يا عزوتي ما كان هذا العشم فيك .. غيّرت رايك بعد الاخلاص وش جاك

[[ بلآ خطيه ]]

امانه لارحلتـي ودّعـي قلبـي شـويّ .. شـويّ
تراني منكسر .. مـن سيـرة الفرقـا وطاريهـا
تراني من هذاك اليـوم .. لاميـت ولانـي حـيّ
ولا ادري عن جميـع النـاس قاصيهـا ودانيهـا
امانه وش معي ؟ .. والا وش اللي من غيابك ليّ !
ياكـود الوّنـه اللـي ماتعـدّت صـدر راعيهـا
على حطة يدك / كل الطعون النازفه .. هيّ هـيّ
بعد .. حتى انشراحـة خاطـري منـي سرقتيهـا
انا مثل الغريب .. وغربة احبابي طوتنـي طـيّ
اجاهد ضيقتي .. وظروف وقتي ويـش اسميّهـا
ياويّ من السفر .. ومن الغياب المنتظـر يـاويّ
بليـاك الحيـاه الهاديـه وش حاجتـي فيـهـا !
بعد بان الصباح .. وذعذع الغربي .. ومال الفـيّ
تنّهت .. وطـرت لـي ساعـةٍ مانـي بناسيهـا
هي اللي باقية لي مـن لقـاك وذكريـات الغـيّ
تعزينـي بعـدك مـن الجـروح اللـي تركتيهـا
فمان الله .. رووحي .. والا انا مافي يديني شـيّ
عسى عيـنٍ جفاهـا نومهـا .. تفـرح بغاليهـا