قصيده مدح في محمد هادي الحويله

[امبراطوري]

بسم الله الرحمن الرحيم

السلام عليكم ورحمة الله وبركاته
قصيدة مهداة الى الاخ محمد بن هادي الحويلة

سلام ياعجمان يأهل المواجيب=يأهل العلوم الطيبه والمقامي
يا ربعنا أهل العز عز الاصاحيب=كسابت الطالات نسل الكرامي
من بعدها نبد بزيين التراحيب=تنصى هل الوقفات ربع حشامي
تنصى محمد شوق بيض الرعابيب=إلي له اسم فوق عالي الاسامي
ذرب الجناب ومتعب(ن) المراكيب=لجل ابن عمه يهتني مايضامي
الفارس الضرغام عطب المضاريب=المحزم اللي ينفعك بالزحامي
وابيه هادي يوم وقت الاصاعيب=فعله ينومس كل عجمي ويامي
حكيم في وقت القا والمطاليب=اللي ظهر صيته بعالي الغمامي
ومحمد إلي ذب عالي المراقيب=مرقاب عز بين خال وعمامي
حر يصيد وصيدته بالمخاليب=يكسر رقاب الخرب مع العظامي
شيخ يطب بوسط غب الغياهيب=ويطوفها وينال عالي المرامي
إلي رفع راس ابن عمه بلا ريب=عند ابن عمه ماجيه الملامي
وأخيه محسن لاعوى الذيب لذيب=يجاوبها سيف يسمى الحسامي
لاحدتك دنياك وقت الاصاعيب=انصى الحويله وتهنا بالمنامي
يكرم من الزلة ويكرم من العيب=نسل الرجال اللي تلد الخصامي
من بعدها بمدح بزيين المكاتيب=في ربعنا اللي تستحق احترامي
في ربعنا العجمان وأهل المحاديب=اللي بوقت فات تسقي الضوامي
حمايت الابل حافيات العراقيب=بالسيف الاملاح عاد ذا لاوقت حامي
كعامت العدوان على المشاريب=عشان اترد امات ضافي السنامي
فهادي ربعي على العز والطيب=تلطم شبا العايل بوقت الزحامي
ربعي هل الوقفات وقت اللواهيب=تروي ضما المظيوم بعد الصيامي
نورد على حوض المنايا مزاهيب=انموت موتت عز ولانضامي
سلام يالعجمان ياهل المواجيب=ياهل العلوم الطيبه والمقامي

الشاعر/ محمد بن سفر بن حمد أل فهاد العجمي

[الضاعني 1]

الله أكبر على قصائد الأرشيف اللي اطلعت ألحين يبون يقومون الرجال والرجال خامد ومنسدح على ما قال ( تنفخ في قربة مشقوقه ) ( والضلع الأعوج خله على انعواجه لا تكسرة )
والحمدلله رب العالمين أن الأمور مكشوفة وواضحة عند أدنى من له عقل حتى العجايز اللي في البيوت
وأنا أنصح كل شاعر متحمس لإبن حويلة انه يضع هذه المعلقات الشعرية عند دوار ابن حويلة ولا بديوانه

[ابورآكان]

هههههههه يالامبراطور بتحول المنتدى لديوان قصيد في محمد الحويله
عاد من زين الفعايل والعلوم

[امبراطوري]

المشاركة الأصلية كتبت بواسطة الضاعني 1

الله أكبر على قصائد الأرشيف اللي اطلعت ألحين يبون يقومون الرجال والرجال خامد ومنسدح على ما قال ( تنفخ في قربة مشقوقه ) ( والضلع الأعوج خله على انعواجه لا تكسرة )
والحمدلله رب العالمين أن الأمور مكشوفة وواضحة عند أدنى من له عقل حتى العجايز اللي في البيوت
وأنا أنصح كل شاعر متحمس لإبن حويلة انه يضع هذه المعلقات الشعرية عند دوار ابن حويلة ولا بديوانه

اشكر مرورك
الله يهديكم طيب احب الافتراء
وويش حارق رزك

[امبراطوري]

المشاركة الأصلية كتبت بواسطة ابورآكان

هههههههه يالامبراطور بتحول المنتدى لديوان قصيد في محمد الحويله
عاد من زين الفعايل والعلوم

اشكر مرورك
وحلوه سالفه بحوله قصايد ويستاهل بس هذي عشان الي قالو عن قصيدة الرشيدي
وعلومه طيبه الله لايهينك ولايهين الجميع

[امبراطوري]

يالربع حنا قنا للي يبي يرد يرد مثل الرجاجيل ولا يكرمنا في سكوته
وانا ماني مع احد او ضد احد انا والله جايب مواضيعي او القصيدة عشان اقنع نفسي قبل غيري وقول للربع الدعوه والله ماهي وطن وخرابيط ويعلم كذا واحد في المنتدى اني انا متواجد مع الندوات ومقتنع في توجه الطاحوس والصيفي وأفتخر في نوابنا الاربعه وتحامالهم..
واذا عندي شي ادق وكلمهم وقبل الاستجواب والله اني مكلم محمد وكلمت ولد العدوه وطلبت لاكن كلن له قناعه ونتو قاعدين اتخربون كل شي ابسذاجتكم لين حسينا انها غل على ربعنا.


والرجال ابيقتنع والخبل
ويعلم الله اني ماارتجي من احد شي لين اغدي المنتدى علوم رجاجيل والسفيه والساذج مايعين محل
والي علباله ان مرشحه ابينجح لاسب الحويله اقوله غلطان اطرح طرح جيد وقنعني وقنع الجميع بالعقل

[شامري الرابعه]

محمد الحويله وخالد العدوه يستحقون قصائد " سبيس تون " تصلح لهم اكثر

[امبراطوري]

المشاركة الأصلية كتبت بواسطة شامري الرابعه

محمد الحويله وخالد العدوه يستحقون قصائد " سبيس تون " تصلح لهم اكثر

اشكر مرورك
؟

[هامل الطرف]

امبراطوري


شكرا لك على الموضوع

وربعنا يستاهلون كل خير والله يوفق الاربعه لما فيه الخير

[م.بدرمحمدالعجمي]

ظلمت حالك يالفهادي

بالنسبة للمواقف مسحها كلها يوم 5/1 ....لو كان به شئ اصلا
وبالنسبة للخدمات ... فكل الخدمات اللي قدمها هو ووالده الفاضل من قبله ... لا تعادل وقفة الكرامة والعز..... بل انه باعها برخص..... عندما خذل ربعه وبني عمه وابناء القبايل الاخرى اللي استفزعوه ونعتوه ...فالكرامة والمرجلة لاتقدر بثمن..

هذا ولوانه جايب من الخدمات اللي ماجابه قبله ؟؟؟....وشلون وهو حده نقل او علاج بالخارج حاله حال مدير اداره ماهوبعضو من 50 عضو ...!!!!

لكن مقيولة :: يمدح السوق من ربح فيه
(الا وامحق من سوق تباع فيه الكرامة والمرجلة بثمن بخس)