مراحب بوح
تالي نهار وعاتق الشمس مذبوح
والوقت لو تدرين للوقت ذباح
كن السما صوتً من الذعر مبحوح
والليل خيلٍ سود للضي تجتاح
وسحايبٍ فوق الشفق كنها قروح
على جبينٍ ما شكى كثر ما طاح
لاذت عصافير المسا في ذرا الدوح
وتنفس سراج الوهن بين الألواح
حبيبتي ضاق الفضى وين باروح
وان رحت ظلم النفس للنفس ما راح
مجروح ماهو هم لو قلت مجروح
يالله عسى ما اصير في قلبك جراح
تبسمي برقٍ على ثغرك يلوح
بشد له مدام في العمر مـرواح
غزيت وجه الصبح من غير مصلوح
وانكفت دون الشمس هقوات ورماح
__________________
ياحبيب الجرح شوف إحساس محبوبك عَدَم
ما يحس القلب في جرحك وهو كله جراح !
كان في وجهك بقى لك دمعتين وفيه دَم؟
هذي هُدنه.. نتّفق بشروط وننساه اللي راح
يا أعيش بـ وسط قلبك ونبني كل شي إنهِدَم
وإلا قدامك أموت وأوقف بوجه الرماح!
إعتبر نفسك معزّب و المشاعر لك خَدَم
وإنت كيفك دام قلبي أرض منزوعة سلاح !
08-07-2010, 11:54 AM
العرض العادي
