حــالات اجتــــــــماعية تُعزى إلى الأخلاق

[صوت القلوب]

غبت حول الفين ساعـه ..بالتمـام وبالكمـال=الف ساعه في ذهاب والف ساعه فـي إيـاب
غبت واقسى مارايته في حياتي ( بعـد ) طـال=لين جاب الله رجوعي وصـك بيبـان الغيـاب
جيتهم واسمع بنفسي هرجة عيال الحلال=يطعنونـي بالظهـر .. اوّاه ياهـول المصـاب
سولفوا بي ..عذربوا بي ..بين قيل وبيـن قـال=شوّهو صورة حيائي .. مزّقوا ستـر الحجـاب
سوّدوا وجهي وعابـوا فينـي بزيـف الخصـال=ما لقوا غيري انا مـن بـد هالعالـم تعـاب ؟
الف دمعٍ احتوانـي ..صـال بعيونـي وجـال=والف غبنٍ نشّف عـروق الهقـاوي والعتـاب
الف ضيقٍ في وريدي يزهمـه حزنـي تعـال=والف احسـاس تشـرّد جرحـه بليّـا زهـاب
الف تنهيـدة وآهـه ترسـم بثغـري سـؤال=والف ظنّ وفلسفـه يبنـون للشرهـه جـواب
ماتت الخدعه جميله وانمحـى قصـر الرمـال=وانكشف زيف اقنعتهم .. وانقشع كل الضبـاب
لو ابـرر ماسمعتـه ..واختـرع ايّ احتمـال=والتمس للي حكوبي حول سبعين الف بـاب
بعد ( قـذف المحصنـات ) مابقـى لصفحـي مجـال=العـفـو راح الـعـفـو ..فـــص مـلــح وذاب .. ذاب
خلـهـم فــي دربـهـم ..درب المـفـاسـد والـضــلال=مـحـدٍ الخـاسـر سـواهـم .. بـشـروهـم بالـعـقـاب
الله يمـهـلـهـم ولا يـهــمــل .. عـلــيــه الإتّــكـــال=بآتجـرع صدمتـي .. واقتـص فـي يـوم الحـسـاب
صامـده ..لـو مـدّت وسـاع المواجـع لــي ظــلال=كاتمه حزنـي .. صبـوره . .رغـم تأثيـر الصعـاب
بنـفـض غـبـار الاشـاعـه وانـفـي ماقـيـل ويـقـال=واقـلـب الدنـيـا واحــث بـوجـه حـسّـادي الـتـراب
,,

قذف المحصنــات يشمل كل الفئات

لكن حديثي سـ يقتصر على فئتين :

المطلقة .. والعانس ..



فــلانة مطلقة ..!

فــلانة عــانس ..!

لكل شي سبب و لابد من أن تكون المرأة هي السبب ..

نظرة معظم الرجال .. وبعض النســاء ..







لاحظت مع كثرة طرح هالنوع من المواضيع النظرة البايخة لـ فئة المطلقات والـ عوانس

بدون حسب حساب لـ شي اسمه نصيب

واللي ربي مقدر إنه يصير بيصير ..

سبحــان الله ..!

شلون صرنا نتهم الناس بأعراضهم بسهــولة ..


وحدة عانس ..

ليش عانس أكيد إنهــا حبت في مرحلة من مراحل حياتها ومو مستعدة للزواج لأنها ما تبي تظلم زوجهـا معها ..

ليش عانس أكيد إنهــا مسوية شي وخايفة الزواج يفضحهـا ..



ليش عانس أكيد إن سمعتها مو شي ..








ليش كل هالاتهامات ..؟

لأن البضــاعة الطيبة ما تبور

يا وجه الله .. أفحمتني



نصيــب يا ناس نصيــب ..



وحدة مطلقة ..

ليش مطلقة أكيد زوجها صايدها مع أحد ..

ليش مطلقة أكيد إنهـا طلبت الطلاق لأنها إذا صارت مطلقة تقدر تسرح وتمرح بلا حسيب ولا رقيب ..

ليش مطلقة أكيد زوجهـا اكتشف إنهـا فقدت أعز ماتملك ..



لا حول ولا قوة إلا بالله ..

أعوذ بالله ..

أتعلم أخي ما جزاء من يقذف المحصنااات ..؟

أتعلمين أختي أنكِ قد توضعين بمكـان أختك التي اتهمتها إثمًا وبهتانا..؟


قال تعالى : " إن الذين يرمون المحصنات الغافلات المؤمنات لعنوا في الدنيا والآخرة ولهم عذابٌ عظيم "

القاذف ملعون في الدنيا والآخرة

قال عليه الصلاة والسلام :

(( كُلُّ الْمُسْلِمِ عَلَى الْمُسْلِمِ حَرَامٌ دَمُهُ وَمَالُهُ وَعِرْضُهُ ))


انظروا إلى حجم ما تؤديه ألسنتنا بنا ..!

صحيح قد ينطبق بعض ما سبق على البعض ولكن لا يمكن أن نقيس بالبعض على الكل .. فالقياس لا يُطبق على كل الأمور ..




أعرف بنـات ربي ما كتب لهم الزواج ..

جاتهم اتهامات كثيرة على الرغم من أنهم (متدينــات) ..

ليش ..؟

لأن ولي أمرهم ما زوجهم لأي شخص طق بابهم

لا نشد وسأل عن كل اللي تقدموا لهم لأنه عارف إنه سيُسأل يوم القيامة عن اختياره ..

ما زوجهم لأي واحد عشان ما يطوفهم قطــار العمر مثل ما يسوون بعض الناس ..

لأن البنات لما يصلون الإستخــارة ما يرتاحون للشخص اللي تقدم لهم .. وهذا من رب العــالمين ..



يا نــاس فيه فئة من الناس شَغْلَتهــا تبقق العيون والمشاهق ..

وفيه بناات ما يتزوجــون لأن فيه ناس شغَّالين حسد ..

يهب يا ذي خطاطيبها ما يوقفون ..

يااااااو راحت البنت


فيه بنــات ما يتزوجون لأن فيه ناس متسلطين عليهم بالسحر ..

الله يكفينا وياكم الشر يا رب

شنو شي غريب ..؟

كلنــا نعرف إن هالإحتمالات واردة ..

متى ما لقينــا أدلة تنفي كل هالإحتمـــالات هنا يحلها حلالهــا ..

ما راح أقول خافوا الله في بنـات الناس بقول خافوا الله في أنفسكم خافوا الله في شوفاتكم يا رياجيـــل ..

حنا ما نشوف المستقبل

إلا إذا تمون على المستقبل .. (استغفر الله)

وهذا من نعم رب العالمين علينا ..

توقع كل شي

ممكن شوفاتكم ربي ما يكتب لهم الزواج ..

ممكن شوفاتكم ربي ما يوفقهم في زواجهم ..

الله لا يقول ..

احتمــال لا يمكن نفيه إلا إذا حصل أمر يؤكد عكسه .

للأسف أصبح هدف الزواج التخلص من شبح العنوسة وتحدي عدم الوقوع في وحل الطلاق

قال الإمام الشافعي رضي الله عنه:

إذا شئت أن تحيا سليما من الأذى=وحظك موفور وعرضك صينُ
لسانك لا تذكر به عورة امرئ=فكلك عورات وللناس ألسنُ
وعينك إن أبدت إليك معايبا=فصنها وقل يا عين للناس أعينُ

قذف المحصنــات كبيرة من الكبــائر ..

فلنحذر من ألسنتنا فـ سيأتي يوم تنطق فيه فـ تشهد علينا ..

بمَ سنرد حينها ..؟

إذا وقف لســانك ضدك كيف سترد ..؟



استغفر الله العظيم من كل ذنب عظيــم


اعذروا جرأتي في بعض المواضع ولكن هذا تصوير لما يجول في بال الكثيرين وأنا أعرضهـا لكم

لإيضــاح الصورة لمن لا يعرف تفكير البعض ..

أو لـإيضاح الخطــأ الذي قد يتعرض له البعض تجاه هذه الفئة دون علم أو قصد ..



اللــهمـ اقســـمـ لنـــــا مـــن خـــــشيتك ما يـــحول بيننـــا وبيـــن معـــاصيك ،
ومن طاعتك ما تبلغنا به جنتك ، ومن اليقين ما تُـهون به علينا مصــــــــائب الدنيا ،
ومتّعنا بأســـماعنا وأبصــــارنا وألسنتـــــنا وقوتنا ما أحـــييتنا وأجعـــــــله الــــوارث مِـنّـا ،
واجعل ثأرنا على من ظــــلمنا ، وانصــــرنا على من عادانا ، ولا تجعل مصــــيبتنا في ديننا ،
ولا تجـــــعل الـدنيــــا أكبر هــــــمّنا ، ولا مبلغ عـــلــــمنا ، ولا تسلط عليــــنا من لا يرحــــمنا

اللهم آمين



للإستفـادة :

مقطع صوت .. قذف المحصنــات

[فهيد بن سالم]

حجز يا شوسه بقراه وبرجع

[ابن عاجب]

حجز2

ورجعلك

[الناقدة]

السلام عليكم ورحمة الله وبركاته


وجيتي ياشوسي وجبتي الخير معش

استانس على مواضيعش الهادفة


وموضوعش هذا بالذات يبيله جلسه مطوله


بس حاليا مااقدر اقول اي شي

لان بقلبي كلام واااااااااااااااااااااااااااجد عن موضوعش


ولي عودة بالتعليق والتفجيــــــــــر



سلامي يالغلا
<<مادخلت الا عشانش

[فهيد بن سالم]

السلام عليكم ورحمة الله وبركاته



الأخت / شف وش سوا هبالك



موضوع قيم ومفيد ومثل ما تطرقتي كثير من هذه الأمور منتشره في شعبنا العربي والأسلامي


والله سبحان وتعالى حرم هذا الشي ومدري شمستفيد إذا تكلم وهذا رايه ما أختلفنا عليه بس


رأيه يحتفظ فيه لنفسه لأنه بهذي الطريقه يجرح الأنسان الآخر

ماهو خطأ أنك تكلـم دون ( أذن ) ودون ( راي )=بس الخطأ لا من حكيت أبلا عقل " ولا " فكر .!

^






وأشكرش على الموضوع وجزاش الله خير وفي ميزان حسناتش





أخوش

[‏وَتـے ـيــنْ]

العوانس والمطلقات

اسمان ارتبطا ببعضهما البعض في الآونة الأخيرة


وأعتقد والعياذ بالله لم يعد هناك الآن بيت يخلو من عانس أو مطلقة هذا وإن لم يكن هناك 2 أو 3

هذا نصيبهم .. ما نقدر نقول شي ..

بس اللي نقدر نقوله ونوقف ضده هم اللي يتكلمون عنهم ويحطون فيهم عيوب هم بعيدين عنها كل البعد

طبعًا الكلام أعلاه لا ينطبق على الكل أكيد .. لأن الاصابع مهيب سوآ ..!

المووهم .. نرجع لمحور الحديث =)

معروف ان التحدث عن اعراض المسلمات بغير وجه حق هو قذف ومعروف أيضا حكم القذف في الشريعة الإسلامية :

القذف محرم، وهو من الكبائر، وقد أوجب الله على القاذف عقوبات غليظة في الدنيا والآخرة.

1- قال الله تعالى: (وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاءَ فَاجْلِدُوهُمْ ثَمَانِينَ جَلْدَةً وَلا تَقْبَلُوا لَهُمْ شَهَادَةً أَبَداً وَأُوْلَئِكَ هُمْ الْفَاسِقُونَ) (النور/4).


- قال الله تعالى: (إِنَّ الَّذِينَ يَرْمُونَ الْمُحْصَنَاتِ الْغَافِلاتِ الْمُؤْمِنَاتِ لُعِنُوا فِي الدُّنْيَا وَالآخِرَةِ وَلَهُمْ عَذَابٌ عَظِيمٌ) (النور/23).


- عن أبي هريرة رضي الله عنه أن رسول الله صلى الله عليه وسلم قال: ((اجتنبوا السبع الموبقات)) قالوا: يا رسول الله، وما هن؟ قال: ((الشرك بالله، والسحر، وقتل النفس التي حرم الله إلا بالحق، وأكل الربا، وأكل مال اليتيم، والتولي يوم الزحف، وقذف المحصنات المؤمنات الغافلات)). متفق عليه .

* حد القذف:

ثمانون جلدة للحر، وأربعون جلدة للعبد.


..


تعتقدون لو إلى الآن يتم تطبيق القذف في أحد منـّــا راح يتكلم في أعراض الناس ...!!

هي عانس وهي مطلقة وش عليكم منهم ؟!

لو كل واحد اهتم في مشاغله وشؤونه ومسؤولياته كان احنا بخير ..


واللي ما تتزوج أبرك لها






جعلنا الله مِن مَن يقول القول فيتبّع أحسنه

أقول قولي هذا واستغفر لي ولكم

كـآآنت هنــــآ : وتين =)

[موادعك خيره..!]

كفيتي ووفيتي


شفت وش سو هبالك

أهنيش على الموضوع القيم في طرحه ونقاطه وأهدافه وجعله الله في ميزان حسناتش إن شاء الله ..


تقبـلي مروري البسيط ..!


.
.
.

[ChoCoLa]

:
:
:

لو إن كل شخص فينا أحب لأخيه ما أحب لنفسه ..

لما عانيّنا من كل هذه الأمور ..

و لأصبح ما يؤلم أخينا ... يــؤلــمــنـــا ..

:

الطلاق ..

لو كان أمرا ً منكرا ً .. لما طلّق سيد الخلق - محمد - صلى الله عليه وسلم .. حفصة رضي الله عنها وعن أبيها الفاروق .. ثم راجعها ..

إنما هو تشريع في ديننا الحنيف .. وفيه رحـــــمــــــــة ..

فاستمرار الزواج دون وجود توافق بين طرفيه .. يعني العيش تحت قسوة المشاكل و ضغوطاتها النفسية مما ينعكس سلبا ً على المجتمع ولبناته الذين هم ثمرة لمثل هذه الزيجات ..

:

العنوسة .. أو التأخر في الزواج ..

أحيانا ً يكون الخاطب غير مناسب للبنت .. و هي التي إستشارت من حولها .. و أستخارت ربها ..

فكان جوابها له .. الرفض .. ليس دائما ً لـ / عيب فيه .. إنما لظروف إجتماعية وعوامل معينة تؤدي إلى عدم التناسب بينهما ..

وكل أمر المؤمن خير .. وما قدره الله لعبده .. فيه كل الخير له ..


:

لو كل واحد ٍ منا إشتغل بما خصه من الأمور .. لما وجدنا الوقت .. لنشتغل بأمور غيرنا ..

:

سبحانك اللهم وبحمدك .. أشهد أن لا إله إلا أنت أستغفرك و أتوب إليك ..


:

شكرآ جزيلآ شفت وش سوى هبآلكـ ..

حملت لنا الكثير من القيّم الإجتماعية التي نتناساها أو نغض البصر و نصم الآذان عنها ..

موضوع جميل خطته أنامل مبدعة .. فكانت الفائدة نصيب ٌ لـ قارئه ..

:
:
:

[راعي المشعاب]

الفاضله / شفت وش سوى هبالكـ <<< تعبت وأنا أكتب اسمش

سيكون لي عوده بإذن الله

[الناقدة]

غوتوغ شوسي

اول شي راح اتكلم عن العوانس

الناس وانا اختش شغلهم الشاغل تقصي اخبار بعض <<ولايخلو هذا من الحسد والحقد والعياذ بالله

مو يقولون اكثر اهل النار النساء’’السبب اللسان
اللي شغال 24 قرض وحش بهالاوادم
فلانه عنست \فلانه تطلقت\فلانه طولت عند اهلها اكيد زعلانه ...و و و و,,, والواو ماتخلص عندهم الخ

ياخي شعليكم من فلانه وعلانه

اهتمي بنفسش وعيالش ومالش شغل بالناس

والنصيب لاجا جا ماعليه من ابيض ولااسود
ولاجميل ولاقبيح

ياما بنات ظفرات وصدق ربات بيت بس ماتزوجوا
شنو لازم يطلع فيني عيب عشاني مااعرست <<خير ان شاءالله

يمكن البنت ماجاها نصيبها
يمكن تبي تكمل دراستها
يمكن مالقت رجال كفو<<وهذا الاكيد
اختفوا الرجاجيل بس فيه اشباه رجاجيل

<<<اسمحولي اخواني على هالكلام بس هذا اللي اشوفه


وترى اللي يقذف المحصنات يويله من عقاب ربه وربي بيبلاه باهله وعرضه
وشوسي ذكرتي لنا احاديث عن قذف المحصنات



وبيني وبينش
<<شعاري هو تعيش العزوبيه وتسقط الزوجيه



لي عودة ياحلوة لاكمال بقيه الحديث

<<مطوله كل شوي بجي استحملينيبس موضوعش يحتاج النقاش
وانتي عارفه موقفي من الموضوع