(.... أســتفسار ...) ؟

[عـشـق بـدوي]

السلام عليكم ورحمة الله وبركاته


الابيات الاولى سمعتها مثلكم مع ابن كوري بس مدري منهي له


اما الثانيه فهي للشاعر / ناصر محمد المري قريتها في منتديات كشته

وعندي مقطع صوتي وفيه واحد من آل مره وهو يجرها بصوته كامله بس ماكنت ادري منهي له لين قريتها في منتديات كشته




ياهجوس بين حـدب الضلـوع إلهـا دوي&& كن دويها سيل وادي مـعا راس شـرفـه
هيضـتني وادخـلتني طـــريق مـلتـوي && والـدروب العــوج دايــم وراهــا تكـلـفه
مايخوفني عواء الذيب لاقــام يـعـوي&& ولا دخل قلبي من اعـواه خـفه ورجــفه
كان قلب الذيب قاسي فانا قلبي قوي&& ذي صفات الذيب وانا مـعي مثلـه صفه
بـدوي واعـيش وامـوت وانـا ابـن بـدوي&& ماتـعلمت الضعافـه ولا عـشت ضـعـفـه
الليالي عـلمتني عـلى المـسرى عـشوي&& مـاهتنيت بـراحـة البـال ورقـاد الدفـه
مهتوي مـشي معا البيد واطويها طـوي && والـمـولـع كل مـاشاف لـه برق شعفه
مـايـوسـع صـدر راعـي الغـرام المهتـوي&& غـير مـشي في قرارة وشراف طهفه
يـاوجـودي والمـحـبة كـوت قـلبي كـوي&& مـن وليـف جــر قـلبي وتـلـه وحـذفـه
جيت له عطشان بشرب من الماء وارتوي&& في رجاء هرج هرج به من اول واخلفه
كـن عـينه لا لـحـظني كـما عـين خـلوي && شايف الصـقـار يـرمـي زريـقه وخـطفه
كـنـه مـطــرق خـيـزران زواهــا الله زوي&& ينـعطـف ثوبه عن الساق من شي اعطفه
مستوي بالعـقل والزين واصبـح مستوي && ياعـذابي مـن غـرام الـهنـوف الـمـترفـه

وسلامتكم

طبعا ناقصها بيتين

اللي يقول فيها

لابغيت اسري مع الليل مادور خوي ،،،، الخوي رشاشي اللي معه كم سعفه

والثاني ما اذكره الحين

وسلامتكم

محمد بن ظافر العجمي