؛
؛
؛
رفرفت في بالي أوراق بيضا مهملـه
وإشتهى صمت أبيض الجوع ،، تفاح الكلام
مثل طفل ٍ كان يبنـي ويهـدم منزلـه
في هديل البحر وإصطادته موجة حمام
جيت لا سهم ٍ تناسـى ،، ولا جـرح ٍ دلـه
عن هوى إللي ينزعون الجروح من السهام
جيت للدنيا قمر وجه ،، وصوتـي حنظلـه
تحت جلدي ذاكرة ،، خبت من رمل وعظام
لي سما عالي ،، وحفنة سديم ،، وسنبله
سبحت فيها ،، وغنت عصافيـر الغمـام
كن من روّع ضبى خبت دمي وإجفلـه
وإرتبك في حانة الصيف طاروق الصرام
كل مـا قربـت للريـح نـار ٍ مشعلـه
فوق صدري زادني جمرها (( برد وسلام ))
كيف خيلت آخر الوقت قـاع ٍ ممحلـه !!
كيف خيلت آخر القـاع وقـت ٍ للهدام !!
وش هو آخر دربنا ،، آخر الدرب أوله
لا همزنا مهرة الوقت وإنـزاح اللثـام
كل درب ٍ تعرفه ،، حـاول إنـك تجهلـه
الدروب لصمت وجهي ،،، ( مجاهيل وظلام )
؛
؛
؛
11-12-2008, 03:36 AM
العرض العادي
