عزي لقلبن لاريش العين محتاج .. .. وعزي لعينن ساهره من قهرها
باسباب منهو نايمن فوق ديباج .. .. مـــاهو يعدد يومـها مـع شـهرها
انشهد ان فكري قبل شوفتك ساج .. .. ومن شوفتك عيني تزايد سهرها
ياهيه ياللي مالك اليوم منهاج .. .. ولاسلومن نتبعك في اثرها
يابو خدودن نورها دوم وهاج .. .. لك صورتن فالقلب عندي خبرها
لك صورتن فالقلب من بين الادراج .. .. بدرجن خفي(ن) ماحدن قد نظرها
لامن صدفتك مالها اي مخراج .. .. كلمة بقلبي واقفه في نحرها
يمكن لها فالعنق عشرين مزلاج .. .. والا لساني ماقدرها وسترها
احبك احبك وهاج الغلا هاج .. .. وروحي تحبك ماحدن قد جبرها
وعندي سؤال ماظن فيه احراج .. .. وابغا اجابه قلبي ياما نطرها
قلبن اسيرك ينتظر وقت الافراج .. .. باسباب عله للعرب مانشرها
يازين منهو لبسك بالغلا تاج .. .. وعدك لنفسه شمسها مع قمرها
ويازين منهو صد عن كل هراج .. .. ولخاطرك عيونك كم عينن خسرها
مسكين قلبي في بحر حبكم داج .. .. واتعبت روحي بصدك اللي دمرها
روحي شواطي وكل امواج وامواج .. .. تضرب بروحي لين يقرب قدرها
الحق علي مادام في يدينك علاج . .. الحق على روحن تزايد خطرها
وان ماظهرت اليوم يازين بانتاج . .. عيني على طيفك تقزر نظرها
17-05-2010, 02:17 AM
العرض العادي
