قلت له: جب!

[بدر الساخر]

خربتها يوم طلعت خيال !

لان الشيء (ذا) صحيح ومشكلة ظاهرة اعاني منها انا !

انا المشكلة تربطني علاقات دم ونسب وصداقة مع ناس كثير ويومي يعدي كاني مندوب (التعداد) السكاني

ما يخلص اليوم الا لازم مشيكلي على خمس عشر بيوت يوميا ً !


وكيف حالك وشلونك وعساك طيب وشلونك وعد وكرر .. وعلى قولة المثل (اليمني) ..

(امانه دقوق حلبه) !

وكما هو معروف (الحلبه) تقعد تدق وتطحن فيها (ساعه) لين تخلص


بعض المرات تطفش وتعلق على كلمة ... بخير بخير بخير ..

حتى لو احد قال مالت على وجهك رديت بخير وما انتبهت !



بصراحه اكثر سلام وسؤال يعجبني طريقته .. اهو طريقة اهل الجنوب !

ماجورين والسلامه ..وش حالكم ..وانتهت السالفة ..لان كلهم يسألونك مع بعض

و اذا بينك وبين واحد منهم شئ امسكك على جنب واستخبرك لحاله !


نفاق اجتماعي في غنى عنه


عندي حل معيض .. انت طبقه واذا مشى الحال معك ..ارجع وعلمنا .. نطبقه حنا بعد

اول واحد يسألك منهم .. ويقول وشلونك ..لا ترد !

وألتفت على الجماعه .. وقل بصوت عالي (صلوا على النبي)

واذا شديت انتباههم .. قل :

ابشركم انا بخير والحمدلله .. مبسوط ولوني احلى لون .. متعافي من قبل والله يديم العافية لنا ولكم..وشكرا على السؤال !


عاد اذا احد سألك منهم عقب المهرجان ذا كله وقال ..وشلونك؟ ...اصفق المسباح في وجهه