لابسين من غير هدوووووووم !!!!

[سقراط]

اهلين ...

طبعا كلكم تسمعون بالمثل المصري الشهير ( اللي يختشوا ماتوا )

أغلبنا يقوله ولا يعرف قصته ...

القصه كما يلي..

كان أيام الملكيه في مصر واعتقد ايام الملك فاروق ( اذا كان في الظن خير ) ، كان هناك مايسمى بالحمامات ،

حمامات عامه للجميع ، أي واحد يشوف انه وصخ يروح ياخذ شاور فيها ، احسن من ان الناس يسدون خشومهم اذا جلسوا جنبه



الحمامات هذي لها سالفه ،،،
<<<<<<<< تراني مانيب سهل ، اعرف استرسل
اول من أنشاء الحمامات هم العثمانيين ( وفي رواية إنها من عهد الإغريق ) ومن ثم انتقلت الى مصر واللي مايعرفها يشوف ( حمام الهنا ) حق غوار والحمامات الشاميه اللي انتشرت في الرياض هالايام هي نفس الفكره القديمه بس باسلوب متطور ،
شاي مغربي وفوط نظيفة وحركات للي يبي يتزوج

المهم،،
صار مره حريق في احد هذي الحمامات في مصر ، وصار فيها محرقه نازيه .

طبعاً فيه ناس طلعوا وانحاشوا وماعليهم ملابس وكما ولدتهم أمهاتهم وهذولا ربي نجاهم,
اما الفريق الآخر راحوا فيها وماتوا وتفحموا

فصاروا اللي يختشوا ماتوا..

بالنسبه لي انا لو كنت معاهم كان طلعت واللي يصير يصير
ياروح مابعدك روووووووووووووووح

وش الفايده يقولون كان يستحي الله يرحمه

والا يجي واحد مثقف يعزي أهلي ويقول

كان إبنكم تحمّر وجنتاه من الخجل ،،
عمر أبوها ماحمرت ولاعمري استحيت اذا فيها موت

ومن الحياء ماقتل ،،
والا انتم وش رايكم؟؟؟؟
لو كنتوا محل الربع وش تسوون؟؟

افلقوني واحد يستحي