(استفساراتكم عن كلية التربية الأساسية هنــا .. )

[نهار المتلقم]

للصمــت في بعض المواضــيع حكمه .. وماللحكي في بعض الاحيان داعي

[صوت القلوب]

أحسنتَ القول أخي ولكن عمّا تريدنا أن نسكت ؟

[ـآلمطّــــيرٍيّ]

قيس مجيد وشلونه من لحيـه يعطي ثقافه علميه

الي يعرف رقمه يدزه ضروري لي اسبوع ادوره

[نهار المتلقم]

قيس مجيد اللي اعرفه :

انه عنده محاضره من الساعه 3ونص لي 5 العصر

ومن 2 لي 3ونص ...



استفسر من الشباب اكثــر بالكليه لأنه الاغلبيه ماخذين ماده ثقافه علميه يا عند قيس مجيد او رفعت نسيم والاوقات انا ذكرتها لــك ...

ومكتبه بموجود في قــســـم العلـــوم

وموفق خــير

[بنت مطير حلاها غير]

اوهااايووو <<~~ هاي بالياباني خخخخخخ

المهم حبايبي حبيت اسال عن الدكتور حسين المطيري ثقافه علميه زين او لا


ومنوو احسن واحد يعطيها

[صوت القلوب]

مرحبااا يا بنت مطير

اللي أعرفه فديتش إنّ عبير المطيري من أفضل دكتورات الثقافة العلمية !

وهو مقرر غثيث بشكل :/ !


لكن حسين المطيري ما أعرفووه



موفقين خير إن شاء الله

[نهار المتلقم]

انا افضــل الدكتور رفعت نسيم ...


صراحه اختباراته حلوه والماده يدخلها غصب بمخ الطالب


وانا استفدت منها وماخذها الكورس هذا ولله الحمد التيرم الاول والثاني درجاتي حلوه

بس يبيله دراسه (( مو دراسه اول بأول )) يعني قبل الاختبار بيومين :d

[GoOSsip]

السلام عليكم ورحمة الله وبركاته ..

مشكورين على الموضوع الحلو ومبين من مششششاركاتي انـــي مسجله عشانه ..

بس ابي طلب تفيدوني ادري كل دكتور يختلف من بنت لي بنت والناس اذواق بس بعرف كل دكتور من هالدكاتره امتحاناته شلون وطريقته بالتعامل عشان اتأقلم عليهم باختصار ما راح اتزوج ولا واحد علشان أذم وأعذرب فيــــه ... حلفي



الصيفي

الثقافه الاسلامية ( خالد الصافي )
جغرافيا الكويت والخليج العربي ( سلمان حسين الفيلجاوي )
اصول تربية ( جومان معرية ) << ريال ولا مره لان انا قايله ما آخذ عند حريم No way


...

الكورس اللي وراه ( الأول )
النحو العربي 3 ( حسن هنداوي ) <<< اعرفـــه وماخذته عمدا لان امتحاناته تافهه بالتدريبات والصرف تحلين 10 دقايق بس بالنحو مادري لكن مرتاحه عليه .

علم اللغة العام ( خالد جمعه )

التغير الاجتماعي والتنمية في الوطن العربي ( أحمد الكندري )

منظمات دولية ( سعود العنزي )

المناهج ( هيئه تدريسية ) << منو تتوقعون والأفضل

حلقة بحث أدبي ( فهد الظفيري ) << واعتقد مافي الا اهو يعطي هالماده بهالكورس


ياجماعه تنويـــــــــــــه : أإبي رأي محايد مابي وحده ولا واحد متذابح مع الدكتور يعطي رايه ههههههههههههههه تعبت من هالسالفه

والتنويـــــــــــــــــــــــــــــه الأكبر

الدكتور المومياء ( علي رجب ) يعطي مواد اجتماعيه لحد ياخذ عنده وقولوا ماقلت والله والله والله بدون مبالغه تنامون وعنيد ومحاضرته من 3 لي 4 كل الشعبة بنت 14 حدهم الباجي مايداومون مادري شقصتهم وبالامتحان الاول العلامات تنصدمون واحد او واحد ونص الشاطره 9 طبعا اتكلم عن ماده ( تاريخ الوطن العربي ) اخذوها نصيحة مادري شلون دكتور كل اللي عنده كنا مستجدات وماندري عنه وكل اللي يطب عندي بيذكر كلمتي ويتحسف قايلنا طبعا بلهجته عربي على مادري شنو ( أنتن لا تناموووونه ولا سوف انقص دراجتكن ) والمقوله الخطيرة ( لا أريد الغش وإالا سوف أجلب كاشف الأجهزه ) هههههههههههههههههههههه يعني فهلوي


حضرية طالبة فزعتكم يالعجمان لاتردوني
فديت الوشوشه بس ..

[صوت القلوب]

:





GoOSsip



وعليكم السلام ورحمة الله وبركاته

العفوو قلبوو

مرحبا بشش جديدة أو قديمة


خالد الصافي .. للأمانة أنا ما خذت عنده ولا أعرف تفاصيل وااجد عنه

اللي أعرفه إنه يطلب تقرير من 10 درجات

يحذف كمية امتحان التيرم الأول والثاني

ويعطي قريدات عالية هذا الكلام في موااد التخصص فما بالش بمادة عامة ؟


سلمان حسين الفيلجاوي ما أعرفه :/

جومان معرية مدري أحس حرمة

بس ما أعرفها .. أنا خذيت المقرر عند غانم شاهين كان مقرر "ونااااسة" خفيف من كل النواحي

والدكتور طيّب وقريداته A ، A- ، B مو أقل محد أخذ عنده أقل من هالقريدات يعني المادة زيادة

معدل وزيادة وحدات فقط



...


حسن هنداوي .. يمدحون شرحه لكن التقادير "ضرس ما يندي" يعني إذا C أنتي عبقرية

أنا أحب القواعد عند الحمصي \ يحيى مير علم مع إن يحيى مير علم بعد بخيل بالتقادير :/

تدريبات لغوية مادة عامة التعامل مع طالباتها مختلف عن مواد التخصص !


خالد جمعة .. أنا خذيت عنده علم الدلالة يعني طول المحاضرة ضحك ويحب يضغطنا

وشرحه رهيييب والتقادير أفضل ما يمكن خذيت عنده A

بس ما أعرف إذا هذا تعامله بكل المقررات


أحمد الكندري ما أعرفه ولا أذكر أحد خذا عنده :/


سعود العنزي .. إذا بعطيش راي بعطيش راي خالتي فيه قبل 7 سنين

ما أعرف عنه شي صراحةً :/


المناهج مقرر حلو جدًا خذيته عند الدكتور اللي كان لاعب

شي الشمري

المهم يتأخر ربع ساعة ويجي ينادي الأسماء ربع ساعة ويقول قصة نص ساعة جك بم انتهت

المحاضرة

والإمتحان الفاينل "مذكرة صغيرة " وامتحان التيرم يموّت من الضحك 5 دقايق حالته !

ويطلب تختارين موضوع معين تقولينه قراءة وأنتي قاعدة بمكانش

لكن هذا الكلام لما كان مرشح نفسه للإنتخابات :/

يعني ممكن يكون على حظي !


حلقة بحث .. فهد الظفيري وع !

انحاشي شنو غثيث !

يطلب بحث مثل بحث مناهج البحث .. دراسات وإحصائيات وأدوات البحث مثل المقابلة والإستبيان !

ويخليش تداومين لي نهاية الكورس بس ما فيه امتحان فاينل التقدير على شرحش للبحث






علي رجب أول مرة أسمع فيه .. أختش متخرجة ولله الحمد والمنة


أنا يوم قريت فديت الوشوشة بغيت أقحص
حيااش الله يالغالية مكانش ومحلش



بالتوفيق يالغلا





:

[GoOSsip]

فديت قلبش ... اختربنا هههههههههههههه


تسلمين ياقلبي والله على شرحش الوافي والكافي ونستيني اغلب دكاترتي oK
الظفيري اعتقد مافي غيره يعطي الماده هالكورس بعدين بيني وبينش أخلصها الحين وأفتك منها جذي جذي ماخذتها ..


ورحم الله بطن جابش يا بنت امش وابوش

( تفلت وايد على الكيبورد )