.... (( قــول : إلـــى بـخـآطـــرك )) .... (3) New - الصفحة 836

ناصر بن فالح · #**8351** 18-04-2010, 02:27 AM

لو تحرك يدينك في يديني واشوف \\ نظرة عيون قلـب ٍ كـم تمنيتهـا
ابتداء المشاعر والتقاء الكفـوف \\ بالرسايل تجيني وانت ما جيتهـا

العيطموس · #**8352** 18-04-2010, 02:32 AM

/

ودي افضفض له بما في كنينـي

....... وأعلمه : وش كثر في بعده أشتقت
بس البلا لاحط عينـه بعينـي

...........ضاع الكلام اللي بقوله ودنقـت

/

ناصر بن فالح · #**8353** 18-04-2010, 02:34 AM

الله الله العيطمووس

العيطموس · #**8354** 18-04-2010, 02:35 AM

.
.
.
بطلع أنام وخاطري منك ماطاب
..... يمكن مع أحلامي ألاقيك فاضي !

دامك تكاثرته سهر ليل الأحباب
..... مثلك أنا في غيبتي عنك راضي ..!

جرح العنا · #**8355** 18-04-2010, 02:40 AM

الصمت حكمه لا ارتفع تهريج عشاق الكلام
عمر الحكي ماكمّل الناقص ولا عزّ الذليل..

مرتاح أحبك · #**8356** 18-04-2010, 02:40 AM

تدري وش اللي يوجع القلـب ..لا غبـت
إنـي أعرفـك راجـع .. وماأنـت الأوّل
:
وتدري وش اللي ينقض الجرح .. لا طبت
إنـك تلـوم عتابـي .. للـهجـر طـوّل

العيطموس · #**8357** 18-04-2010, 02:42 AM

الوقت جاير والبلا ماهو الوقت
......... مير البلا نــاس ٍ سعوا في خرابه
اي والله اني من بلا هالزمن ضقت
......... الين ما احتديت صوب الكآبه
حتى الذي يجرحْك يسألك صدقت ....؟
يعني جروحه صار اسمها دعابه !!

تصبحوون على خييررر

.
.
,

جرح العنا · #**8358** 18-04-2010, 02:44 AM

يا قلب لا صار الهنا ينسرق سرق
لا عاد تنشد عن ليالي وصاله

غنيت لي طرق وضيعت لي طرق
اثره يشيل القلب فوق احتماله..

سفيره بني خالد · #**8359** 18-04-2010, 02:45 AM

يا مل قلبٍ هزه الشـوق واهتـز
قلبٍ قبل مافيـه شـيء يهـزه

قلبٍ طليق وعاش عمره على عز
ليت الهوى خـلاه يبقـى بعـزه

ناصر بن فالح · #**8360** 18-04-2010, 02:46 AM