..... ( غطـــــــــــــرســــــة شــــــــــــاعــــر ) .....

[عسّاس]

بدون مقدمات ..









لأني ما أعرف لـسوالف الأركان ..












لكن عسا أن يعجبكم اللي أقدمه

[عسّاس]

دام كلٍ صار له ركنٍ يخصّه ..=جيت مثل السفن وإحساسي مواني
إدخلوا .. وإستمتعوا .. والليل قصّه ..=في هدبه جروح .. وفي جفنه أغاني
إقسمه نصّين لك نصّه .. ونصّه ..=للقصيد الجزل .. وإسهاب المعاني
كلّ هذا عقب مرواحك يا حصّه ..=صاحبك ثاني وصار إنسان ثاني

[عسّاس]

إنتهينا يا حبيبي من زمان ..=لا ضويت الهجر .. ما اطيق الرجوع
مالك الا الدمع .. ولا الهجر حان=والهجر لا حان لك .. خلّك قنوع
إبك دمعك وإنثره كلّه عشان=لا خلص بأعطيك من جفني دموع

[عسّاس]

مدري وش اللي جابني لك وجيتك ؟=ومدري وش اللي أقدر أقوله ألحين ؟
لكن حصادي شوفتك قدم بيتك=لو ما أقول أي حرف .. ولا تقولين

[عسّاس]

كل ما جاك دربٍ للهدى والصواب =تعكس السير خطواتك وأنا بك عليم
أقبل الخير في شهرٍ سريع الجواب =لا سألناه حاجه جاتنا من كريم
الخلايق تصومه للأجر والثواب =وأنتي الصوم عندك فالحقيقه ( رجيم )

[عسّاس]

كل ما تجيني أبتسم لك وأهلّي=حتى لو إني منْك زعلان بالحيل
انته ( قدر ) ما قد صدفة وحصل لي=إلا وأنا أمشي فسوق الفحيحيل

يا لبّى سوق الفحيحيل ......

[عسّاس]

غيابك أتعبني من الساس للساس=عينٍ لقصر الحب وعينٍ لسورك
لكن تعال الحين وإترك غثا الناس=دام التعب منسي في حضرة شعورك
يا صاحبي لا تعتذر لي ولا باس=أنت العذر في مقلتيك وحضورك

[عسّاس]

المهره اللي عسفها يحتاجني=ماهيب هي الا وأنا عسّافها

[عسّاس]

طيّب / وإذا شفتش فـلاني بطيّب=يالغاليه معادها بلحيّة أشواق
وش لذّة ( القلطه ) بليّا ( حبيّب )=ووش لذّة الدمعه بلا موق وأحداق
أنا البعيد اللي فقدله قريّب=اللي يوسّع خاطري كلّ ما ضاق
من كثر ما قلبي من الجرح خيّب=جيتي / ووقّف على قلبي على ( ساق )

[عسّاس]

الرجال تذود عن مالٍ وحال وعرض=والقمر نوّر سناه الليله الغدّاره
ما كسر ظهر الرجال الا سنام القرض=ليت دولتنا الحبيبه تعطي بقطّاره