يا عزوتي ما كان هذا العشم فيك .. غيّرت رايك بعد الاخلاص وش جاك

[[ بلآ خطيه ]]

ياهمـي اللـي ساكـن(ن) بالمعاليـق
كم زرتني وأنـا مـع النـوم غافـي
ياما وجفنـي ساهـر(ن) للمشاريـق
من ضيقتن والوقـت ماهـو بصافـي
ويـن الرجـال الطيبيـن المطاليـق
ماشفـت منهـم بالصعيبـات لافــي
عـزاه ياوقـت العـنـا والتفـاريـق
ياليتنـي حصلـت بالنـاس وافــي
دنيـا المصالـح أخلفـت بالمواثيـق
مافيـه منهـو فـي نوايـاه صافـي
وقت(ن) ضحك لأهل الردى والمطافيق
كيف الوفي كل(ن) لـه اليـوم جافـي
قلبي على عمر(ن) مضى له تشافيـق
يـوم النوايـا طاهـرات(ن) نظافـي