الله من قلب ٍ همومه تقزيّه=تدك به مثل الجراد التهامي
مما جرى قامت تتله مشاحيه=تل الرشا من فوق هدف المقامي
روابع ٍ قامت تصيبه وتخطيه=شاف الهوايل واختلاف الاسامي
مايسمع الداعي ليا قام يدعيه=يعوم في بحر ٍ من الهم طامي
يابعد شرب الماء على كبد راجيه=ماسيّل الغبرا زعوج الجهامي
انبيك يامن كلمة الحق ترضيه=اعطيك ماينفعك وافهم مرامي
قصر ٍ يذلك لاتقابل مبانيه=خلّه عسى شامخ طويله هدامي
لو زان مدخاله وطالت حواميه=شيّد على الخيبه قليل الرحامي
ابعد وقلبك نازح البعد يشفيه=وتلقى عن الدار البغيضه مقامي
دار ٍ بدار وداعي الذل عاصيه=ولاتقبل الذله نفوس الكرامي
من لايودّك لاتودّه وترجيه=ارفع مقامك ياعزيز المقامي
وحي ٍ يوريك المذله وتغليه=انا اشهد انك ميّت القلب عامي
ارفع مقامك عن عدوك وتوذيه=ويلحقك من تركت رفيقك ملامي
حق الرفيق وواجبه لاتخليه=يلزمك مثل الوالدين الحشامي
اختر عزيز الجار والحق يعطيه=شبل ٍ على هرج ٍ يقوله يحامي
من قارب الاجرب بالامراض يعديه=عدواه تصطى باللحم والعظامي
عن مقعد ٍ بالذل عينك تراعيه=الموت عند الذل امن وسلامي
يرضى المذله من تردت هقاويه=والذل يجفل منه قلب العصامي
والعبد له رب ٍ عن الناس يغنيه=ولولاه ماصاب الهدف كل رامي
القصيده اطول من كذا ولكن هذا اللي حفظته منها
شعر الامير/ محمد السديري رحمه الله
23-10-2008, 09:45 AM
العرض العادي
