ارجو الدخول باسرع وقت والرد اذا كان هالكلام صحيح ولا لا

[العقيلي305]

أخوي طويق.,,,,,, الخالدي نقل ما يعرفه من القصيد ويحفظه

مكان وين متى قديم جديد ,,,,,,كلها اشياء لا تغني وكلهاء اشياء ثانية وكلها تأيد القصة والسالفة



مع التقدير

[طويق.]

مرحبااا العقيلي الرجاال قال سمعت ومتئكد شوف شنو كتب سندها على وااحد من شيباان الحماادين

#7 29-08-2009, 03:02 AM
العويلي الخالدي
تاريخ التسجيل: Jul 2009
المشاركات: 58

الأخ العزيز عزوة العجمان ،، تقبل تحياتي اخوي العزيز ،، اما بالنسبه الى كون النخيل كما ذكرت ،، سمعت من احد شيبان الحمادين الله يرحمه من فخذ ( الوسون ) ان جده زبّن عجمي من آل ضاعن اصابته شلفه في ساقه في هذا الكون ،، واليك تفاصيل هذا الكون

[العويلي الخالدي]

الاخ العزيز العقيلي شاكر لك المتابعه ،، اخوي طويق مادري وش فيك جاي من اقصاك الله يهداك ،، وضحكت لما تقول بعد حرب ماجد العريعر تقدر تبني لك تاريخ عموما تاريخي مبني من سنين طويله ولاودي ازعل احد في كلامي ،، ودامك عجمي ويسمحولي الربع بقولك شغله بسيطه ،، مجدي وتاريخي تعرفه عدل ،، انشد شيبانك عن سوقة العجمان 30 ليله وانعرفت بسوقة ابن عريعر للعجمان ،، واذكر جريس بن جلبان عشر سنين في سجن الأامير وجاه الفرج من مدح زوجة الامير ابن عريعر البني خالد ،، يعني لافكه من سجن الامير لاقبيلته ولاعزوته رغم انهم يدرون انه في سجن الأمير والهوامل ياطويق جمرة مطير وقت الجد ولاتربطني معاهم علاقه لكن الحق ينقال ،، تاريخي معروف يالغالي سيف وسوط وذل وجزيه وبيض حباري مايجسر احد يقرب صوب العش لاكبير ولاصغير ،، تاريخ اقمنا فيه دوله وحكم وحكام وذكرتني في ابيات قلتها :
كان في جهنم وادي الويل ،،
في الدنيا وادي نسبته خالديه
الحباري يبقى بيضها بظل المشاكيل
من اطراف اليمن لي نجد العذيه
تاريخ وافي يارثه كل جيل خوالد هبس اهل الوفا والحميه
دام دنياك يافتى صارت تساهيل

[العويلي الخالدي]

وتساوى راسي وراس ابن الرديه
اذكر الذل وسيوفنا وفارس الخيل
وسجون شيخ فيه شجعانكم مرميه

نرجع لموضوعنا

اخوي طويق ثاني شغله تقول الشاعر معاصر وجبت قصيده الكل يدري انها رؤوس اقلام ،، ذكر فيها على نفس الوزن والقافيه اللي ذكر فيها وصف كون النخيل افعال الهوامل مع القبائل ،، وهذا توارد قافيه مع وزن يخص الشاعر نفسه ،، وتقول ليه ذكر ابن حثلين في القصيده انا اقولك ،، شي طبيعي لما يغزو فخذ مثل العمور او خلنا نقول فخذ الجبلان من مطير راح ينذكر ابن عريعر او الدويش لأنهم زعماء لهذي القبيلتين ،، وانهم المقصودين في اي تحرك لأي فخذ ينتمي لهم ،، وبل كون النخيل بفتره كانت غزوه للعجمان ومن معهم من مره ومناصير وبعض طالبن الكسب من القبائل وكان ابن حثلين يريد الهوامل بالتحديد بعد ان كسب الهوامل ابل معروفه عند العجمان تدعى ( البلها ) وكان الغزو بقيادة ابن وسام ابن حثلين اللي قتله الفارس فالح بن السبيعي الهاملي ( حزام واصل ) كما يحلوا للهوامل ان يلقبوه واللي كانت على اربع بيوت من الهوامل واللي اهم:
بيت فالح بن السبيعي وبيت ضيدان ابن وريده وبيت طريف المويس وبيت جبر بن سميران ،، واللي استماتوا فيها الهوامل وكانوا 14 فارس وردوا ابل طريف المويس ويوم شاف ابن حثلين القوم ماهم عاديين وميتين دون حلالهم قال : هذوله اهل حظ ومالكم سعد ماعهم ،، وتركوا الحلال مجبورين ،، وانقتل اللي انقتل من الطرفين وانقتل فيها جبر بن سميران والي رثاه الشاعر ماضي بن هليل في قصيده حتى الطفل الرضيع يعرفها واللي تقول:
يالله يامنشي السحاب المزابير
ياقايده لارضا وبامره سقاها
ينبت على مدلاج سيله نواوير
وانواع نبته تطرب اللي مشاها
تلطف لمن كبده كما لاهب الكير
تشرب قراح وشربها ماهناها
ابكي خفا واصبر النفس تصبير
وارجي عسى المولى يحسن عزاها
الدرب واحد مير مده وتعبير
والعين حل موسم ابكاها
ابكي جبر خيال تالي المظاهير
زبن الثبار اللي رديا غذاها
الى ان قال :
قد لم ابن حثلين زعب ومناصير
واهل القنازع جامعينا ادواها
واستلحق المره على الشر والخير
وسلة بني هاجر تعرض ونخاها
وفي حروة المدهال كزوا مداوير
والسبر جا عجلان والابل لقاها
والفو على قومن عصاتن مناعير
لاهم باهل ذله ولاحدن نواها
وتعنتلوا بمعسكرات المسامير
الصبح قبل القاع تشرب نداها
وتعاوجن باطراف قطم المواخير
مقدار حمس البن عجلا سواها
وراحوا بالعجمان دق الاشابير
فرسانهم والشيوخ تنخى مداها
خيل المعيض وردت وراحت مصادير
شربت حميم وصدرت في ضماها
راحن بهم هراب والها معاصير
جاها جبر وابن السبيعي حداها
تسهجن ولد الاصيقه مادبير
كلن تذكر سابقه وش عطاها
فرساننا مايسندون المعاذير
وهذي عوايد خيلنا بقبلاها
والصبح غبه يلعنون المشاوير
واقفوا عجم حساها وراها
اصبح شرايدهم سوات المداوير
وانشد جواد الصالحي من رماها
على جواد الصالحي يدرج الطير
يوم اقرشت كن الكواكب احذاها
وسأم ينخي باسامي المشاهير
وتغايبوا مامنهم اللي ثناها
يبكي يبي شوفة هله بالجوافير
وكب الجواد ولبسها اللي زهاها

مادري أكمل ياطويق !! يشهد الله ان مالي علاقه في الهوامل لكن اعرف شغله حتى افخاذ مطير تعرفها ان الهوامل اعيال السيالي اشرس فخذ في مطير ولاقصور في افخاذ مطير ،، هذولة جمرة مطير وبريه ياطويق ،، وكل قبيله تنكسر ،، وكون النخيل لاغبار عليه ،، واذكر للهوامل انهم اطرحوا فلاح بن حثلين الله يرحمه واكرموه واطلقوا سراحه وهالشي انشد شيبانك وانا اخوك ويعطونك العلم ،، اتمنى اكون وفقت في الرد وطلب بسيط ،، ترى العجمان وبني خالد ومطير وباقي القبائل يكسرون وينكسرون ،، والدليل ان حكم العريعر وابن رشيد اللي اخضعت لهم القبائل قاطبه قبل حكم آل سعود اختفى ،، ومابقى غير التاريخ والتفاخر على المجد المنتهي والزائل ....................... وتقبل تحياتي ومن يقرى الردود ....... الخالدي

[مغتـــــرب]

الخالدي ابن عريعر يوم خذا ابله جريس بن جلبااان ماردهااا ولا ردهااا احد من فرسان بني خالد كلهم واللي ردهم نومااان الحسيني وانسجن جريس بسبب نومااان وانت خابر ويوم طلع جريس من سجنه وراح لبني عمه فالجنوب

جمع بني عمه والقبايل اللي ناصرته في حربه على ابن عريعر وكانت نهاية الحاكم ماجد بن عريعر على يد العجمان


واكبر دليل وادي العجمااان وعاصمة عريعره




حنا يالخالدي ننهي دول وحكومااات وانت جايبلي سالفه غزوو مدري وش مصدرهااا وقصايد مألفه وتبي تقنعنااا







ربعي ضنا مرزوق بالعسر واللين ****لطامه ٍ للي عليهم يزومي

نوب سلاطين ونوب شياطين ****وكم شيخ قومن توهم مايقومي

[سالم العظيمان]

سلام على من اتبع الهدى


في البدايه مدري شقول

كل من بغى يصنع له مجد وتاريخ في عصر الرخا والنعمه ولله الحمد

لازم يبنيه على اكتاف العجمان

وهذا ولله الحمد والمنه دليل على كبر مقام هذه القبيله في اعين الجميع

من سمعتها و امجادها التي يتغنابها قبائل العرب قاطبه مع قلة عددهم

وليست هذه الحادثه الاولى ولن تكون الاخيره في التزوير لظهور عن بوابة العجمان !

..
..

ثانيا

.. خلنا نعطيكم على جوكم ونقول انها وكاد

هذه الحادثه ليست بشهيره على المستوى العام

ودليل ذالك عدم معرفة الاغلبيه عنها من الطرفين ومن جميع القبائل

لاكن لو نظرت لكبار الوقاع بين القبيلتين مثل ( الصليب )

يوم نسل وطبان خلا كلابه في مراحه وسرى من ليله هو جموعه خوفا

من مواجهة الاد مرزوق والاد مرزوق اقل عددا بكثير منهم

ويوم الفارس العظيم جريس وولد اخته ناصر بن قتمه وعوال عمهم الثمانيه وثلاثين

شردوا تسع مئة من الدويش وجموعه

هذي هي الوقائع الشهيره وليست بهذه المغموره التي تتفاخرون بها


.
.

ثالثا

الدامر وهو الفارس الكبير وبعيد المغازي وزعيم مسامير الاشده محمد بن فهيد

قتل في معركة الصريف 1900

وكان مع جيش بن صباح ضد ابن رشيد وكان اعمى جعل عظامه في الجنه

وابنه الفارس الكبير فهد ذائع الصيت قتل غدرا بعد كنزان في الجنوب

يعني من الدامر اللي تقولون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اذا لابغيتوا تألفون لا تذكرون اسماء تشيير وتوهقون


.
.

رابعا

و هي الحادثه اللي تقولونها نعم صحيح انها وقعت حادثه بين العجمان ومطير

لكن ليس خمسين والثاني يقول تسعين وبكرى بيجي واحد ويوصلهم ميتين < فوائد بنكيه

ولا الدامر ولا ابن حثلين ...

الحادثه :

غزو من العجمان عددهم اربعين رجال غالبيتهم من آل ضاعن وعقيدهم دلهام آل شويل الضاعني ومعه الدباغ واللي معهم رايحين غزو

وفي طريقهم شافوهم سبر مطير وعلموا ربعهم وهجدوهم

وطلبوا المنع غزو العجمان وعطوهم مطير وجيهم بالمنع ,,,

والمعروف عند العرب ان اذا منعوهم ياخذون سلاحهم و ركايبهم ويطلقون سراحهم

لكن مطير بعد مامنعوهم وخذوا سلاحهم وحلالهم خانوا فيهم وذبحوهم

وهذي ماتعتبر فخر ولا تذكر في امجاد قوم بل عار عليهم

وبعد ذالك غزوهم العجمان ثاراً للاربعين وذبحوا مطير وكانوا يعتزون بربعهم المذبحوين غدرا

ومن ضمنهم الدباغ ( ثار الدباغ ) حتى ان احد عجايز مطير ماني حافظ ابياتها عدل

لكن تقول : الارطا جاتنا بنباها ... ذياب(ن) كلتنا بجراها ... << حولها

والارطا تقصد الدباغ .. لانها ما عرفت وش الدباغ اللي يطرونه وتحسبه شجرة ( الارطا )

التي تستخدم في دبغ الجلود ,,,

كما اني سازودكم لاحقا بتفاصيل اكثر وادق حول هذه الحادثه التي تعتبر عارا عليهم

وليس مفخرة .. لكن اعتقد ان حتى العار صاروا يفتخرون به بس اهم شي ذبحة العجمي


.
.

خامسا

وهؤلاء العجمان اللي قلتوا انهم هم اللي غدروا وخانوا مع ان العرب تعرف منهم اهل الخيانه

ومن هم اهل الغدر ومن هم الشجعان الذين فعلهم على وضح النقا

كما ان هناك حادثه اخرى بين العجمان ومطير وكانت عكس حيث ان المطران ردو الشان عند العجمان

لكن شوف الفرق بين الاثنين

كان في غزو من مطير ومروا وادي العجمان في غزوهم وكان مانع بن جمعه ( الارفح )

ومعه جماعته من ال ضاعن وكان جرشان ال مطرف الضاعني بواردي ومع ابل الجماعه

وشاف غزو المطران يوم اتقوا في ظلع ونوخوا لانهم قربوا من عرب ولا يبون احد يشوفهم لين يظويهم الليل

قام جرشان ورمى ببندقه يبي ينبه ربعه ان في محنشل غزو

وقام ابن جمعه وربعه وركبوا وفزعوا صوب جرشان وقال مانع وش العلم يا جرشان وعلمه

جرشان وهجدهم ابن جمعه وربعه وامتنعوا المطران ومنعوهم ال ضاعن وجابوهم صوب بيوتهم

وكان فيه واحد من المطران سبر لهم يشوفلهم الدرب ماكان معهم ويوم درى ان ربعه خذوهم

الرياجيل راح لهم يبي يزبن قبل ياخذونه لان ربعه خذوهم ال ضاعن والمقصد من خذوهم

يعني خذوا ركايبهم وسلاحهم والرجال يبي ينوخ عند بيوتهم قبل ياخذونه

لان سلم العرب اذا نوخ الرجال مركوبته عند بيتك ماعاد لك حق تاخذه وقام المطيري

ويتنصى اقرب بيوت الجماعه له وهو بيت غنيم ال مطرف الضاعني وعاده قبل ينوخ

قاله غنيم ماخوذ ماخوذ قال وين كبيركم نتاحكم عنده وراحوا صوب ابن جمعه قال المطيري

انا نوخت عند بيته وقال غنيم قلتله ماخوذ قبل ينوخ ذلوله

خذوا ركايهم وسلاحهم وعشوهم و اطلقوا سراحهم ولم يقتل

منهم رجل واحد ..

وهذا الفرق بين الحادثتين !

وغيره احداث وايضا لا ننسى خيانة وغدر الدويش في فلاح والد راكان


والكل يعرف من هم اهل الخيانه والغدر ومن هم اهل الشيم والنخوه !

انا لا انتقص حق اهل الطيب من اي قبيله او عرق كان

وكلن فيهم حقه

لكن قصدي موجه للاشخاص اصحاب الوقائع المذكوره وهذا شي معروف



.
.


الي نعرفه ان فيه ناس حاليا يفتخرون بانتصارهم على العجمان وهم مجرد جنود في جيش

احد الحكام ضد العجمان وينسبون النصر لهم من دون الرايه التي يتبعونها

وايضا هناك من يفتخر بانتصاره على العجمان وهي مجرد محنشل اربع ولا خمسة اشخاص

ويذكرونها بانها ملحمة الملاحم ويحق له ذالك لان العجمي الواحد يعتبر قبيله بالنسبه له

وهناك من يتفاخر بهوشه لم يقتل فيه احد ويصفها بالمعركه العظيمه في تاريخه

والان صار هناك من يتفاخر على العجمان وحتى لو كانت بالغدر والخيانه

لله دركم يا عجمان ما اعظمكم

ولا تلومونهم ياعجمان اللستم من انهيتم دول ومن خلعتوا عرش الحكام ومن تحالفت

عليكم الدول وانتم لوحدكم ومن اخذتوا بثأركم من الحكام ومن يتغنى بامجادكم الركبان

ويتسامرون بشجاعتكم وافعالكم الستم من يستجير بكم الملهوف ويستقوي بكم الضعيف

ويأمن بكم المنيع الستم من خيرة العرب خصالا و من اطيبهم ذكرا واشجعهم مراسا


خلوهم يمنون انفسهم بالاحلام والاماني فبعد الثريا عن الثرى

[سالم العظيمان]

جد قبيلة العجمان لم يتجاوز عصره ال 700 عام

وذكر المؤرخين اخباره وابناءه ذكرهم التاريخ من بعده

وامجادهم على مرور هذه القرون القليله

بينما البعض جدهم عصره اكثر من الف وخمسمئة عام وعدد سلالته

اضعاف اضعاف قبيلة العجمان ولم يذكر التاريخ الا عدد منهم وفي زمن ما

وذهبوا في مهب الريح ومنهم من لم يذكره التاريخ بتاتاً !

[سالم العظيمان]

وقصائد ملاعبين السوابيح الذين اللي مالحقوا على تلك الاحداث

لا تستشهد ولا تعتبر دليل ,,,


لكن ذالك دليل انهم يبون يصنعون مجدا بالكلام ,,!

خذوا راحتكم المنتديات واجد و الاقلام بريال !ولا احدن درى عنكم

[الصقار الاخير]

المشاركة الأصلية كتبت بواسطة سالم العظيمان

سلام على من اتبع الهدى


في البدايه مدري شقول

كل من بغى يصنع له مجد وتاريخ في عصر الرخا والنعمه ولله الحمد

لازم يبنيه على اكتاف العجمان

وهذا ولله الحمد والمنه دليل على كبر مقام هذه القبيله في اعين الجميع

من سمعتها و امجادها التي يتغنابها قبائل العرب قاطبه مع قلة عددهم

وليست هذه الحادثه الاولى ولن تكون الاخيره في التزوير لظهور عن بوابة العجمان !

..
..

ثانيا

.. خلنا نعطيكم على جوكم ونقول انها وكاد

هذه الحادثه ليست بشهيره على المستوى العام

ودليل ذالك عدم معرفة الاغلبيه عنها من الطرفين ومن جميع القبائل

لاكن لو نظرت لكبار الوقاع بين القبيلتين مثل ( الصليب )

يوم نسل وطبان خلا كلابه في مراحه وسرى من ليله هو جموعه خوفا

من مواجهة الاد مرزوق والاد مرزوق اقل عددا بكثير منهم

ويوم الفارس العظيم جريس وولد اخته ناصر بن قتمه وعوال عمهم الثمانيه وثلاثين

شردوا تسع مئة من الدويش وجموعه

هذي هي الوقائع الشهيره وليست بهذه المغموره التي تتفاخرون بها


.
.

ثالثا

الدامر وهو الفارس الكبير وبعيد المغازي وزعيم مسامير الاشده محمد بن فهيد

قتل في معركة الصريف 1900

وكان مع جيش بن صباح ضد ابن رشيد وكان اعمى جعل عظامه في الجنه

وابنه الفارس الكبير فهد ذائع الصيت قتل غدرا بعد كنزان في الجنوب

يعني من الدامر اللي تقولون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اذا لابغيتوا تألفون لا تذكرون اسماء تشيير وتوهقون


.
.

رابعا

و هي الحادثه اللي تقولونها نعم صحيح انها وقعت حادثه بين العجمان ومطير

لكن ليس خمسين والثاني يقول تسعين وبكرى بيجي واحد ويوصلهم ميتين < فوائد بنكيه

ولا الدامر ولا ابن حثلين ...

الحادثه :

غزو من العجمان عددهم اربعين رجال غالبيتهم من آل ضاعن وعقيدهم دلهام آل شويل الضاعني ومعه الدباغ واللي معهم رايحين غزو

وفي طريقهم شافوهم سبر مطير وعلموا ربعهم وهجدوهم

وطلبوا المنع غزو العجمان وعطوهم مطير وجيهم بالمنع ,,,

والمعروف عند العرب ان اذا منعوهم ياخذون سلاحهم و ركايبهم ويطلقون سراحهم

لكن مطير بعد مامنعوهم وخذوا سلاحهم وحلالهم خانوا فيهم وذبحوهم

وهذي ماتعتبر فخر ولا تذكر في امجاد قوم بل عار عليهم

وبعد ذالك غزوهم العجمان ثاراً للاربعين وذبحوا مطير وكانوا يعتزون بربعهم المذبحوين غدرا

ومن ضمنهم الدباغ ( ثار الدباغ ) حتى ان احد عجايز مطير ماني حافظ ابياتها عدل

لكن تقول : الارطا جاتنا بنباها ... ذياب(ن) كلتنا بجراها ... << حولها

والارطا تقصد الدباغ .. لانها ما عرفت وش الدباغ اللي يطرونه وتحسبه شجرة ( الارطا )

التي تستخدم في دبغ الجلود ,,,

كما اني سازودكم لاحقا بتفاصيل اكثر وادق حول هذه الحادثه التي تعتبر عارا عليهم

وليس مفخرة .. لكن اعتقد ان حتى العار صاروا يفتخرون به بس اهم شي ذبحة العجمي


.
.

خامسا

وهؤلاء العجمان اللي قلتوا انهم هم اللي غدروا وخانوا مع ان العرب تعرف منهم اهل الخيانه

ومن هم اهل الغدر ومن هم الشجعان الذين فعلهم على وضح النقا

كما ان هناك حادثه اخرى بين العجمان ومطير وكانت عكس حيث ان المطران ردو الشان عند العجمان

لكن شوف الفرق بين الاثنين

كان في غزو من مطير ومروا وادي العجمان في غزوهم وكان مانع بن جمعه ( الارفح )

ومعه جماعته من ال ضاعن وكان جرشان ال مطرف الضاعني بواردي ومع ابل الجماعه

وشاف غزو المطران يوم اتقوا في ظلع ونوخوا لانهم قربوا من عرب ولا يبون احد يشوفهم لين يظويهم الليل

قام جرشان ورمى ببندقه يبي ينبه ربعه ان في محنشل غزو

وقام ابن جمعه وربعه وركبوا وفزعوا صوب جرشان وقال مانع وش العلم يا جرشان وعلمه

جرشان وهجدهم ابن جمعه وربعه وامتنعوا المطران ومنعوهم ال ضاعن وجابوهم صوب بيوتهم

وكان فيه واحد من المطران سبر لهم يشوفلهم الدرب ماكان معهم ويوم درى ان ربعه خذوهم

الرياجيل راح لهم يبي يزبن قبل ياخذونه لان ربعه خذوهم ال ضاعن والمقصد من خذوهم

يعني خذوا ركايبهم وسلاحهم والرجال يبي ينوخ عند بيوتهم قبل ياخذونه

لان سلم العرب اذا نوخ الرجال مركوبته عند بيتك ماعاد لك حق تاخذه وقام المطيري

ويتنصى اقرب بيوت الجماعه له وهو بيت غنيم ال مطرف الضاعني وعاده قبل ينوخ

قاله غنيم ماخوذ ماخوذ قال وين كبيركم نتاحكم عنده وراحوا صوب ابن جمعه قال المطيري

انا نوخت عند بيته وقال غنيم قلتله ماخوذ قبل ينوخ ذلوله

خذوا ركايهم وسلاحهم وعشوهم و اطلقوا سراحهم ولم يقتل

منهم رجل واحد ..

وهذا الفرق بين الحادثتين !

وغيره احداث وايضا لا ننسى خيانة وغدر الدويش في فلاح والد راكان


والكل يعرف من هم اهل الخيانه والغدر ومن هم اهل الشيم والنخوه !

انا لا انتقص حق اهل الطيب من اي قبيله او عرق كان

وكلن فيهم حقه

لكن قصدي موجه للاشخاص اصحاب الوقائع المذكوره وهذا شي معروف



.
.


الي نعرفه ان فيه ناس حاليا يفتخرون بانتصارهم على العجمان وهم مجرد جنود في جيش

احد الحكام ضد العجمان وينسبون النصر لهم من دون الرايه التي يتبعونها

وايضا هناك من يفتخر بانتصاره على العجمان وهي مجرد محنشل اربع ولا خمسة اشخاص

ويذكرونها بانها ملحمة الملاحم ويحق له ذالك لان العجمي الواحد يعتبر قبيله بالنسبه له

وهناك من يتفاخر بهوشه لم يقتل فيه احد ويصفها بالمعركه العظيمه في تاريخه

والان صار هناك من يتفاخر على العجمان وحتى لو كانت بالغدر والخيانه

لله دركم يا عجمان ما اعظمكم

ولا تلومونهم ياعجمان اللستم من انهيتم دول ومن خلعتوا عرش الحكام ومن تحالفت

عليكم الدول وانتم لوحدكم ومن اخذتوا بثأركم من الحكام ومن يتغنى بامجادكم الركبان

ويتسامرون بشجاعتكم وافعالكم الستم من يستجير بكم الملهوف ويستقوي بكم الضعيف

ويأمن بكم المنيع الستم من خيرة العرب خصالا و من اطيبهم ذكرا واشجعهم مراسا


خلوهم يمنون انفسهم بالاحلام والاماني فبعد الثريا عن الثرى

لله درك يبن عظيمان

[ناصر ال مهذل]

ذكر الله عدد همال وسميّه=سيلها الأرض عقب إمحالها أحياها
كلمتك يا (مطيري) جات لك سيّه=مثل يسرى ٍ تقدم قبل يمناها
لا توهّق ترا دعواك مقفيّه=من فعل له سية ٍ يبشر بدلاها
بوقة ٍ جات في حكم السعوديّة=لأحد ٍ هاش فيها ناخذ إقضاها
من ودب حاكم ٍ دعواه جبريّه=كل نفس ٍ تقاصر دون دعواها
الفخر يوم دعوى الناس طلقيّه=شفتوا أفعالنا ما أمداك تنساها
في صياهد ( قدام ) الجنوبيّة=اخبروا عدوة (الجبلان) باسماها
يوم (الدحّام) خلوه العصابيّة=ذِبح فالكون و السابق عقرناها
و جاك يوم ٍ جنوب ( الصبيحيّة )=داخنه ( جِوبه الوفرا ) تغشاها
يوم ( رخوان ٍ ) حط اجنودك ارعيّه=كثّر الذبح فأولها و فأتلاها
و دوك (عمّاش) و عياله (دويِشيّه)=سبعة ٍ جو عشا للضبع و جراها
و (ابن شوفان مطلق ) ذِبح وقفيّه=حرمته بذّت الجيران بنعاها
و (ابن رشدان) ما تمسي نواعيّه=خُدّته في ملاقا الخيل دسناها
و (ابن شبلان) في يوم العكيليّة=دوك نفسه من الحياه زلناها
و (ابن زريبان) تبكيه الدناويّه=خيل يام ٍ توطاه بحذاياها
و (ابن لامي) سحيكل تزعج ادميّه=فالملاقا تعشته ضراياها
من فعايل أضداد الحق (ياميّه)=كل فرسان ( علوى ) ضاعت ارياها
و (الفغم ) ( فالمبرنس ) وافق الهيّة=لاحه سعود ٍ و السابق خذيناها
كان يبغي خراجه كل حزميّه=ما درا إن حن نضيّع فكر من جاها
و (ابن برجس) علي يسهر لياليّه=من صواب ٍ بعظم الرجل يشضاها
كبه ( فهيد ٍ ) لين أظهر معاريّه=و امنّه لين وصّل امه بمثباها
و ( مطلق التوم )جانا كان له نيّه=يبغي الأبل و قلنا : جعله إفداها
ناطحه نشمي ٍ فأيده قريزيّه=صاد نفسه مع قبضه لمجراها
جاهم الشر من ( ولد الفهيديّة )=شب فيهم و باع النفس و أرذاها
دوك شيخانكم يا ابن المطيريّة=من غدت هقوته علينا قصرناها
أخذ منّي إعلوم الصدق مثنيّه=من فعايل ارجال ٍ يمضي إحكاها

الشاعر سعدون بن محمد آل عذبه المري