× دمــــــــــــــوع آلمــ ح ـــآبـــر ×.. }~

[طبــ ع ــي كــذآ.. }~]

هو يحسب انا من عجم طهراني
..................ولا حمولة هاف بصراويه

مايدري انا من حما دسماني
..................يوم انقلاب الشرق والجبليه

العبد شاخ ولد بالعماني
..................جزا حسانيهم برد السيه

[طبــ ع ــي كــذآ.. }~]

وشـ أقـــــ ـولـ ؟
دام لـــي قلب خـــجولـ
إحــــترق مليون مـــره
وضـــاعت أنصــــاف الحلــــولـ

وشـ أقـــــ ـولـ ؟
ودمـــعتي تـــسكن بــــ عيني
تنــتــــظر وقــــت الــــــــنزولـ

وشـ أقـــــ ـولـ ؟
وإبــ ـتعـــادي عنكـ
يسببـ لــيـ جـــــنونـ

وشـ أقـــــ ـولـ ؟
غيــر أحــبك ثــــم أحـــبك ثـــم أحبـــكـ
لـــو مســـافاتكـ تــــ ـطول ..!

[طبــ ع ــي كــذآ.. }~]

صباح السهرانين وصباح الخير





وحده من خوياتي اقصد خويتي الوحيده اللي اختصرت عرفة وجيه وحولتها الى ربع ومعزه

زمن اللقاء بعد رمضان السنه اللي طافت

يعني على اخر تسعه و اول عشره المهم بداية دوامي القديم

بنفس السيكشن ونفس القروب مجموعة بنات مدري منين جايين وليه جايين


اتوقع كانت وجهتم الآفنيوز مو المعهد


المعهد مو جواهر جلكسي ولا ماكنتوش قرقيعان مو مخلوط


من جميع بقاع الكويت <--حلوه بقاع


انا من هون


هون = المنطقه العاشره


وخويتي من هونيك


هونيك = الجهراء ستي



ويابعد المدا بعداااه



هي من اقصى الشمال وانا من اقصى الجنوب سبحان اللي جمعنا



المهم انا ما طولت بهالمعهد طلعت منه وكانت نفسيتي صفر على الشمال



وكذلك جوالي حالته النفسيه تعبانه فجأه من كيفه يفصل ويرجع يشتغل

والذاكره الى الآن وانا ماسحه كل شي فيه يقول لي مليانه امسح بعض البيانات


وين المشكله


المشكله كنت مخزنه رقمها عندي مع اني ما احب اتكلم بالتلفون كثير ما اعرف

لازم فيس تو فيس


كنت متمسكه بجوالي لين اشتري الجوال اللي ابيه بعد كم يوم



لحظة لقافه ما خطر في بالي ان الآرقام راح تنمسح


سويت له استعادة نظام



انمسحت كل الآرقام اللي خزنتها عقب اخر استعاده


من ضمنهم رقمها



قلت خلاص معادني بشايفتها ولاني بسامعه صوتها




تحسفت قد شعر راسي لآنها غير هالبنت انا ما اتعرف على اي احد

ولا ارافق اي احد والصداقه عندي شي وجوده صعب نادر


لآن مفهوم الصديق تغير منذووو مبطي بعد



بس على كثر ماعرفت وشفت وجيه ما شفت مثلها


كنت اقول لآمي قبل وين الصديق اللي على الشف والكيف


لآني مو من نوعية البنات اللي يحبون يتكلمون بالتليفون اربعه وعشرين ساعه

مع خويتها ولا بنت خاله او عمه ما احب عندي التليفون للشي الضروري وبس




وبصراحه هي جات على الشف والكيف تشبهني حيل لقيت نفسي فيها


خلتني احس اني اعرفها من زمان مو من فتره بسيطه


بس انا كنت اتمهل ما احب اطير لآن ماطار طيرٌ وارتفع الا كما طار وقع


ومشكله بعدين تنكسر رقبته الا كله بينكسر



الحين شلون راح اتواصل معاها ؟


رقمها ما اعرفه مو حافظته ذاكرتي مضروبه


وجهازي من زود مانفسيته تعبانه لا جتني مكالمه ومارديت وجيت ابي اعرف من داق علي



يطلع لي السجل فاضي ومافيه احد داق علي لو سبع مكالمات مافي ولا رقم

يعني وهقه اكثر من كذا واحراج مافيه


ما ارد على احد ولا افكر ولا اشغل نفسي لان اللي يبيني المفروض يدز مسج


اساساً ما ارد على احد ما اعرفه لين يعرف عن نفسه يعني بمسج انا فلانه بنت فلان وهذا رقمي

ذيك الساعه ارد


وكثرت الآرقام اللي تدق علي وانا مو عارفه منو واغلبها لم يرد عليها


اول سبب اكون نايمه


ونومي مو صاحي


بالذات اذا كان علاجي مخلص ومارحت اخذه هوووه هووووه انام يومين يمكن عادي


يعني مالي امل اعرف من داق علي


وكنت اقول فشله الحين شنو بتقول عني بتقول شايفه نفسها ولا شبتقول


بس اللي يطمني انها عرفتني وعارفه شخصيتي عدل مستحيل اشوف نفسي على احد

شلون عليها هي




عقب هي لهت بدراستها وخلصت وانا لهيت معاكم بالمنتدى


وعقب قدمت مره ثانيه ودخلت نفس الدوره بس بالشويخ


الحاله نفسها ردت لي واعبر من قبل مدري ليه جتني نفسي ومن ادخل من باب المعهد احس بضيق وكتمه ليه ياربي ليه


ماكملت طلعت من المعهد كنت كارهه اسمع او اشوف اي احد


من يكلمني احد ابكي وابكي كني بزر مخنوق يبي شي مو لاقيه


كنت احس اني خلاص فشلت وماني دارسه مره ثانيه


مابي ادرس ولا ابي اتوظف ولا ابي اي احد يكلمني ولا يطري علي الدراسه


لدرجة اني فكرت امنع نفسي من الطلعه من البيت لآي مسيار

بس عشان ما اسمع من احد كلمه عن الدراسه مابي اكذب واقول ادرس

وانا مو قاعده ادرس ومابي اقول اني طلعت واسمع كلام مالي خلق اسمعه

حتى لو كان لمصلحتي نفسي عايفه وكارهه مابي احد يكلمني


خويتي كانت تدق وانا مو عارفه الرقم وما ارد


صادفت كم مره اشوف الرقم نفسه يدق علي بس مو عارفته ماني راده



انا ما كنت ادري انها هي



عدت شهور وانا على هالحال ما ارد على احد كلش واستغليت فترة قعدة عمتي عند جدتي

بعد الولاده كنت اروح لها وارقد عندها كنت ما ارتاح الا عندها وهي ماقصرت معاي

المفروض انها ماتطلع بهالفتره بس كانت تطلعني وتمشيني وكل يوم نتريق او نتغدا او نتقهوى يا بالآفنيوز او الكوت تقريبا صرنا نروح للكوت بشكل يومي


قدرت اتغلب شوي على هالحاله لين تحسنت حالتي ورديت احسن من اول


قبل راس السنه بإسبوع رحت وشريت جهاز جديد


وعقب فتره شهرين مروا بتاريخ 9\3 جاني مسج ؟



وينج يالقاطعه ماتسألين والله مشتاقه لج حيييل شدعوه زعلانه اذكريني لو بمسج
ولا الظاهر رقمي مو عندج معاج فلانه فديتج



يافرحتي بهالمسج مثل فرحتي بولد اخوي يوم جابته امه



دزيت لها مسج ودقيت عليها وفهمتها كل شي وقالت ادري وعاذرتج اصلا لاني اذكر تليفونج يوم يفصل وانتي تكلمين امج


فديت قلبها


هالكلام كان اول مادخلت الدوره الثانيه اللي اختنقت منها وطلعت كانت داقه تبشرني انها خلصت وتقول مالت عليها اللي قالت لج انهم مصكرين التخصص اللي تبينه هذول هم حطوني فيه


تفاجأت شلون مستحيل لهم ثلاث سنين مصكرينه مستحيل يفتحونه


قالت علمي علمج بس انا الحين بإجازه وانطرهم يقولون لي داومي وعقبها اعطيج خبر


راحت الآيام وهي عارفه طبعي لكن بإجازتها جاتها حاله طفش نوم نوم نوم ابعه وعشرين ساعه


دقت علي قبل فتره قلت لها شوفي انا وحده اعترف اني مقصره وما اسأل

وهذا شي مو مني ترا لاني مايطري في بالي واذا طرى في بالي شوفي شنو يلهيني
ولا ينسيني


يعني كل ماجيت بدق انشغل بشي


وطول وقتي بين النت والنوم والدوام وين احك راسي ؟


لاحكيت راسي اكيد راح ادق واسأل


<---فيها عرق سوداني


قالت الحال من بعضه بس المشكله انا مافيه شي يلهيني اقوم الصبح اقعد لي الظهر مع اهلي ماعندي غير التلفزيون وعلى العصر كذا اروح غرفتي انام ما اقوم الا بوقت متأخر

وعلى هالحال كل يوم والوقت اللي انام فيه اكثر من اللي اكون قاعده فيه


قلت لها طيب ادخلي النت اقري كتب سوي شي تحبينه

قالت شسوي المشكله مافي شي معين احبه

قلت والله اذا فكرتي راح تلقين شي تحبينه وتقدرين تسوينه

قالت الله كريم يابنت الحال


ونعم بالله




سلمنا على بعض وانهينا المكالمه هي بترقد وانا كنت قاعده في ذا




وراحت الآيام وجات وهي في بالي ابي ادق بس مدري وش اللي يلدني

احس اني استحي ليه مدري


عدت فتره وانا ابي ارسل مسج بس جوالي يصفر محد يرسل لي عزاه جوالي القديم كله رسايل من عماتي وخالاتي وبناتهم

بصراحه مرات كنت اسرق مسجات من عمتي الكبيره

<--- دلوعتها وامون وكل الرسايل اللي عندها تجيب العافيه بالذات اللي هي مرسلتهم


شاعره لبى عينها مايحتاج تتسلف مسجات



بهالفتره قبل شهرين تقريبا انا دخلت ادرس بمعهد انفوسنتر ولهيت مع ان دوامي ساعه ونص بس


لكن كنت اواصل بالمنتدى لي حزة دوامي اطلع الساعه 2ونص الظهر ارد عقب المغرب وحط راسي وانام واقعد الفجر وعلى هالحال يوميا


حاليا الحال من اروع مايكون يكفي اني داخله شي احبه وادوره من زمان واللي يحفز الواحد بآنه يكون مميز في مجاله

والآول على دفعته


شعور التفوق غير حلو هالإحساس لما تكون انت الآول اكيد راح تحب المكان باللي فيه


وهالشي خلاني مو مهتمه بشي كثر دوامي


دوامي وبس


يعني لهيت صدق


بالصدفه قبل عشر ايام كذا صار لي انا وياها نفس الحدث


هي انخطبت وراح تملك هالآسبوع ودقت علي تعلمني قبل يومين


وانا انخطبت بس الناس ع الويتنق اهلي ماردوا عليهم

عندي ظروف وهم صار عندهم ظروف

وامي مو مستعجله على مثل ماتقول بنتي ماني مستعجله عليها


وانا متابعه الآحداث بصمت مدري وين الله قاطني

مدري مدري ويش اقول





؟؟

[طبــ ع ــي كــذآ.. }~]

^
^

انا دققت مرتين على كلامي قبل لا انزله في حروف انبلعت وين راحت



<--تسمع عبدالحليم حاااقه غريبه

[طبــ ع ــي كــذآ.. }~]

ابتدا الصيف والصيف ان بدا فيه عاده
....................قلة الوصل و الضيقة وبعد الحبايب
آه يا قلبي الي فارقته السعادة
....................كل ما قلت طاب اظن ماهو بطايب
لا تذكر هوا باله وغاية مراده
....................هاب لو كان بالشدات ما هو بهايب
لكن البعد مثل الموت لا جا حصاده
....................ماترده سموم ولا ترده نوايب
ليت محبوب قلبي ما يغادر بلاده
....................ونجتمع ماعلينا من سموم الهبايب
اتصبر على الفرقا ومالي جلاده
....................واتعزز وانا قلبي من البعد ذايب
لا تلومون قلبي يوم عاش النكاده
....................ولا تقولون كثر الدمع ماله سبايب
صدرولي بعد فرقا حبيبي شهاده
....................بعد فرقاه مالي غير عوج النصايب

[طبــ ع ــي كــذآ.. }~]

يارب تفوز الآرجنتين








مع ان بيني وبين كآس العالم والرياضه شارع ونص


والنص تحويله




بس احب البرازيل مو عشان شي عشان كابتن ماجد بس

واحب ايطاليا عشان كابتن رابح بعد


بس كابتن ثابت ما اذكر كان بآي نادي بس كنه كان يلعب كرة طائره

وكابتن رامي بعد مدري بآي فريق يلعب الظاهر يلعب بنادي الساحل


كلهم رسوم متحركه




بس مارادووونا



حقدت عليه مره



مع اني اشجع الآرجنتين يوم كنت بزر مع الخيل ياشقرا ومو عارفه اسم ولا لاعب



بس عقب مالعبت بفريق عبود وخلود واحمدوه وباقي الشله من البنات متوزعين بين الفريقين


فريقي كان يتكون من ثلاث شباب عبود واحمدوه و بروك بس مو البطه

<--انا بصف الهجوم

عبود دفاع احمدوه حارس مرمى بروك ماله داعي بس مدخلينه عشان لايبكي ويتشكى عند خالي ويجي يصفقنا

والفريق الثاني باقي البنات ثلاث وخلود حارس مرمى



كنت انا امشي واقوّل ما اشوت الكوره الا داخله المرمى وخلود ماقدر يصدها


خلود كل شوي معصب



ياداخله بين كراعينه ياهافه جبهته ياخاضه كرشته المهم ماعين خير



عبود واحمدوه متشققين من الوناسه


فزنا عليهم فزنا عليهم


سووا مسيره عقب ما عدوا الآهداف 12 هدف مقابل 3 ههههههههههههههههههه


خلود لقط وجهه قال الشرهه على اللي يدخل بنات بفريقه ههههههههههه


البنات قالوا شنسوي هي سريعه ماتعطينا مجال ومجلبه بالكوره وتراوغ <--حسيت كني رونالدو


اثناء المسيره عبود واحمدوه يهتفون ويشجعون بإسمي وبعدين قعدوا يقولون


يعيش يعيش يعيش مارادونا


يعيش يعيش يعيش مارادونا



رد عليهم خلود قال اي مارادونا على هاللعب قول مارادونات








<---انااااا





انا مارادونا ومارادونات



والله ما العب معاكم ثاني مره محاربتكم <--قلبتها جد وراحت تبكي



يمممممه يقولون انا مارادونات إهئ إهئ إهئ مااابي شنو مارادونا <--مو عارفه منو


امي تسمعني وتقول بس عشان كذا تبكين شفيه مارادونا لاعب حريف ومحنرم



هاه




<--- كنها عجبها الموضوع بس ردت بكت وآآآآآه مابي شنو انا يشبهوني برجال مابي


امي قالت احسن محد قالش تلعبين مع الصبيان


يمه هم يبوني العب معاهم واذا مالعبت معاهم يطقوني


قالت ماعليش منهم ماعندهم الا الحكي واذا طقوش قولي لخالش يخانقهم



وعقبها قعدوا فتره ينادوني مارادونات كل ماشافوني بس عشان يغيضوني واعصب


و يوم عرفته قمت اتابعه بكأس العالم وهم عطيتهم طاف واسكتوا مني


بس بعدين ماقمت اتابع غير سبيس تون ههههههههههه

[طبــ ع ــي كــذآ.. }~]

يا عين هلي صـــــافي الدمع هلــــــيه ...................

واليا انتهى صـــــافيه هاتي ســـــريبه



يا عين شـــــــوفي زرع خلك وراعــــيه ...................

شوفي مـــــعاويده وشــــوفي قلـــــيبه



لا مـــــرني بالــــــــدرب ماقدر احاكــيه ...................

مصــــــيبة يا كـــــــــــــبرها من مصيـــبه



مـــن آول خـــلـــي قــــــريـــــب ونـــرجـــيــه ...................

والــيــوم جـــيـــــتـــهــم عـــلــنــا صــعــيــبــه



اللي يبــــــــــــــينا عيت النفس تبغيه ...................

و اللي نبي عيا البخت لا يجـــــــــــيبه

[طبــ ع ــي كــذآ.. }~]

ياوجودي كل ماهب نسناس الشمال = وجد من حدّه زمانه على اللي ما يبيه

وياوجودي كل مااغفيت ثم مال الظلال = لاغفت عيني ولاذقت شيٍ مشتهيه


وجد من قفّى وهو في رجا كلمة تعال = والتفت من عقب مااقفى ولحدن لدّ فيه


وياعذابي لادنا الليل من روس الجبال = وانتهى يومٍ من العمر ماعاد ارتجيه

[طبــ ع ــي كــذآ.. }~]

حظي واعرفه لا رقد صعبه يقوم
.....................نومه مثل نوم البزر في مهاده

ينام والناس حظوظها ماتنوم
.....................ويقعد لامنه بغى لي نكاده

يالله عساه يطيب لي لو ربع يوم
.....................والاقي اللي فيه صعب ايجاده



لي

[طبــ ع ــي كــذآ.. }~]

وصلني مسج تو ذا الحين



قلت عسى خير يارب



فتحته ولا من شركة الوطنيه خطي من قبيلتهم من فخذ كروت التعبئه



محتوى المسج يقوووول



نتمنى لك عيد ميلاد سعيد !

Happy birthday! may all your wishes come true




وآت؟!

:/



خبلان ولا فيهم وشه ولا وش الموضوع بالظبط وش حط اليوم عيد ميلادي هاه ؟


ياوالله اللي انهبلوا وش جاب شهر تسعه لشهر سته ولا لايكون قارين الرقم بالإنجليزي ع المقلوب




ههههههههههههههههههههههههه



تذكرت تذكرت امي لبى عينها من مواليد ذا الشهر وخطي بإسمها


بس مو اليوم وبعدين مواليدها تصادف ذكرى الإستقلال يعني عدى اليوم



بروح احب راس امي واقول لها مبروك الإستقلال آقصد كل عام وانتي بخير


<--عشان تنقد علي وتقيس حرارتي وتقول ارب ما انتي مصخنه ههههههههههههههههه


لبى عيون امي