مكالمه بين خطيب وخطيبته أدت الى فسخ الخطوبه

[فهيد اليتيم]

السلام عليكم ورحمه الله وبركاته

مكالمه بين خطيب وخطيبته أدت الى فسخ الخطوبـه


رن جرس الموبايل للمرة الخامسة يعني كان يدق اكثر من مره وردت عليه الخطيبة ..

الخطيب : أعتقد أنا انسان مو .. تطنشيني وماتردين على تيليفوناتي ..

الخطيبة : رد السلام في الاول وبعدين نتفاهم ..

الخطيب : اش راح يكون عذرك يعني بتقولين كنت نايمة ولا قاعدة مع أمي وخواتي ..

الخطيبة : الله يسامحك تتهمني قبل ما تسمع مني ..

الخطيب : بصراحة الأمر واضح بدون ماتوضحين .. ليش ماتردين على تيليفوناتي اكيد ..كنت مشغولة مع غيري ما كنتي فاضية لي؟

الخطيبة : بصراحه فعلا كنت مشغولة مع غيرك ..

الخطيب : منهو هذا اللي ماخذ عقلك وكل تفكيرك لدرجة ما خلاك تردين على تيليفوناتي؟

الخطيبة : بصراحه لما أكون معاه أنسى الدنيا وما فيها فلازم ياعزيزي تعذرني..

الخطيب : وبكل وقاحة تقولين هذا الكلام قدامي وحنا بعدنا مخطوبيين فلو تزوجنا اش كنتي بتسوين ؟

الخطيبة : الله يسامحك ما في داعي للغلط مادمت انا ما غلطت عليك ..

الخطيب : كل هذا وما غلطتي.. تطنشين تيليفوناتي وماتردين علي 4 اتصالات طول اليوم ولما رديتي الحين تقولين لما أكون معاه أنسى الدنيا وما فيها كل هذا وما غلطتي؟

الخطيبة : هذا ماحصل فعلا كنت مشغولة معاه وما قدرت ارد على تيليفوناتك ..

الخطيب : الظاهر ما راح نقدر نكمل هذي العلاقة فخليك مع اللي كنت مشغولة معاه .. و اللي فضلتيه علي ..

الخطيبة : جزاك الله خير هذا أحسن شي سويته ..

الخطيب باستغراب : ليش انتي فرحانة لفصخ الخطوبة ومنو هذا اللي ضحيتي فيني علشانه؟

الخطيبة : أنا فرحانة لان اتصالاتك الأربعه اليوم كشفت لي شيء خطير يبعدني عنك .. و يخليني أصمم على فصخ الخطوبة ..

الخطيب باستغراب : ممكن تفهميني أكثر ..

الخطيبة : انت اتصلت فيني اليوم الساعة 11.45 ظهرا


و الساعة 3.45 عصرا


و الساعة 6:30 المغرب
والساعة 8 مساء


وهذا هو اتصالك الخامس اللي تكلمني فيه

الخطيب : شيء عجيب انك تتذكرين حتى ساعة الاتصال بكل دقة ..

الخطيبة : أتذكرها لأنها الأوقات اللي أكون فيها مشغولة مع من أحب و اللي أنسى كل شيء من أجله و البذات لما أكون معاه في هذي الأوقات .. و أنا الآن فرحانة لأني اكتشفت انك مشغول عن من هو أحق بانشغالك به ، تحب تعرف أنا مع مين كنت ؟

الخطيب : من ؟

الخطيبة : كنت مع الله ، لأنك كنت تتصل فيني في اوقات الصلاة الوقت اللي أكون فيها منقطعة عن الدنيا وما فيها ، و أنا ماأقدر أرتبط في انسان لاتربطه صلة بالله ..

أغلقت الخطيبة التيليفون بوجه خطيبها بعد أن قررت هي الابتعاد عنه ..


قصة تستحق التفكير كثيراً!

[ابومـــحــــمــــــد]

يعطيك العافية اخوي الله لايهينك مميز دائما وتقبل مروري0

[هويت غـلطآتكـ]

لاهنت ياا فهيد على القصه

وهذا القصه فيها حكمه وفيها نصيه لشباب ولشابات الي يطوفون صلاتهم ويكلموون في الوقاات هذي

الان هذي الاوقاات اقواات عبااده رب العالمين وخالقنا

واشكرك على النصيحه وعلى القصه

و منكم نستفيد ياا فيهد

[النــ فهيــد ــاجعي]

لاهنت يافهيد عالقصه....

[(جساس)]

اخوي فهيد مميز في كل شي راقي في اسلوبك
قلم جميل الف شكر الله لا يهينك
لاعدمتك تقبل مروري

[عزوتي يام]

قصة معبرة جدا

وفعلا خسر انسانه ربما لن يجد مثلها

جزاك الله خير

[محمد صرام]

تسلم على هذه القصة الجميلة

تقبل مروري

[ابو شقره]

لاهنت يافهد على النقل
وهذ عبره وياليت ناس واجد يتعلمون منها

[محمد بن فراس]

مكرر

http://www.alajman.net/vb/showthread.php?p=1929155