من روائع ابن فطيس

[ماااهمني]

السلام عليكم

بدون مقدمات اخليكم مع القصيده
واتمنى انها ماتكون مكرره


مرحبا بك قديم ومرحبا بك جديد ... مرحبا ياغزال كان واصبح ظبي
وين مارحت حبك وسط روحي مقيم ... يامعلم دموعي تستبيح هدبي
في محبك حشيم وفي مراحك حشيم ... وسع الله لمثلك بالغلا مذهبي
في مراحك تشتت حلم ذاك الحليم ... وفي مجيك تلاشت ثورتي وغضبي
غلطتي في فراقك غلطة من حكيم... وانظاري رجوعك حكمة من غبي
والله انك لي اكثر من صديق حميم ... ماذكر قبلك احد نافس امي وابي
بعد فرقاك ياما دجت ليل بهيم ... الوساده غثيثه والمنام اجنبي
انت آية جمال من خبير عليم ... كم سجدت وطلبته واستجاب طلبي
بعد عرفك تساوو في عيوني الحريم ... انعم الغيد عندك تشبه اشرس صبي
والله اني ضلمتك لو وصفتك وسيم... وقتنا له مطالب واخرتنا تبي
بك تحفظ غريب وبك ميانة لزيم...وانفتاح انجليز في ثياب عربي
فيك خبث الغرور وبك براءة غشيم... المعاني قبيلي والجمال صلبي
وسط جسمك مجاعه يضطهدها النعيم ... وفي عيونك امان يبتليه السبي
لك عيون نظرها فيه حدة غريم ... في المواقف شجاع وبالزمان يعبي
ماحصل منك حق عند عم لئيم ... ان خذيته خسرته وان سمحت يهبي
ان خذيته لئيم وان تركته جحيم ... وجعة تنتقلها لحيتي وشنبي
لكن الحب شانه في حياتي عظيم ... في رجوعك نسيت وطاح كل حطبي
الخطا دوم وارد والمسامح كريم ... المشاعر تحبك وانت مانت بنبي
مثل ماسخر الله البشر لليتيم ... سخر الله لاجلك حنظلي وعنبي
في غيابك لو اني ياحبيبي سليم... مانصيتك وانا اقعد مرة واحبي
في غيابك نديم وفي حضورك نديم ... اختصرت برجوعك جرهدي تعبي
مرحبا بك تقدم لك من اقصى الصميم ... احمد اللي طلبته واستجاب طلبي
المحبه تجدد لك مع انك قديم ... رحت مني غزال وجابك الله ظبي

صح لسان ابن فطيس

منقول من جوااالي

[محمد العتيبي]

صح لسان بن فطيس
وتسلم يمناك على النقل
لاهنت

[ماااهمني]

شاكره مرورك محمد

[المري قطر]

صح السان قايلها وتسلم يمين ناقلها

[الـ ـشـ ـقـ ـا ويـ ـه]

صح لسان المبدع وصح اختيارك ونقلك






تحياتي لك

[موادعك خيره..!]

وش الجديد هذا بن فطيس دايم مبدع ومميز


عزالله انها قصيده عجيييييييييييييييييييبه صح لسانه


لاهنتي يالغاليه على النقل