أجمل بيت

[راعي العشوه]

بسم الله الرحمن الرحيم

اخواني اخواتي اعضاء ومشرفين منتديات العجمان الكرام
تحيه طيبه وبعد

لدي موضوع جديد لكم فأتمنا ان يعجبكم وينال استحسانكم واجد منكم التفاعل
والمشاركه
المعروف دائما ان الشعر هو لغة الحب ولغة العتب ولغة المدح والهجاء و و و ..إلخ
اي انه جواب لكل باب
فأعتقد ان أغلب الأعضاء ان لم يكن كلهم يتابعون او متذوقون للشعر وقد يكون بيننا شعار
فأتمنى من كل عضو أن يكتب لنا من هو شاعره المفضل ؟
واجمل بيت سمعه او قرأه او ححتى قصيده كامله
ولا مانع من مشاركة العضو باكثر من مشاركه
هذا واتمنى ان لا تبخلوا علي بمشاركاتكم اللتي تتوج هذا الموضوع


وسأبدا ببيت للشاعر ضيدان بن قضعان

أقبلي مثل التباشير في وجه الكريم "="وأرحلي مثل التعازي على موت الشجاع

هذه مشاركتي وبانتظار مشاركاتكم

لكم تحياتي وإحتراماتي
أخوكـــــــــــــــــــــم


راعي العشوه

[عزوف]

فكــــــــــــــــره رائعه ياراعي العشوه

لاتشتكي حالك على كل من جـــــــــــــاك

بعض البشر يفرح لياقلــــــــــــــــت مهموم

[السنـــــافية]

راعــــــى العشوة

تسلم على هالموضوع

وانا عن نفسى ماعندى شاعر معين لكن القصيدة الحلوة هى اللى تفرض نفسهاا بدون شك منو ماكان شاعرهااا

واجمل قصيدة مرت على

مع السلامة مالنا غير فرقاك
واللة مالى فى موادعك قدرة

اللة يسمح درب مثلك وشرواك

والقلب خلة عند الايام عذرة

ان ماقدر يصبر تكفية ذكراك

لو كان فى بعض التفاصيل قبرة

وان جادة الاحلام فينا وشفناك

هى عبرة تقفى على درب عبرة

اقفت تنشد عابر عن مطاياك

اللى لها بين الزمانين هجرة

تاقف وطاحت مالفت فى زواياك

الا حنين شلع القلب جذرة

قلب يضيق وينشد الصبح وش جاك

أثرك ناوى من ورا العام هجرة

هذة الحقيقة جعل ماجاك يفداك

والرجل مايجبر على فج صدرة

أماتجى برضاك ولاعذرناك

ارحل وانا ادرى مابقى غير شعرة

بين الوداع وبين شوفة محياك

والقلب ماهو سلعة وسط كبدة

تبى تسلانى على جرف دنياك

صخر .تساوينى على حد صخرة

مانى صغير امك ولانى من رعاياك

لو شفت دمعى ينسكب وقت غدرة

هذيك عبرة شايب عاف ممشاك

من جاة يشكى ضنوتة قال بصرة

خلوة يسرح بين ذولا وذولاك

وان مت خلونى على باب قصرة

وحطوا على التابوت هذة ضحاياك

وعساة يفتح بارك اللة نصرة

وان شافو دموعك على حلق شباك

ماهى محنة واغلب الظن فطرة

ادخل على اللة بدعك فى شفاياك

الرجل وش قدرة ليا فج صدرة

مع السلامة مانبى غير فرقاك

دام انتى مقفى مالنا فيك قدرة

[الرازي]

راعي العشوة

شكرا لك على هذا الموضوع الجميل

ومن اجمل الابيات التي قرأتها

واصل مراسيلك ترى القلب مشتاق = إرسالتن تعجبك طالبك سقها

(بارود)

تحيااااتي
ابو عيد

[cool]

السلاااام عليكم ورحمة الله وبركاااته

تسلم اخي راااعي العشوة على المووضووع وعلى الفكره الحلووه .

بعد اذنك وباقي الاعضاء من ازين ماقريت هذي القصيده وان شاء الله تحوز على رضااكم وجزء من استحسانكم .


سبحانك الله لا اله ألا أنت ياكـرم الأكرميـن
يـا عالـم أحـوال الأوادم ياكفيـل أرزاقهـا

أستغفرك يارب وأسجد لك سجـود الخاشعيـن
سجود عبـد" دمعتـه مـن خشيـة الله راقهـا

وفي جلسته من سجدته صلى على طه الأميـن
وأهـل المبـادي حبهـا وأيمانهـا بأعماقهـا

وعلى رسـول الله خاتـم الأنبيـاء المرسليـن
أفضل سلامي مابدت شمس الضحى با شراقها

والبارحه يا رشيد وين النوم وين النـوم ويـن
وسمر السحايب في سماها ما فصـل براقهـا

يا رشيـد قـل للطيبيـن المؤمنيـن الغافليـن
الايـام فالدنيـا شـوي ويتكـمـل غلاقـهـا

وأصحاب الأمس اللي نسونا الغايبين الحاضرين
علمهم أنـي مـا لتفـت لغصنهـا وواراقهـا

علـم وقـل للحاضريـن يعلمـون الغايبيـن
ان الأمم أخـلاق تبقـى مـا بقـت أخلاقهـا

والله لـولا الله ثـم حشمـت وجيـه الطيبيـن
اللي على الشـدات ترخـي للحمـول اشناقهـا

لعلم الغاوين كيف العب علـى بليـس اللعيـن
لاكني أكبر مـن جـلال علومهـم و ادقاقهـا

و ان سادت الفوضى المدينه في عيون الحاسدين
هديت لعبـي والمدينـه عامـره بـا سواقهـا

يا رشيد قل للشاعر اللي كان مين وصار ميـن
اللي بـدا يعـرف بعيرتهـا ويعـرف ناقهـا

لو يجتمع شعر الفرزدق مع ادب طـه حسيـن
مـا ترتفـع روس" تلفتهـا سبـب دناقـهـا

وقل لليتيم اللي يطالبنـا علـى غـزوة حنيـن
اللي يحسب أن كـل غفـوه لا غفاهـا فاقهـا

لا يحسب انـا لا تجاهلنـا الجهالـه جاهليـن
الجهل جرين في نحـاء الدنيـا لشلـة ساقهـا

واللي جهل لابـد يتعلـم علـى مـر السنيـن
ولا يميـز طعمهـا يارشيـد مـن لا ذاقهـا

وانا ترى يا خيك ما عندي يسـار و لا يميـن
وأن كذبـة علقتهـا يارشيـد فـي معلاقـهـا

عرفان معـروف أعتـرف وسيـد العارفيـن
ما فيه داعي أفتـح الشاشـه وعيـد أغلاقهـا

يارشيد انا عذري مثل تكرم مدينه لجـل عيـن
ولفت انتباه الناس عندي غيـر لـف اعناقهـا

وذكر الحيا والطيبين يبيـن واللـي مـا يبيـن
ما لا حدث او صار في الدنيا علـى أطلاقهـا

وإسلـم وسلـم والسلامـه ياعشيـر الغانميـن
والله يخلـي للبـلاد إحجابـهـا و رواقـهـا


كـووول

[الكبيسي]

وبالنسبه لشاعر يعجبني ماعندي واحد معين

لاني اشوف نفسي احسن شاعر ( والله مهايطي وشايف نفسه )

ومن الابيات اللي تعجبني

اثر الردي مثل الجرب لا يعاديك .... وليمن تبعته قيل لك يالخمامي .

والثاني :

الحنظـله لو هي على شاطي النيل ... زادت مرارتها القديمه مراره ,

وهذا اللي يحضرني ذالحين

وسلامتكم

[تركي]

لاهنت ياراعي العشوه على الموضوع الطيب

انا والله لوو ماكتب كوووول القصيده هذي كان قلت اللي عندي ولاكن الان اجمل ما قرأت هذين البيتين ((وانا بسميهاا قصيدة التووبه)) ولا يهوون راعيهاا

سبحانك الله لا إله الاانت ياكرم الاكرمين***ياعالم أحوال الاوادم ياكفيل ارزاقها

استغفرك يارب واسجد لك سجود الخاشعين**سجودعبد دمعته من خشية الله راقها

جميله هالقصيده ياكوول ممكن تعلمنا من قصيدته هذي واذا عندك قصايد لهذا الشاعر لا تبخل علينا

[ابن وعيل]

يعطيك العافية اخوي راعي العشوه على هالفكرة الرائعة

من يشتري قلب همومه ملايين ******* ويبيعني قلب من الهم خالي
عجزت اعدل مايلات الموازين ******* الى اعتدل ميزان ميزان مالي

ودمتم,,,,,,,,,,,,

[knzan]

مايستشك ياعبيد كود الرديين ... ولا ترا الطيب وسيعأ بطانه

[الرازي]

وهذه المشاركة الثانيه

أنته طرحك المرض والعوق بعظامك = تلقى علاجك على الإبره مع الحبه
وأنا مريض الهوى وأسير قدامك = وشريان قلبي وليفي بالهدب جبه

للشاعر(بارود)

ليتك معي يوم أظلم الليل برداه =راسي براسك وأشقر الكنت ثالث
نطفي لهيب أشواقنا والمعاناه = غلثن يشوف علاجه بناب غالث

للشاعر(بارود)

تحياااتي
ابو عيد