منعوني اكلمه

دموع عمري · #1 23-03-2004, 04:27 PM

[size4]السلام عليكم
حبيت اعرض لكم هالموضوع وانشاء الله يعجبكم

منعوني ادق عليه منعوني اكلمه اسمع صوته

يا ناس خلاص ما عدت اتحمل

بكرا امتحان الأحياء .. واذا ما سمعت صوته يمكن يصير فيني شي

ماما طلبتك لا ترديني دقيقة بس ..

اسمع صوته ولو بالآنسر ماشين << احـــــلــى يا كشخة

حرام عليكي حرمتيني صوته اسبوع وهذا الثاني ..

بحبو يا ماما بحبوووووو << ايه عاد منو؟؟

تكفين يا يمه خليني اسمع صوته بليييييييز

والماما ترد علي : ابليسن يركبك ماعندنا بنات يحبن .. اخزي الشيطان يا بنيتي وروحي ذاكريلك كلمتين يمكن ..... اقول يمكن تنجحين

وصرت افتح كتابي الأحياء واطالع الصور .. تشريح صرصور وديدان ارض ونباتات بحريه واسمع صوته يررررررن في اذني .. واهيم في عالمي ليه يا ربي كل ما احب ما اتوفق في حبي

حبه ملك فؤادي صوته هززززززز كياني << يـــــــــــه

صحيت الصبح مفزوعه .. يا ربي اليوم امتحاني .. صليت وقريت دعاء وقلت وينك يا جوالي واشوف الماما صدمتني .. وقالت خلاص يا بنت لا تطفريني .. اللي فيني مكفيني ..

ورحت اتلصق فيها يا يمه لا تعذبيني .. وتبعدني بدينها وتقول : اتركي عنك دلع البنات ترا كلش ماحبه وهذا كتابك .. صفحت لك على صفحة الصرصور اكيد اليوم يجيبونه لك في الأمتحان

ورحت الأمتحان وانا بالي مشغول .. وجابوا لنا تشريح الصرصور انبسطي يا ماما .. كله من فالك

تبغون تعرفون وش سويت في امتحان الأحياء يومها؟؟ خلكم معي وبتعرفون

رجعت البيت و وعلى طول دقيت عليه وقلت :

تخّيل .....
قمت اهوجس بك ..
وقت ما وزعوا الاوراق ...
وانا ادري من يجي طيفك يلخبط لي امتحاناتي ...
كتبت اسمك على الورقه .. بدل ما اكتب اجاباتي ..
احب اذكرك وانسى الكل ...
تصوّر موقفي المحرج !!!!
انسى المسأله والحل ...
مسكينه خويه لي .. وعدت اني اغششها ..
عطتني اوراقها بسرعه ...
بشعري قمت اخربشها ..
قصايد حب لعيونك ارسلها ...
اخر سؤال عن الصرصور وتشريحه ...
كتبت الله ثم الله .. لن ارضى بتجريحه ..
يا ابله .. دخيل الله تخلونه ..دخيلك لا تهينونه ...
تخيلته يحب مثلي ... خبله مدري مجنونه ...
حتى اني دعيت الله .. يرده للِّ يحبونه ...
شفت اشلون يا خلي .. خذاني الحب وجنونه ..
ألا يا ساكن فوادي ... انا اشهد امتحاني بوادي .. وعقلي وفكري بوادي ...
بس عاد لو تجيني كعكه حمرا في الشهاده ..خلاص الكعك الاحمر صار عندي شي عادي

وسلامتكم

ايه عاد ما سألتوني منو ذا ؟؟ خخخخخخخ .. كنت دوم متعودة ادق رقم بالجوال ويطلع لي الصوت :

الرقم الذي طلبته غير موجود حاليًا .. يرجى معاوده الأتصال فيما بعد .. ابد حبيته وتعودت اسمع صوته كل يوم وهو يقولي ذي العباره .. خخخخخ

صادوه [/size]

كويتيه · #2 23-03-2004, 10:22 PM

راعي العشوه · #3 24-03-2004, 02:06 PM

والله هي من ناحية
صادوه صااادوه
انا كنت متوقع انها
تعليقه بس مو لهدرجه
بس عندنا وعندش خير
انا متولع باللي تقول
الو مرحبا كيف الحال
((التلفون مال الجهال )(

اليامي · #4 24-03-2004, 07:21 PM

ههههههههههههههههههههههههه

والله صادوه

مشكوره يالمتيمه

والله لا يحرمنا من جديدك

دموع عمري · #5 26-03-2004, 01:18 PM

كويتيه / راعي العشوه / اليامي
مشكووورين على مروركم واسعدتوني بردودكم
والله لايحرمني منكم