وكــــالــــة ( وكيـــــــل آدم ) للمـــشاعر المستــــورده

[وكيل آدم]

اللي يقول


انا وانا


ترى ماعنده سالفه


فقير ماحوله غِنى





يظهِر ثقته التالفه

[وكيل آدم]

أسوأ شعور يحس فيه الآدمي
لاصار بين الناس لكنّه وحيد

























مثلي

[وكيل آدم]

صاحبي زعلان مدري وش بـلاه!
ماقـدرت افهّـمـه ولا افهـمـه
مختلف وجهـه ومختلفـه هـلاه
ولا يكلمنـي لاجـيـت اكلّـمـه
هو زعل من شي ! ولاّ من خلاه !
ضايقٍ صدري على ضيق نسمـه
لو درى فالقلب وش قيمة غـلاه!
كـان علمنـي عشـان اعلّـمـه

[وكيل آدم]

اللي يسافرعن وطنه برغبته ماهو غريب
يبقى الغريب اللي يحس بغربته داخل وطنه

[وكيل آدم]

بعض المواقف لزوم انّك تعدّيهـا
عشان ماتحرق اعصابك ولا دمّك
والكلمه اللي تجي محـدٍ مقدّيهـا
لاتعترضها ويتعكّر بهـا جمّـك
ان جيتها خلّها وان جات ودّيهـا
ابعد عن الشر من كمّك ليا كمّك
والصاحب اللي عروقه مايهدّيها
لو منت معمي عيونه كان ماذمّك
والكلمه اللـي تعـوّر لاتبدّيهـا
يمكن تصكّ بصْفاه و تتجه يمّـك
وتعوّد اللـي تغديـك و تغدّيهـا
تقلط على راحتك وتقلّطك همّـك

[وكيل آدم]

من باب



( ما كلّ مرسولٍ رسلته يحوش)




ومن باب



( كلّ الدروب توصّلك للمَجـر )




رميت مرّه




(حجر )



واتحركت له



(جيوش)



وارسلت مرّه



(جيوش)




ولا تحرّك




(حجر)

[وكيل آدم]

الصاحب اللـي لا عطيتـه وفالـك
ماقام يكسر كل يومٍ لـك اصبـاع
والصاحب اللي كل ماطحت شالـك
ماهجّ عنك وغبّر كـراع بكـراع
والصاحب اللي ينشدك كيف حالـك
لاشاف حالك بين شـاري وبيّـاع
والصاحب اللي ما بخس راس مالك
ولا طمع مع كـل حاسـد وطمّـاع
والصاحب اللي مايهمّش وصالـك
عشان يرضي كلّ حاقـد وخـدّاع
والصاحب اللي لا سمع عنك جا لك
وشرب معك فنجال شاهي بنعنـاع










يعني بختصــار يابابا













ياصاحبـي ريّـح ويرتـاح بالـك
حظك ردي وانته تحاول ولا طـاع

[وكيل آدم]

ياليت القضيّـه يـوم ونّيـت
قضية حبيبي ناعس الطـرف
زماني جرح صدري وغنّيـت
ومع كل قطره ينتثـر حـرف
ظروف احرمتنـي ماتمنّيـت
وتبقى الرساله داخل الظـرف
تعنّيـت بعـد انـي تهنّيـت
وطبّيت من دحديره الـ(جرف)

[غصّة قهر]

وكاله مميزه وغير عاديه




واصل ونحن سنواصل المتابعه



دمت بود ..

[وكيل آدم]

جيتني مرحبا وان رحت مرخوص
لا عد تطالبني اوفي وانت مااوفيـت
واضح ولا احبّ شخص يلفّ ويحوص
ان جيت روّحت وان روّحت ماجيـت
وابشّرك حيّ لـوّ القلـب مقـروص
وابشرّك مـا طـرى واقـول ياليـت
في خنصري خاتمٍ به عشرة فصوص
وفي كل فصّ اكثر امن اللـي تمنيـت