وقفــــــــات .. تجمعها .. مروقة البال...!

[مروقة البال]

صباحـ / مساء الخيرات ..

قصايد وابيات من هنا وهناك .. جرايد و نت و..و..و..و

مالكم بالطويلة اتركم معاها ..

وقفة أولى ..

لو يرجع الأمس.. ما كان الامل بكره=لولا الأماني.. ذبحني الهم في صدري

أصارع أمواج فكري وأحكره.. حكره=وأنازع الحرف لينه يكتمل بدري

بدري قصيدي وأنا نوره وأنا فكره=أصون قدره وأعدّه من مدى قدري

كنّي من اللي تعني صابته سكره=واليا نشدني رفيقي قلتله مدري

الله حسيب الذي دايم على ذكره=أعشقه.. وأهيم به.. وبرمشه الخدري

أصدّقه والمصيبه خابرن مكره=وأضحك لو أن الخطر من فوقي وحدري

ياطير ياللي سكن في خافقي وكره=هوّن علي الغلا لو كنت بي تدري

يا رحلة الأمس ودي بالأمل بكره=الله حسيبي يزيل الهم عن صدري

لـ خالد ماطر ..



وقفة ثانية ..

غبت عني وأدري إنك غبت قاصد=والا ( حكيي ) ماخبر به من خطا

زارع ( الهجران ) وش ظنّيت حاصد ؟=غير .. هجران .. وملامات .. وبطا !!

وقفة ثالثة ..

دام الصدر يا حضرة الضيق ما ضاق=والله لتبطي ما تزلزل كياني

ودام الليالي قلبها ينبض اشواق=خله يموت الهم بين المحاني

ليه اتضايق كل ما لاح براق=دام الزمان اللي اعيشه زماني

وليه اتليعن يوم انا كلي أخلاق=لو باع واحد ألف واحد شراني

الله عطاني بالصبر صدر الآفاق=وباخذ من الله كثر ما الله عطاني

لو يخلطون بغيبتي كل الأوراق=برجع واحوس أوراقهم في ثواني

يا صاحبي ما هي سواليف عشاق=حتي تموت بصدر أهلها الأماني

أنا بشر لي قلب وأحس واشتاق=واشقى وأعاني مثل ما أنت تعاني

يعني شيصير بيوم لو قالوا: إفراق=أصلا من أول عنك قلبي حداني

«أكذب عليك إن قلت ماني بمشتاق»=شطر قديم العام يمك خذاني

أيام ما شمس الغلا دوم بإشراق=أيام حبك عن عيوبك عماني

أيام قلبك بس لو تدري اشباق؟=قلبٍ خلق لك من جروحه معاني

قلبٍ موقفني عشانك على ساق=يخاف اقصر في غلاتك ثواني

قلبٍ صبر في وضع لا يمكن يطاق=يا ما نهيته عن هواك وعطاني

واليوم أشوف الشوق للبعد سباق=يمكن نسيت الحب والا نساني

الله وكيلك مسأله كلها أرزاق=طالع مكان وين وطالع مكاني

بكره إذا «ما التفت الساق بالساق»=يبي يكون لوضعنا حال ثاني

ودام الصدر يا حضرة الضيق ما ضاق=لا أنت ولا غيرك بزلزل كياني

لـ حمود جلوي ..



وقفة رابعة..لها طابع خاص..ولها ذكريات رائعه..

يالعود ما للجمر في قصة احراقك=هم البشر طبعهم قسوة وانانية
افنيت عمرك وفا لعيون عشاقك=والناس في هالزمن محدن ذكر حيه
وجه التشابه كبير الفرق بافراقك=مره احتراقك وانا احترق ميه
يا ذا الزمن وان تساوى الليل باشراقك=بعيون من حاضره يشبه لماضيه
ماعادني مخايلن مزنك وبراقك=وعسى الشقا مايجي شغلة وراثية
يالحزن لولا الامل والصبر من طاقك=مع البشر كن لك روحن عدائية
يالحلو في هالزمان المر من ذاقك=بقول واحد .. لابقول اثنين بالمية
ان بعثرك هالزمن من جمع اوراقك=وان جمعك فاعرف ان الوقت له نية
يا ضحكة العمر ياني حيل مشتاقك=لا شان وجه الزمن لا تقطع الجية
ما قلت لي شهالجفا.؟ من بعثر اشواقك=وتدري بليالي الجفا ماهي بعادية
اذا طروك احترق واشتاق لعناقك=واقول تكفون لاتجيبون طاريه
ياما تمنيت اشوفك والزمن عاقك=اللي مثل حالتي يا صعب أمانيه
كد قالها شاعرن عن قولهم باقك=كن البلاوي تشابه مع بلاويه
ما دامها بالتمني بطلب فراقك=لأن الاماني مع شرواي عكسية

لـ حمد السعيد..


وقفة أخيرة ..

أهتوي طاري هله من حبي لطاريه=والدروب اللي تجنبهم ماهي بدروبي

وقفة ما بعد الاخيرة..

انا لاقلت لي شلونك وانـا ضايـق اقـول بخيـر= مدامك سائـلٍ عنـي اكيـد ان ضيقتـي راحـت

انا من كثر ماحبـك اشوفـك فـي عيونـي غيـر= تضيق النفس من غيرك ولامـن شفتـك ارتاحـت

احبك كثر .. ماتطـري فبالـي وتشغـل التفكيـر= كثـر .. ماشيلـك بعينـي ونـاسٍ منهـا طاحـت

احبك كثر .. ما ادمح خطـاك ان خانـك التعبيـر =كثر .. ماخانت الرفقـه بكتـم اسرارهـا وباحـت

احبك كثـر .. صقـارٍ تولـع فـي محبـة طيـر =كثـر .. مادلـة الطيّـب بريحـة هيلهـا فاحـت

احبك كثر .. ماحس بشعـور انـي عليـك اغيـر= كثر .. مازيح هالغيره عن افكـاري ولا انزاحـت

احبك كثر .. مالك داخلـي حـب وغـلا وتقديـر= كثر .. ماغبت عن عيني ودموع امفارقك ساحـت

تصدق !! من عرفتك صرت احبك .. واكره التغيير= وانا اللي كنت اعشق كـل نجمـه بالسمـا لاحـت

تأكد كـل ماتسئـل عـن حوالـي اكـون بخيـر= مدامك سائـلٍ عنـي اكيـد ان ضيقتـي راحـت

لـ ثامر شبيب..


بكل الود..اودعكم

مع السلامة..


مروقة البال...

[العجمي كوم]

السلام عليكم ورحمة الله وبركاته

الله يعطيك العافية على النقل الطيب ..

وصح السانك والسان الشعراء .

ولاهنت

[مروقة البال]

نواف المحفوظي


يعطيك العافية عـ المرور ..


مروقة البال..

[ذايع الصـيت]

مروقة البــــــــال

يعطيك العافية عـ الذوق المميز والرائع

قصائد جميله وإختيارات موفقة

تقبلي تحياتي

أخـوك / ذايــع الصـــــيت

[طلال بندر الهاجري]

صح السان شاعرها ولاهنت علي النقل الجميل
وتقبل مرووووووووري وتحياتي لك

[مروقة البال]

ذايع الصيت
اشكر مرورك ..

وان شاء الله عـ طول صيتك ذايع بما يجملك ..



طلال بندر الهاجري
صح بدنك..

واشكر مرورك..





مروقة البال..

[ترف الصبـآ]

أهتوي طاري هله من حبي لطاريه ،،، والدروب اللي تجنبهم ماهي بدروبي



روووعه

[عجمي^متبقط]

انا لاقلت لي شلونك وانـا ضايـق اقـول بخيـر
مدامـك سائـلٍ عنـي اكيـد ان ضيقتـي راحـت

انا من كثر ماحبـك اشوفـك فـي عيونـي غيـر
تضيق النفس من غيرك ولامـن شفتـك ارتاحـت



صحيح مروقة بال

تسلم الايادي والاحساس في النقل

ننتظر وقفات اخرى

[طلال بندر الهاجري]

مشكووووووووره ولا هنتي علي نقل الابياتالجميله
وتسلم يمينك وتقبل مرووووووووووووري وتحياتي لك

[مروقة البال]

مساء الخيرات


رشيدية والقلب عجمي

اشكر مرورج خيتوو


عجمي^متبقط
الله يسلمك من كل شر..


واشكر مرورك اخووي..


طلاب بندر الهاجري

اشكر مرورك الثاني اخوي..



لكم جميعا تحياتي


مروقة البال..