عطيتك كذا فرصه ولا فاد :::____أهداء له

[وكيل آدم]

على شان قدر الملح والـزاد=ابتـرك سكاكيـنـك ولا ارد
لو انّ الطعون الخضر تـزداد=ابا اعـدّ والعالـم تبـا تعـد
سوالف علـى دلـه وبـراد=ونقـدر نمـد الصـاع للمـد
عسى الله يعينك يابن الاجواد=تعدّى على موضوعي وعـد
عطيتك كذا فرصـه ولافـاد=واشوفك تحب الجزر والمـد
تهاديـت يـمّ العِـد نـشّـاد=ابا انشد وش اللي غثرب العِد
مالدّيت عيني صوب الأوغاد=اجل كيف يمّ اصحابـي تلـد
وانا جيت ماابغى حرب وجهاد=والأعصاب ماهي ناقصه شـد
وش الفايده من جمع الأحقاد=سوى الغبن والتجريح والصد
الامجاد ماهي شعر .. الامجاد=شعور وجمايـل مالهـا حـد