السلام عليكم ورحمه الله وبركاته
صبحكم \ مساءكم الله بخير ـر ..
للشاعر ـر : محمد السو ـو اط ..
ياطير لاتنشد عن الحال ياطير
شايب وتو العمر فاول شبابه
اكتب صباح الخير ولامساالخير
صبحي وليلي في عيوني تشابه
اكتب عن الكذاب راع الاساطير
عن السؤال الّي يدور جوابه
مالقيت له ياصاحبي أي تفسير
غامض يشوبه مع غموضه غرابه
يابوي ياجبرالعظام المكاسير
ماني من الّي يدورون النشابه
ماني من الّي يعشقون التصاوير
تحب الظهورولا يجيبون ثابه
ولاني من الّي يدهن السير ويسير
ولاعزف على المقفي لحون الربابه
ولاني بلابس ثوب من غير ازارير
يلّي تدور للنشايب طلابه
ماتدري إني ياكثيرالمخاسير
من ضاري قبل اقراحروف الكتابه
ماداست اقدامي دروب المحاذير
ولساني حصاني وصدري رحابه
واني من رجالٍ تقود الطوابير
الّي على الهنه لراسي عصابه
يادارياروس الرجال المناعير
يادارعماني شباب وشيابه
عماني الّي للصعايب تدابير
تاطى على الهين وترقى صعابه
ويابيتنا بالعزعمره تعمير
يوم الزمن شاحب وضميا شعابه
ابوي يومن الليالي معاسير
شيده وجهز مجلسه واتكابه
بالهيل والصفرا وعود المباخير
بيت الشرف والطيب طيبه زهابه
ياخوي ياشوق العفاف الغنادير
ياطب من همه على حرمابه
يااحمدليانامت عيون المساهير
على امل بكره يجي من غيابه
من عدنا رياله نعده دنانير
ومن لاحسبنا ماضربنا حسابه
بكره ليادارت علينا الدواوير
وليا تعاوت فالصدور الذيابه
كلن يدور للخطيه معاذير
الموت ياغافل لجله وكتابه
يابو فهد والناس وردومصادير
على الذنوب تحوم حوم الذبابه
الذنب للّي جنبته المقادير
عيوبه الّي ساترتها ثيابه
يابو فهدمالي جناحين واطير
مجردبشريرجي من الله ثوابه
اخوك يابندرضلوعه قوارير
تكسرت من ضيق صدري التوابه
راحت حياتي ياحزامي مشاوير
فليلن سرى وليلن بقالي عذابه
باسباب طعنه جاتني دون تبرير
وطعون غيره كلبوها تشابه
09-06-2009, 01:59 AM
يا طير لا تنشد عن الحال يا طير
العرض العادي
