الأميـــر مـارق بن صنيتـان بن شـالح الضـيــــط (نبذه عن معاركه ومواقفه)

["..عـَـذْبـًة الأطْـبـَآآآآع.."]

.
.
ـآلله يرحمه ويغفر له
والله يعطيك العافيه على هالنبذهـ التاريخيه , ,,
,,}ْ~
.
.

[طاروق]

المشاركة الأصلية كتبت بواسطة روقي مردد!

ومن المعارك الكبيره التي حصلت على وقت مارق الضيط هي معركة (الهييشه) بن حرب وعتيبه
فقد نزل شيوخ حرب الذويبي وبن نحيت على الهييشه وكانو المزاحمه (العضيان والغبيات والمراشده)في وادي الهييشه على مارق الضيط فأرسل الأمير مارق الضيط مرسلوه للذويبي و المرسول هو فراج التويجر الدماسي فقال اخبرهم بأن يرحلو عنا واخبرهم ان هذه ديرة عتيبه وان يكفو عنا شرهم،،
فقال بن نحيت لفراج رح وقل لمارق الضيط ((البل هذي تبى تاطا الهييشة ونوردها سجا أن شاء الله)) فجاء فراج واخبر مارق الضيط وفوراً ارسله لأبن هندي وقال قله ماحصل وخله يفزع لنا ترانا نبا نواجههم بكره وراح فراج لمحمد بن هندي ولا جاب علم منه وقيل انه ارسل احد المراشده ولا جاب علم من ابن هندي فألتفت مارق على منصور بن بالود الضيط وهو من اشجع الفرسان وقال مارق لمنصور تكفى يامنصور رح لأبن هندي وعلمه وهو يقول منصور الضيط وهو يقلد ذلوله (هرسً اسود)واح لأبن هندي وكان قريب من المزاحمه وفزع بعد مجيً منصور اله وامر بن هندي من معه بأن يشيلون بيته ويبنونه توالي حرب وركب وفزع بن هندي وكانت في هذه المده مناوشات بن مارق الضيط وناهس الذويبي ويوم بنا بن حميد بيته توالي حرب وفي اثناء المناوشات أغار قومً من حرب ودخلو البيت(بيت بن حميد وشقوه)بالقديمي وصارت شقة بيت بن حميد تاريخيه عند حرب لو انها لم تتجاز الشبر!!علم مارق بماحصل للبيت ابن حميد وفزع وهجم بمن معه وهم قليلون وافتكو البيت وذبح 20 لحيه من حرب،،
قال الشاعر

البيت راجو عليـه وشقـو وزاره=والمعركة كل شغمـومًٍ يغوصبهـا
تم انتصاره بعد مارق ومحضاره=حضرة رجالاً تحامي عن قرايبها
عشرين لحيه يمين البيت ويسـاره=جمجمة الرأس فرع العنق يشذبهـا
يومن كـلً بسيفـه يحتمـي داره=تعرف رجال الشجاعة من تجاربها

منقول من منتديات الهيلا (بتصريف بعض الشي

هههههههههههه صحيح من قال ان العتبان عايشين على الهياط ولا غير الهياط

تلاقى الواحد يكذب الكذبه والباقين يطيرون فى العجه وشوف المصدر منتديات الهيلا ههههه

يالروقى القصيده المذكوره اعلاه قصيده حديثه جديده مالها اكثر من 15 سنه ههههههههههه

وشلون تسشهد فيها على معركه قديمه لها اكثر من مئه سنه


فضحتك صح هههههههههههههههه


القصيده اللى انت ذاكرها ومطلعها


البيت راجو عليـه وشقـو وزاره=والمعركة كل شغمـومًٍ يغوصبهـا
تم انتصاره بعد مارق ومحضاره=حضرة رجالاً تحامي عن قرايبها
عشرين لحيه يمين البيت ويسـاره=جمجمة الرأس فرع العنق يشذبهـا
يومن كـلً بسيفـه يحتمـي داره=تعرف رجال الشجاعة من تجاربه


قصيده حديثه وجديده ولا يستشهد بها يعنى اى شاعر معاصر والان يقدر يالف بيتين ويقول سوينا وفعلنا وصلخنا وهو جالس فى فندق خمس نجوم مثل ما استشهد


القصيده اعلا لشاعر للشاعرالكبيرشباب بن فايح العضياني في الضيطه شيو خ شمل قبائل المزاحمه

واذا ما خاب ضنى الى الحين وهو حى يرزق هههههههههههههههه

[طاروق]

وللشاعرالكبيرشباب بن فايح العضياني من سكان بلده عفيف وموجود الان هناك واذا تبى ايميله اعطيكياه الان ههههههههههههههههههه

[روقي مردد!]

عدنا لكم

ونبدأ بالردود من أول شخص تهكم على ما لاحظه ويظن أنه اصابنا !!

ياعزيزي
طاروق

الأبيات التي ذكرت
نعم هي للشاعر شباب بن فايح العضياني وهو حي يرزق ومن سكان مدينة عفيف و كاتب الموضوع لم يذكر انه حظر المعركه
بل استشهد بأبياته لأنك لا تعرف الشاعر
فهو ليس شاعر فقط بل هو راوي على مستوى قبيلة عتيبه ورجل صدق ويؤخذ منه كل الروايات

وما ذكر عنه فقط من باب الاستشهاد والشاعر اراد ان يستعرض بطولات ربعه فقال هذه الابيات ولو انها صدرت من غير هذا الشاعر فلن نستشهد بها نهائي


وان كنت تريد الاستشهاد بأبيات من حظرو المعركه
فخذ مثلاً
ابيات قاعد الوهاب الدماسي العضياني وهو فارس معروف ومشهور وهو ممن حظرو المعركه

يقول

واد الهييشه حل به قطعان = ومطولات ناحرن لسهيل
(( ان كان حرب اقفو على فيحان = ويش التبدويله وركب الخيل))

وتفسيرها انه يقول لو ان حرب انتصرت فالمعركه واخذو وادي فيحان الي هو الهييشه ليش حنا نركب الخيل ؟؟؟
يعني ان هناك انتصار لهم فالمعركه وطرد للطرف الاخر مع احترامي لهم!

والشواهد غير هذه كثيره ولله الحمد

اما قولك ان العتبان مهايطيه ، فهذا اضحكني كثيراً

يقول الشاعر والشيخ مسلط ابو ثنين

قالو هبيل وجايزً لي هبالي ( اهبال طيب ولا صحاوت رخامه ) ؟

لعلك فهمت ماذا أقصد ؟

عذبة الأطباع شكراً للمرورك

المهاد حياك الله

نحن لن نحرف الأمور
وما تطرقنا له في ابرقيه نذكر بالتفصيل وذكرناه وقلنا الصدق فيه
نعم ابن رشيد نزل على ماء ابرقيه وجاءه الضيط يطلب الاذن له بالميراد والشرب من الماء واذن له بشرط هو فقط وجماعته الموالين
ولكن الضيط بعدما نزلو عليه الروقه اوردهم الماء ونقض ما بينه وبين ابن رشيد لأجل الاد روق!

وقرر المواجه

وواجه ابن ررشيد بمن معه من الروقه وافتكو ابلهم منه وكانو قليلون وبن رشيد كانو البدو اذا افتكو حللاهم منه يعتبر نصر وفوز لهم لأنه يصب عليهم جيوش جرراه من كل القبائل ولأنه حاكم لا يقاوم
ولكن قبيلة عتيبه كانت تقاومه ولم تستسلم له أما ان يأخذها او يفتكون حلاله منه أو يكسرونه مثل ماحصل في انطاق على قبيلة الحفاه عندما كسرو بن رشيد ومثل ماحصل على ابرقيه عندما افتك الضيط بحلاله منه
صحيح انه اخذ الحله ولكن البل وهي المال وقتها ، افتكوها من حظر من الروقه وهم قليلون اقولها للمره الثانيه وليس كل الروقه ،

وشاعرنا ذكر ماحصل علينا وعليكم
وقال
اخذنا في لهيب القيض لا حلة ولا صملان = عسى رب بلانا بالبلاوي مايخلينا
صحيح هذا ولكنه قال ايضا

ترى البل دونها قحص الطلايع فوقها العضيان = حمول الخيل مهدية العمار بلا موازينا
وتراها دونها جاسر وبن شلاح وصنيتان = وينحاكم مخيمر دون حرزات المزابينا

وهذا يدل على انهم افتكو ابلهم وصنيتان المذكور هو الضيط وبن شلاح من الضيطه وجاسر هو السلات العطاوي ومخيمر هو الزعتر الأسعدي من فرسان الاساعده من الروقه
والعضيان هم جماعة الضيط المواليه له

هذا ما احببت ان اوضحه لكم ولن ننكر ماحدث ابداً ولكن انتم قد تستعجلون في فهم الموضوع وتفهمون بالخطا وتستعجلون في الرد مما في نفوسكم،
أهدأو جوزيتم خيراً!


بن جفن
عرفت عن من تتحدث سئلت اصحاب الشأن وأخبروني

هذا الرجل هو فارس العضياني احد رجال العضيان الشجعان راح وعاش من العجمان وهو من جماعة الضيط ولكن لا تربطه علاقه مع الشيخ مارق الضيط لا نسب ولا غير وليس بن جد لمارق
بل هو عضياني ولكنه من الخصله المواليه لمارق الضيط هو من (الفداعسه) وفارس من (الفداعسه) والفداعسه يتفرع منهم خصال منهم الضيط ومنهم (المسانيه) جماعة فارس
وفارس له ابن هو كان عايش مع العجمان ورجل فيه خير وتوفي قبل سنوات وهو

حمود بن فارس كان له علاقه قويه مع كبار العجمان مثل المنيخر ويغرهم
وابناءه الانه هم محمد وسعود
ومحمد رجل فيه خير وهو الآن سكرتير الأمير سعود بن عبدالله بن عبدالعزيز وهم عضيان من الفداعسه جماعة مارق ولكنهم خصله مستقله عن الضيطه وهم الان مكتوب في بطاقاتهم ال سفران العجمي

هذا ماحصلت عليه من معلومات عن هذه الاسره

[فاهد فهد]

الاخ طاروق بيض الله وجهك على انك وضحت ان الابيات معاصره جدا ولم تعاصر الحدث ..

وكان المفروض من العضو روقي مردد ان لايوهم القارئ بالابيات فيظن انها معاصره للحدث فالمفروض ان يتم الافصاح عن القائل فيقول العضو قال فلان الفلاني هالقصيده .. ام ترك الامر ملتبسا فما هو طيب ابداا ..


الا ان العضو طاروق بيض الله وجهه صاده ..


ومع هذا حتى حنا عندنا رواه وشعراء معاصرين اثبتوا هزيمه عتيبه بالهييشه يعني مستعدين نرد عليك بنفس اسلوبك .. ونقرع حجتك بحجه اخرى ناقضه ..


اما الابيات اللتي يقول عنها روقي مردد انها عاصرت الحدث فهي البيتين التاليين ..


واد الهييشه حل به قطعان = ومطولات ناحرن لسهيل

ان كان حرب اقفو على فيحان = ويش التبدوي له وركب الخيل


فهذي الابيات نستشهد حنا بها وهي شاهده لنا يالروقي وليست شاهده لك وهي واضحه المعنى جدا ولو انك عرفت معناها صدقني ماراح تقولها ..

فهو اثبت ان قطعان حرب حلت بالهييشه ونزلتها يعني تم رعي عشب وادي الهييشه بقطعان حرب يعني انتصار ونزول للديار بالقووه ..


والا على ماذا يفسر قول الشاعر ان قطعان حرب حلت بالهييشه ولم تفلح فرسان عتيبه في ردها عن هواها .. بل حلت بالهييشه بشهاده شاعر عتيبه المعاصر للحدث ..


ومن ثم يلوم الشاعر ربعه ويقول اتركوا عنكم حياة الباديه مادام ان حرب تنزل دياركم وترعاها ومن ثم يقفون على فيحان اللي هو نفي ... بارادتهم واختيارهم

ويقول مادام ان الامر كذا اسكنوا القرى واتركوا ركوب الخيل ..


وادي الهييشه حل به قطعان .. حل به قطعاااا ن ..


و لاغرابه ان يلوم شاعر قبيلته بالهزيمه فهذا ذائع بين القبايل ان تجد شاعر او شاعره بعد هزيمة قومه بمعركه ما يلوم قومه ويصفهم باوصاف شديده ...

ولا اريد ان استطرد بضرب الامثله على هذا ..


اما تفسيرك بقولك ..

انه يقول لو ان حرب انتصرت فالمعركه واخذو وادي فيحان الي هو الهييشه ليش حنا نركب الخيل ؟؟؟


هذا اسمه تحريف للنص وتلاعب بالشاهد ..


ياخوي هو يقول ان حرب حلت بوادي الهييشه .. من وين جبت انت كلمه لو حرب اخذوا وادي الهييشه ..


من وين جبت لو هذي ..


عشان تخلي الامر فرضيا وليس واقعيا .. لكن فاتت ياونيان .. الشاعر قالها ان حرب حلت بوادي الهييشه يعني لا لو ولا مو .. بل نزلت الوادي ورعت اباعرهم فيه .. بعز عزيز او ذل ذليل ...


وادي الهييشه حل به قطعان .. البيت مافيه.. لو حل به قطعان .. فيه .. حل به قطعان ...


فالشاعر يقول وادي الهييشه حل به قطعان..


وانت تقول ان الشاعر يقصد لو حرب حلت الوادي ؟؟؟؟


الشاعر يثبت ان واد الهييشه حلت به قطعان فخلااص انتهى الكلام ماله داعي ا ننا نصرف كلامه عن وجهه ونقول لو حلت القطعان بالهييشه ...


عيني عينك يالروقي الله يهدااك

[المهاد]

السلام عليكم
ياروقي مردد ان لا لومك واحسن الظن فيك
مشكلتك ياروقي انك تاخذ من رواه يحرفون ويظيفون ابيات من عندهم وانت على نياتك تصدق كل ما تسمع
البيتين اللي انت حطيتها موضوعه ومظافه على القصيده الاساسيه وابعطيك الادله بس ركز معي
اولاان القصيده مذكوره في مصادر قديمه ومعاصره للحدث وليس فيها البيتين اللي انت وضعتهم وقد ذكرها العبيد وليس فيهاهذين البيتين
ثانيا=البيتين اللي انت وضعتهم مناقضه لسياق القصيده وغير متماشيه مع سياق ومظمون القصيده العام فالشاعر قال القصيده بعد نهاية المعركه وبين اثر الهزيمه
والبيتين اللي قلتهن=ترى البل دونهاقحص الطلايع دونها العضيان=حمول الخيل مهدية العمار بلا موازينا
وتراها دونها جاسروبن شلاح وصنيتان=وينخاكم مخيمر دون حرزات المزابينا
هنا الكلام عن معركه ستحدث وليس عن معركه حدثت وانتهت
فالراوي الشاعر اللي اظاف البيتين نا قض سياق القصيده ومظمونها العام
ونسي ان القصيده مذكوره في مخطوطات قديمه ولا يمكن تغيير مظمونها
المصادر القديمه ياروقي ذكرت انها هزيمه قاسيه
والبيت اللي قلبتوه يقول
غدينا عقب ما حنا عرب نمشي مع السيدان=على قطعة حميرا يقدع اولنا لتالينا
فبن رشيد لم يترك لكم في هذه المعركه سوى الحمير تركبوها كما قال شاعركم
وهذا دليل على قوة الهزيمه
اتمنا انك استوعبت كلامي فلا تصدق كل ما تسمع من رواة عتيبه خصوصا اذا كان الراوي شاعر

[المهاد]

وعلى فكره ترى اخذ الحله هو اهم شي والناس منول تستميت دون الحله
فاخذ الحله ايضا دليل قوي على قوة الهزيمه