##~~~&& أكتب اجمل ما قرأت في الغزل ... للقلوب الخضراء &&~~~##

[بندر التركي]

عاشرت خلان وتخالطت بأجناس
محدٍ سواك أهديته القلب بيدي !!

من تحت ما طا الرجل لي هامت الراس
كلش هويته فيك والله شهيدي

[الشمريه انا وبس]

حب المزاج اللي لــــــــــه أوقات ما ابيـه

يقطع مـــــــــــزاجٍ مـا يصـون المحبّــــــه

إن كـــــان مــــــا للحـب عقـلٍ يرويــــــه

حـب الجهالــه كــــــل واحــــــد لعبّـــــــه

إليـــــــــا بديـــــت الحـب لازم توديـــــه

بـــــــر الأمــــــان اللـي فـؤادك يحبّــــــه

الحـب مثـل الــــــــــــورد لازم تنــــــميـه

وإن كــان صـــار إهمـــ،ال نفسك تكبّـه

الحــــــــــــب هو كـل المشاعـر تسويـه

وحـــــــــــبٍ بليـا اشعـور خلـه وسبّــــه

إن كــــــــــان حبك مثـل الأيـام خليـه

يا كـــــــــــثـر دورات الزمــان ومطبّـــــه

الحـــب وسط القلـب بالـدم يـقيــــــــه

حتـى العــــروق اتضــــــــــخ دمٍ يربّـــــه

الحب مثل البحرمااحلـــــــى شواطيـه

لا جاء العليل اللـي تمـــــنـى مهبّـــــه

يااللي ذبحت الحــــب وشلون تحييــه

نهـــــــر المحبـه قــــــلّ نبعـه وصبّـــــه

نهر المحبـــــه يـا بسـاتٍ سواقيـــــــه

ما عاد اشوف النبع ضيـــــعت دربّــــه

يا اللي قتلت الحـــــب لا عاد تطريـه

اخــــــذت مـن قشـره وخليـــــت لبّـــه

خليتنـي مثـل المـــــضيـع مباديــــه

وشربت كاس المــــــر واقـول عذبّـــــه

لا عاد تطري لي محبتك يـا هيـــــــه

تقــــول احبك وانـت نـارك تشــــــبّـه

كسرتني كسـرٍ وصعـــــــــبٍ تداويـه

وكسر المحـــــبه كسر مـا فـاد طبـه

اصبحت مثــــل الذيب والكـل يرميـه

ممشاه ليـل وكـل جـرفٍ يذبّـــــــــه

خلاص ابشوي الصقر والله لشويه

وارمي الحنان اللي بقلبـي مدبّـه

لو كنـت اعرف الصقر ما ني بغاويـه

خـــــل الحبـاري بالأمـن مستتبّــده

عساك عالقوه .. حلوه موضوعكـ ...

[ديقول22]

الترف خيل ٍ غدا مركاضها... صدري

وطيور شوقي غدا مقيالها .. عيونه


لبا جفونه ولبا .. طبعها الخدري

ولبا سوادٍ رقد .. في خدري جفونه


اثره بضحكة سنونه حافر ٍ قبري

ولا كنت اظني باموت بضحكة سنونه


شرهة متونه على شلالها الخمري

وان نثرته الهبوب .. مردّه متونه


جيت اجبر الكسر لكنه .. كسر جبري

مجنون والحظ ساقه يم مجنونه


يتفنن بلوعتي .. واتفنن بصبري

حتى غدت لوعتي من اجمل فنونه


لا رحم ابوالحظ ساق الهجر من بدري

وشيّد جسور الجفا من دوني ودونه


واقفيت لاني ضرير .. ولاني ببصري

اليا منعني الحيا ... ساقتني المونه


وجهمت اسوق الخطا في الدرب واهذري

تكفون ياللي خذوا خلّي تردونه


ابطى .. وخلّى سؤال ٍ يلهث بفكري

مادري يصون الغلا ؟ .. مادري هو يخونه؟


ويوم اني اسجّ بين ادري .. وما ادري

عقب البطا .. جاء يقول : الدار وشلونه


قلت انت : دارك هنا.. وأشٍّر على (صدري)

قال انت : دارك هنا .. وأشًّرْ على (عيونه )

[دايم اهذريبكـ]

<<<

جيتك بقايا روح في هيكل انسان
جفت على درب الاماني دموعه
جيتك جروحٍ تنزف آلام واحزان
وقلبٍ من الفرقا همومه تلوعه

[دايم اهذريبكـ]

حبيبي ..الغالي تجرعت فرقاه
بالله وش خليت لي يا زماني
مالي جدأ الا اتبع الاه .... بالآه
ماهيب من حلقي ..من اقصي المحاني

["..عـَـذْبـًة الأطْـبـَآآآآع.."]

.
.
شفنـي اخايـل فـي السمـا بـرق وغيـوم
"ضميان" وانت تشح عنـي غديـرك.؟
,
انــا اعــد مــن السـهـر ضـيـم ونـجـوم
وانت اتحضّن مسندك في سريرك .!!

.

["..عـَـذْبـًة الأطْـبـَآآآآع.."]

الشاهد الله بدونك ضايق (ن) صدري
ويفز قلبي لا جابو لك طاري

انا ذابحني غيابك وانت ما تدري
قلبك بعيد وانت ساكن افكاري

أسوق عمري غلا يوم الغلا مشري
وابيع كل البشر واصيرلك شاري

["..عـَـذْبـًة الأطْـبـَآآآآع.."]

،



ماهي غريبه لا شفت الشوق طوّقني
ماغيرك إللي ,, به عروق الغلا طافت


تدري وش إللي بعـد مارحت ,, شوّقني ؟!
إنـك تـمـر بـعـيـونــي ،،، كــل ما شـافـت



،

[دايم اهذريبكـ]

عسى ربي يعافيني ولا يبلاك قول آمين
تراني كنّي إللي واطيٍ له جمرةٍ حيّة!

[تركي الميموني]

موطنك بالغيم ... واطراف / السما /

لا حدود ... و لا قيود ... و لا وصل

/
/
/

/ ساميه / بالحب ومحبوبك سمى

بس دنيا ما بها / قربك / ... م ل ل