رحله مع روميو

[روميـــو]

..
..
..
قالت انت مْن انت قل لي من تكون =
........................ لا يـزيـد الهـرج ويطـول الكلام


صـدّ عـني كان عــيـنـك ما تمـون=
........................ لا تصـيب بنظـرتك ظبي العدام


قـلـت لك عـــين ٍ ولا كل العــيــون=
........................ ومـن يشـوفـك والله انه مـا يـلام


من يشــوفـك تنهـك قـواه الحــزون=
......................... ولابغـى يمسي تعــذره المـنـام


قـالت انتــوا كلكـم مــا تـرحمـــون =
....................... مالـكم في الحـب دستـور ونظـام


كلـهـم هالـخلـق عــنـدي يستـوون=
........................ ما حـــد ٍ مـنهـم لـه بقلـبي جهام


قـلـت ربي يعــلـم اني يـا فــتــــون =
........................ ما أدوّر بالــّردى بـنت الحـشــام


الرخــامـــة والمــيــاعــة والمجــون =
........................ كلهـــا خلـيتــهـا لاهـــل الحــرام


يـوم شفــت الـبنت تـلـبـس بنطلون=
........................ وتـرمي الغطـوة وتمشـي باللثام


قـلـت ياكــف الـّردى وين المــنون=
........................ الحـيــا منـزوع مـن بعـض الأنـام


في زمـنـنـا مـا تـوا اللي يستحــون=
........................ ما تــوا الأجـواد وعـيـال الكـرام


كا ن ودّك تعــرفـيني مــن أكـــون =
........................ ذيـب وابن الذيـب لـه قـدر ومقام


ولـد ناس ٍ يـنـقـدون ويشــرهــون =
........................ ومـن نصـاهم والله انـه مايضـام


واحــد ٍ وان جـيت صادق ما أخـون=
........................ واضح ٍ مثل البدر وسـط الظلام


ما تـبـدلـني الحــوادث والظــنــون=
........................ وما ينسيني الزمن قبض الخطام


قـالت ارجـع ماحـد ٍ غـيرك يمــون =
........................ وابـرك الساعـات لاقلـت السلام


ياغــريب ٍ ماعـليّ من هــو تكــون =
........................ يكفـي ان الحــظ يـوم اقـبلـت قام


اعــتـذرت وقـلـت يا نجـلا العيـون=
........................ تعـرفـين ان الهــوى مـاله لجــام


كيــف ابـرجـع للشـقى هـذا جـنـون=
........................ كيـف ابرجـع للهـلاك وللســقــام


في أمــان الله مجــازي مـن يخــون=
........................ في أمــان اللـي عــيــونه ما تنام
..
..
..

[روميـــو]

..
..
..
أبرحل والله العالـم وش اللـي بداخلي من شوق =
....................وابطـوي صفـحة ٍ عـّـيا زمان الجـور يطويها


ابرحل تايه بغـربة وطـن مالي عـليه حقـوق =
......................وطـن وحد وده عـيونك ود مع ٍ حاير ٍ فـيها


ابرحل دمعة ٍحارت من ادنىالموق لاقصى الموق=
....................خـذ لها الــوقـت يـوم انه حـرمها من هقاويها


ابرحل واجمع آلامي وابرقع ثوبي المشقوق =
......................وابفهق عن دروب الشك رجلي قـبل تمشيها


انا ادري ان الـزمن قاسي واعرف اني بليا ذوق =
....................ونـفسي يـوم ودعـتك رمـت فـي النار رجليها


عمر هالحب مايفنى مدامـه في الحـشا مخلوق =
.......................ولــو د نـيـا الـعــنا جارت وورتـنا بلاويها


ابنسى آه كـيف انسى وانا اللي من زمن محروق=
....................اكـذ ّب كانني قلـت اقدرانسى بعض ماضيها


الا ياحـظـي المقـفي علامك للـشقى مـطفوق =
.........................انا طـالـبـك لاتفــتح لعـيني ســدّ واد يـها


ابنسى كيف والذ كرى وسط قلبي تسوقه سوق =
........................وهــذا طيف عاتـقـها وهـذي رجفـة يد يها


انا فـي ذ مة الله ما عـلي مـن الشقا والعوق =
......................انا فـي ذ مـة اللي لاقــبض هالروح يحييـها


جعـل عـين ٍ بكت للـحب ابد ما تنحرم مــن مـوق =
..........................ولا تفقد ولـوطالـت ليالي الهـجـر غالـيها


وعـين ٍ خانت العـشرة عـساها امر الولي من فوق =
......................عـساها فـي زمان ٍ دبـرتـه ضاعـت خطاويها


وابرحل والله العالـم وش الـلي بداخلي مـن شـوق=
.......................وبطـوي صفـحـة ٍ عـيّـا زمـان الـجـور يطويها
..
..
..

[برقع صقرين]

{...رًَومَـــيـًــوَ...}

}{فعلا قلمك ينزف سيولا من الجواهر}{

رائع وأكمل نحن بإنتظآآر إبداعك على أحر من الجمر .....


تحياتي: }{بـرقـع صـقـريـن}{.

[full moon]

ذوقك رفيع.......

واختيارك رائع...

لك تحياتي،،،،



أخيك...


full moon

[روميـــو]

المشاركة الأصلية كتبت بواسطة برقع صقرين

{...رًَومَـــيـًــوَ...}

}{فعلا قلمك ينزف سيولا من الجواهر}{

رائع وأكمل نحن بإنتظآآر إبداعك على أحر من الجمر .....


تحياتي: }{بـرقـع صـقـريـن}{.

هلا وسهلا
..
..
يا اختى : برقع صقرين
..
..
منور الموضوع بمرورك الجميل
..
..
ومتابعتك التى تجعلنى اطير فوق السماء
..
..
والابداع والجمال هو متابعتك من هم مثلك
..
..
ولكى كل الشكر على مرورك العطر
..
..

[روميـــو]

المشاركة الأصلية كتبت بواسطة full moon

ذوقك رفيع.......

واختيارك رائع...

لك تحياتي،،،،



أخيك...


full moon

مرحبا ومسهلا
..
..
..
بك اخوى:full moon
..
..
قمه الذووق هو مرورك العطراخى العزيز
..
..
والروعه هو متابعتك
..
..
لك منى كل التقدير والاحترام على هذا المرورالجميل

..
..

[روميـــو]

..
..
..
ياللي أسرت القلب ياعذب الإحساس=

إرفق علي شوي لاتمتحني
..
..
حبك سكن مابين قلبي والأ نفاس=

ياحلوها لاجات منك ومني

مني أحبك حب من دون مقياس=
..
..
ومنك الوفاء دايم على حسن ظني

أنت الوحيد اللي عجبني من الناس=

عنك الدروب بذمتي ماحدني
..
..
لوصالك أتعب ماطرى فالوصل يآس=

تقسى السنين وخافقي لك يحني
..
..
لك تسرح أفكاري إذا هب نسناس=

لاهب نسناس الهوى وادعني
..
..
يمك وجنك صادقاتن على ساس=

يزفها شوقي وصدق التمني
..
..
بكتب لك أشعاري من إحساس حساس=

وبقطف لك ازهارالعسل لك وأغني
..
..
على هواك الصدق ودي بالأوناس=

أسأل وتسأل ياهوى البال عني
..
..
تعال خذعلمي من الراس لراس=

شرع الهوى وصل وسؤال وتعني

[روميـــو]

..
..
..
ياجاهلين الحب أول وتالي لاتحسبون الحب مابه مضره=
انا أشهد ان الحب ذبح الرجالي يشهد معي من حب بالعمر مره
..
..
الحب ما يمحاه طول الليالي يقوله اللي ذاق حلوه ومره=
حبيت أنا وأسرفت فى حب غالي حبيت مجهولا ولا أسمي مقره
..
..
خلاني أصفق باليمين الشمالي والعين هلت دمعها وانتشره=
اشره على المحبوب فيما جرالي لاشك ما ينفع ولابه مسره
..
..
أبغى وصاله وامتنع عن وصالي ياليتني سلمت خيره وشره=
لون قلبه بالموده صفالي كان أشكره وقول الله دره
..
..
..

[روميـــو]

..
..
..
أحيا على قربك وصوتـك وطـاريـك && ودي بشـوفـك كـل لحظـه قبالي

والله أحــبك حـب ياقـلب مغـليــك && ويـزود حبك مـع مـرور الليالـي
..
..
أحلـف بـرب البيـت مـانيـب ناسيــك && وشلون أبنسى دنيتي وراس مالي

ودي أحطك في عـيونـي وأغطـيــك && وودي أنا اللي بس أشوفك لحالي
..
..
وماودي عيون الخـلايـق تـراعيـك && أخـاف تــلقى لـك حبيبــا ً بدالـي

حتى الهوى لامر من بيـن أيـاديــك && أقـول هـذا وش يبــي فـي حلالـي
..
..
..

[روميـــو]

..
..
..
كفاك اليوم ياقلبي عرفـت إن الزمـن خـوان=
يخونك من عرف طيبك تـرى الأيـام كذابـه
..
..
دخيلك لاتعاتبني أنا المخطـي وأنـا الغلطـان=
عرفت إن الوفاء والغدر بعض أحيان متشابه
..
..
كفايـه لاتزودهـا جروحـي مابهـا نقصـان=
أنا استاهـل عـذاب ماتحملتـه وأنـا أسبابـه
..
..
حزينه لحظه الفرقى صعيبه لحظـه النسيـان=
وأنا وأشلون بنسى من خذي عمـري وقفابـه
..
..
حياتي كلها غربه تعيـش الحـزن والحرمـان=
رجيت اللي يواسيني وأشوفـه طـول غيابـه
..
..
اخفي عبرتي واضحك وأنا في خاطري زعلان=
وأداري خاطـر عيَـا عزا...الأيـام يسلابـه
..
..
عزاي اللي رحل عقبه حياتي مالهـا عنـوان=
هذاك اللي خذاه الموت مـن عينـي ولاجابـه
..
..
..
..