رجـوك بعـض المشاعـر لاتهزهزهـا

ديقول22 · #1 29-06-2009, 02:27 AM

ارجـوك بعـض المشاعـر لاتهزهزهـا
تـرى المشـاعـر تـألـم عـنـد راعيـهـا
وترى النفـوس العـزاز الهـا حواجزهـا
وحواجز النفـس ستـرٍ مـن خوافيهـا
لا تقول لـك كلمـةٍ تحسبـك تحرزهـا
وتطيـح لاقمـت منهـا مـنـت قاويـهـا
وان قلـت لـك كلمـةٍ حـاول تركـزهـا
ولا تـرى الصمـت خيـرٍ مـن حكاويهـا
ودعـواك لاصــار مــا تـقـدر تنجـزهـا
ازبـن علـى واحــدٍ سـاعـه وينهيـهـا
ولا تـجــود عـلــى صـبــرٍ يـعـجـزهـا
وتجيك فـي وسـط بيتـك مـا تناديهـا
وكـم واحـدٍ حاجتهـا بالصـدر يكنـزهـا
من قـل مـن يستمعلـه يـوم يبديهـا
يخشـى مـن اللـي يهمزهـا يلمزهـا
يضحك بعض ناس لاكن ناس يبكيهـا
وشكـواك لابـن الـردي حـذرٍ تعنزهـا
يفضحـك وتـروح فيهـا وانـت كاميـهـا
وعـلـيـك تـكـبـر ولا تـقــدر تمـيـزهـا
وتضيـع فـي طوشـةٍ تبلـش بتاليهـا
والسالـفـه يـقــدر الـواحــد يلـفـزهـا
ويقدر على ناس من شكله يمشيها
ولاتشغلـك حرمـةٍ مـنـت متجـوزهـا
تطـرد وراهـا وغـيـرك يهتـنـي فيـهـا
ولا يفرحك شوف الارنـب لـو تنقزهـا
مــادام مــا شفتـهـا بالـنـار شاويـهـا
ولاتحسـبٍ الـذهـب بــاي يــد يـزهـا
تـرى الذهـب مـا يغيـر لــون اياديـهـا
والنفس حـاول بحـد اقصـى تعززهـا
نـفـسٍ بــلا عـزهـا مـانـي مـداريـهـا
والـنـاس لاتـقـوم بعيـونـك تـخـززهـا
احمد على العافيه واسلك مماشيها
ومن طاوع النفس تشقيـه بغرايزهـا
ومن طاوع العقل يسلم مـن بلاويهـا
والمرجـلـه ماتـحـب الـلـي يهـاوزهـا
تـبـي لـهـا واحـــدٍ دايـــم يحاضـيـهـا
واللـي عيونـه مـع الظلـمـا يغمـزهـا
ماحـدٍ درى عـن عيـونـه لــو يعنيـهـا
ونفيستـك وانـت فـانـي لاتغزغـزهـا
المقـبـره بأنتـظـارك وانــت ناسـيـهـا
والـنـاس دورات قـادرهــا بعـاجـزهـا
ماخـلـق جـنـه ونــار وزعـــوا فـيـهـا
وناسٍ مع الله ونـاس ابليـس ناغزهـا
سبحان من ظل ناس وناس هاديهـا
ونـــاسٍ تـعـلـت وعلـتـهـا مـراكـزهـا
وناسٍ تبي الطيب مير الطيب فاحيها
ونــاسٍ تـحـفـز ومـعــروفٍ تحـفـزهـا
ونـاسٍ تبـي مـن يشيمهـا ويعطيـهـا
ونـاسٍ تلعـوز وتسلـم مـن تلعـوزهـا
ونـاسٍ مـع اللـعـوزه تبـطـي لياليـهـا
وناسٍ تبـي نبـز نـاس ونـاس تنبزهـا
نـابـز ومنـبـوز لـيـن الـمـوت يفنـيـهـا
ونـاسٍ عجـز رزقهـا يكمـل عوايـزهـا
لاهــي فـقـارا وهــي مالله مغنيـهـا
حتـى العجايـز تبـي نــاسٍ تهمـزهـا
العـافـيـه والـظـنـا مـاهــو مكفـيـهـا
وان قمـت اعانـد تفاكيـري وابـارزهـا
صـارت حجـاوي وانـا مانـي محجيهـا

الظبيه العنزي · #2 29-06-2009, 03:15 AM

الللللللللللللللله ياديقول 22....جبتها رايت..,

ياجاهل مر الزمان........ وحلاته
خذ هاك عقلي مانفعني ولابيه

في هالزمان الطيب اعلن وفاته
الطيب مات وكل طيّب يعزيه

يرحمك ياعود حفظ لك وصاته
يبيك تتبع ساقته ....ماتخليه

علمك سيات الزمن واحسناته
يأمرك بالمعروف ليتك تماشيه

الله وهبنا الدين واحسن صفاته
وانزل لنا التشريع واجمل معانيه

الحق والباطل.... عرفنا جهاته
ومايزرع المخلوق له يوم يجنيه

احد له الدنيا على الكيف جاته
الله عطاه ....وكل شئ بياديه

ماذاق لوعات الزمن وشقاته
الفقر والتجويع يسمع بطاريه

واحدن يدور في زمانه نجاته
يبي الستر والعافيه بين اهاليه

عزيز نفس...... ولايبدل عباته
راضي ويدري عيشته ماتكفيه

واحدن ابد... ماخذ طبايع خواته
ضعيف راي... وكلمته ماتجديه

واحدن لبس ثوب المراجل..... بذاته
وااسعد عين اللي من الضيق ناصيه

واحدن صميدع.... يرهبك بالتفاته
حر مطاليعه عن الناس... تغنيه

واحدن يضيع صيدته من عماته
لاواخساره.... من ترجا يعشيه

واحدن زرع ..مانال غير الحتاته
الحظ .....كنه واقفن له معاديه

واحدن قطف ورد الزمن وثمراته
باب البخت مفتوح.. دايم يناديه

واحدن تساوي في حياته ..مماته
واحدن يموت.. وطيب الذكر يحيه

الوقت..... لويومي عليك بعصاته
ماهي غريبه منه هذي مماشيه

يابوووي..هات اللي يجي منك هاته
راضين باللي ما تكنه .....وتخفيه

وتقبل مروري يامبدع

ديقول22 · #3 29-06-2009, 03:28 AM

الظبيــــــــــــــــــــه يكفينـــــــــــــــــــي مــــــــــــــــرورك