بيحاول ياخذ المفتاح من خالتي تحطه عندها بالبوك وترقد ويوم اخذ المفتاح ويحذفه علي اببطل دار الغرفه على ساس نطلع ندوج الفجر والوعد مع عيال خالي عشه الدجاج اللي بالحديقه وكل واحد له طريقه ينحش الوكاد الوعد هناك ويوم حذف علي المفتاح الا خالتي ماسكته مع ايده وتقول ياحمار وين بتروح بالليل انا طبعا انحش اسلم بجلدك اذا قعدت ماسلمت وابطل الباب واسمع اخوي يقول خالد اللي قالي يقول ابطقك ان ماخذت المفتاح وكسر خاطرها حسسها انه مظلوم وخلته ( عرف يدبر نفسه ) انا يوم نحشت رايح صوب المزرعه الا خالي مع باب الدوانيه بيدش وفيه ثلاجه قديمه وبراده بالمدرباني اللي يودي للدوانيه وخالتي وراي وخالي قدامي وازبن بين الثلاجه والبراده واقعد احشر نفسي مابيهم يشوفوني واذكر بالحرف الواحد خالتي تقول لخالي ماشفت خالد نحش مني ورايح بيدوج الفجر طبعا هم قدامي ماوقفوا الا بالمكان اللي انا منخش فيه ولو يلتفت خالي يمين يطرحني ويرد عليها يقول كل يوم ينحاشون والله ان شفته مو اشواله انا اتقعدلهم وانا ارجف وادعي ان شاء الله مايطيح علي ان شاء الله ما اكل طق على الصبح ويلتفت الا انا قدمه قاعد ومبتسم واقوله جيتك يامهنا على ماتمنى ويطالع خالتي قالها روحي نامي انا اعلمه والله ومن الساعه يمكن 3 لي 7 ونص تقريبا انطقيت طق والله لو يطقه مجنون يصحى لين ماقعدت جدتي وفكتنني منه طبعا جدتي المنقذه دايم وجلد بوايرات الشحن وبسيم العلاق مال الملابس
هذي سالفتين من سوالف الصيف كلها وبعضها فيه خبال الورعان يعني مالها داعي تطلع من الحزب
ومن غيره سوالف الشباب وانا اصلا ملقوف دايم انا اللي اطيح بالمشاكل ودايم احط نفسي بمواقف لاتحمد عقباه
20-03-2011, 06:50 PM
العرض الشجري