شتات,,آهات,,

[ناصر البرغش]

دام الطلب هذا،،، يريح مشاعرك
بحاول أبعد واخر الدرب بلقاك,,,!!!
,
ببقى على جال،،، الطواريق شاعرك
والقاف اصوغه في فرايد مزاياك،،!!!

[ناصر البرغش]

طيب عطيني بيت واعطيش بيتين
حتى نعرف المشكله واخرتها
،،،،،
وانا بغني كان ودش تغنين
وش قصة حروفش معي ذاخرتها

[ناصر البرغش]

خطاك ضيع غلاتك وانت ما تدري =والعين تدري ونيات البشر عوجه
ما تدري اني عرفت الحب من بدري=والحب بالقلب توه بان منتوجه

[ناصر البرغش]

الظلم هبه يا عدو المحبه=قلبك من أهل الحب وشفيه وشفيه
الحب طفل ان جاك بشويش ربه=وإليا كبر سود الليالي تربيه
تعال شب الشوق بالقلب شبه=شبه وطفه كان ودك تطفيه
ماعاد تفرق دام قلبي لعبه به=حبٍ قديمٍ مقفياتٍ هقاويه

[ناصر البرغش]

لو إن قلبك,,يعرف الود وحقوقه,,
ماكان طيّر خفوقي دون طياره,,,!!!
,
واليوم مالي بقلبٍ يبسة عروقه,,
ماعاد يرويه نو الشوق وأمطاره,,,!!
,
ويش العذر,,دامها بوقه ورا بوقه,,
يا ويه,,يا كثر ما سبقت لأعذاره,,!!!
,
الله يسامح غلاك وكثرت فتوقه,,
والله يسامح,,عشيقٍ بيّح أسراره,,!!
,
يا من يطفي لهيب الحب وحروقه,,
وأهديه ,,لولوةٍ في كبد محاره,,!!!
,
ولا يعّود على قلبٍ دنا عوقه,,
ويعلمه كيف,,بنت القاف,,غداره,,!!!
,

[ناصر البرغش]

اللي يبي يشري قصيده يجيني
المدح دينارين ،،،،والسب دينار
ولا العتب والشوق بينك وبيني
بلاش،،،، لن الشوق حارق وغدار

[ناصر البرغش]

جادلٍ تنسل شعرها من كدر واهيامـي=ما يطبعها قصيـد الساحـه الشعبيـه

والكتاب اللي لفانا ما عليـه أختامـي=وان ختمته ما تسرك وجهة البرقيـه

كاتبٍ يكتب والاخر يكسـر الاقلامـي=والصحافه في بلدنا شبـه محسوبيـه

محكمه تحكم وهيئه ترفض الاحكامـي=يعني رقيه وزيـره والوزيـر رقيـه

والبطل حدد مصيره منتـج الأفلامـي=والعلاقه بينهـم ماهيـب عشوائيـه

يابن عمي لاتغرك سحبـة الأقسامـي=والله إن طلقاتهـم طلقـات تدريبيـه

يا ابن عمي صار تجنيد العقول إلزامي=طبقوا تجنيدهـم بالخطـه الخمسيـه

كل شيٍ بالزمن ينمـو يسمـى نامـي=والنمو ما اسمه نمو في وحدة القوميه

مشكلة لبنان ماهي مشكلـة سونامـي=والعوارف تحسب إن المشكله حزبيـه

والحراره في بلدنا والحديـد الحامـي=والشرار اللي تقادح ما اقدحته احميـه

مانبدل قطعـة أوراقٍ بقطعـة خامـي=والـورق ماشافتـه وزارة المالـيـه

والصنم مفرد وجمعه فاللغه أصنامـي=ما تغيـر شـي لكـن زادت الكميـه

[ناصر البرغش]

اسمك اسمك على الجوال بيت القصيد =لأنك إلهام شاعر ما يحب الهزل
كل ما أبغى جديد اقول فيك الجديد =والجزل ما يغني به يا كود الجزل
ودام كلك على بعضك حسين وفريد =وش له أتعب حروف القاف لجل الغزل
من دمار المحبه منهو المستفيد=سهم صاعد وسهمٍ من عيوني نزل
وأنت ثابت وسط عيني فريدٍ وحيد=يوم غيرك من الخفرات شد ونزل

[ناصر البرغش]

للبوح سكره,,,وللشاعر معك سكره=يا سكرة البوح...مدري سكرة إدراكه
وخيوط الأبداع فكره بعدها فكره=خيوط ماهي تبي ماكينة إحياكه
أنسج غزلها من الأشواق وأحتكره=بحروف شاعر يهز القول وشباكه
والقلب ودك ليا من حب ما يكره=لا صار خله من التقدير ما شاكه

[ناصر البرغش]

مرحبا يابنت لا ضفتي على الماسنجر=عد ما دق الماسنجر للضيوف أوتاره
القلم يكفيه لحروف الهواوي,,خنجر=يقطع العرق ويخط الدم بالمحاره
الوصال أشجار,,والفرقا حصاد المنجر=لا حصدها وقتنا الغدار في منشاره
قلب ناصر لا دفعتي له خلو,,يتأجر=أجري قلبي وانا بكفيش سوق إيجاره
إن بغيتيها حضاره ماني إبمتحجر=خلي الكابتن يحلق بش على الطياره
وإن بغيتيها بداوه جيت دنجر دنجر=عاصبٍ راسي وأعس القاع بالسياره
والله إني خابر إن ثوبش حلو ومشجر=لا تمايلتي يفوح العطر بين أزهاره
سعد منهو حجّرش,,وأنشهد إنه حجّر=وأشهد إنش يا بنيه من كريم أحجاره
لو ينابيع الغلا بإسم الغلا,,, تتفجر=كان ما قام الهواوي لش يبوح أسراره