## طويــــق تحت المجهر ##

[فــلاح]

المشاركة الأصلية كتبت بواسطة Lawrence of Arabia

مراقبنا العزيز/ طويق...

وش رايك في اللي ما يحب شعر المحاورة ولا يفهمه ... وتندبل كبده لا فرّوا التلفزون على قناة الساحة 2؟ مثلي انا

سأجاوب سؤالك بسؤال ؟ وراح تكتشف الجوااب

وش رأيك باللي ما يحب القصص القصيره ، ولا سمع وااحد يقرأ قصه تندبل كبده ؟؟


مدري ليه احس ان شعر المحاورة ما فيه ترابط ... وش السبب تهقى؟

ربما لعدم قدرتك على فهم المعاني << والإنسان بطبعه عدوّ ما يجهل

لورانس


يامرحبـــاا بك اسعدني في مــرورك


وأسألتك البعيد عن قالب التقليديـّه

[فــلاح]

المشاركة الأصلية كتبت بواسطة حـــوران

الســلام عليكم

وعليكم السلام يامرحباا
الشكر لورده على اهتمامها بهالموضوع , ولاهان ارسطووو على الأختيار

يستحقون الشكر والثناء على مجهودهم الطيــّب

ومسيـك بالخير ياطويق

مسيك بالنور يامرحباا ياحوران

طويق شخص مؤثر في المنتدى ويملك قدرة إداريه كبيره في تسيير الأمور بالأظافه للموهبه الجميله

إشــاده أفتخـر فيهاا واعتبـّرها وسام على صدري وخصوصا ً وهي من متذوق بحجم حوران

وكنت اتمنى إني فاضي عشان تجي اسئله غير عن التقليديه اللي ماأدانيها

كل ما يجي منك يطربناا ويقنــّد روؤسناا

يقال إن كل شاعر ينظر لنفسه إنه الأفضل

ربما هذه نظرة الشاعر الذي يعتقـد الشعر متعلق بالمرجلـّه

س 1 / طويق هل تعتبر نفسك شاعر ؟ ولو إستمريت على نهجك هذا وين تنظر لنفسك بعد 5 سنوات على مستوى الشعر فقط ؟

لقــب (شاعر) ليس بالأمر السهـل لـذلك اناا لا أرى نفسي شاعرا ً إلى الأن

إذا أستمريت 5 سنوات على نهجـي قــّد أكون شــاعر



سلطان بن وسـّام والمعروف عنه إنه من أقوى شعراء الرد قال في إحدى لقائته : إن بعض القصايد قويه وأتحمّد ربي انها مهيب موجه لي

س 2/ هل تعتبره تواضع ام حقيقه فسّر لي ذلك ؟ وهل راودك نفس شعوره عند سماع بعض القصايد ؟

تواضع جميل من شاعر فطحل ، وخصوصا ً ان ابن وساام شرب المحيطات ولم يبقي لنا الإ الخلجان

وبالنسبه لسؤال الثاني ، أنا لم أدخل مجال الرديات بالقصايد بعـد ، ولكـّن بعض القصايد أحمد الله وأشكره إنهاا ليست موجهه لي

النقد منهجيه وتعليم وفكر , وهو موهبه أيضا ً ولاّ كان شفنا الجميع نـقـّاد

س3/ هل كلف طويق نفسه لــ شراء كتب في أساسيات النقد ؟ أو محاولة إثراء معلوماته في مجال النقد ؟

الكتب للأمانه لا لم أشتري ولو كاانت هذه الفكره تراودني

وبالنسبه للإثراء نعم حاولت ان اثري معلوماتي في هذا المجال من خلال الشبكه العنكبوتيه

س4/ طويق متى بنشوف قسم للنقد مثل ماهو معمول في بعض المنتديات الأدبيه الاخرى ؟

لا أعتقــد نجااحه في منتدانا ، لأن المنتدى القبلي دائما ً يكون الشعر فيه محتكر للقبيله وشعراءها ،

ولا يوجد لدينا العدد الكافي من الشعراء والنقــّاد والمتذوقيـن لإضافة قسم للنقــّد ، ولاقصور بالأخوان

الموجودين

س5/ انت تطالب في النقد ومحاربة المستشعرين والمجامله , ولكن قريت لك كم رد على شبه شعراء و قصايدهم فيها نقص , هل هذا يعتبر من مجامله الأداري للأعضاء ؟ أو نقول هل كل رد لك على قصيده شاعر يعتبر إقتناع منك في موهبته ؟ وضّح لنا القصه

أنا عندماا أعلق على اي قصيده في قسم صدى المشاعر ، أنظـر إلى الوزن فقـط ، وبماا انني إداري
يجب علي الرد على القصاائد المطروحه لتنشيط القسم ، وأشجـع اللي أشوف انه فيه رجى ، واللي مافيه
رجى أكون رسمي معه << ولا تنسى بأن أغلب الشعراء ابناء عمومتناا ومن باب العلاقات والأحراج يتم التعليق على قصائدهم ، ولكن لا نطيـّـرهم بالعجـّه ، ونطلعهم من السردااب لدور العااشر

انتهت الأسئله السريعه , وكان ودي إن عندي وقت وخصوصا ً وقت وجودك تحت المجهر عشان نستفيد منك , وانت شخص أستمتع في قراءة قصايده ومحاوراته وموهبتك خياليه

الاستفــاده مشــترك وأنت من خيــّرة المتذوقيـن فالمنتدى ويسعدني توااجدك في كل صفحه تخـّص

طويــق وأعلم أن إشـادتك وسام على صدري

وعلى الصعيد الشخصي انت من الناس اللي يفرض إحترامه على الجميع ومحبوب

أحتـرام الأخرين وااجب على عليناا وخصوصا ً الرياجيل اللي شرواك

المتذوّق المتألق حوراان


يامرحبــاا ومسهــلا ومــرورك في هذه الصفحه شرف كبير لي


شكــر لك على هذا المــرور

[ناصر بن فالح]

يسعد مساك

في البدايه نشيد بدورك الفعال في المنتدى


وعقبه يا طويق أحتزم



1_في الاونه الاخيره اصبح يشترط الشعار مبلغ

مادي مقابل تواجده في المحافل للعب القلطه

وش رايك بالشي هذا هل هو يخدم اللعبه ...؟؟؟

2- من اسااسيات المحاوره النقض والفتل وش تعنيلك في الطاروق ...؟

3- وش تسوي وانت مراقب مع شاعر نزل معك بالمعنى للحضيض....؟


4- وش رايك باللي يحاول يوضح المعنى للجمهوور .....؟

5 -ابي افضل بيت مر عليك من حيث النقص واخر من حيث الفتل ....؟

6- وش العوامل اللي تنجح الطاروق بوجهه نظرك ....؟


وكل الشكر لك على الاجابات مقدماَ

[فــلاح]

المشاركة الأصلية كتبت بواسطة ارسطووو

يسعد مساك

ويسعد مساك يامرحباا

في البدايه نشيد بدورك الفعال في المنتدى

إشادتك بحد ذاتهاا فخر

وعقبه يا طويق أحتزم

اسلم

1_في الاونه الاخيره اصبح يشترط الشعار مبلغ

مادي مقابل تواجده في المحافل للعب القلطه

وش رايك بالشي هذا هل هو يخدم اللعبه ...؟؟؟

لا أوافق الشي هذاا وربماا شعراء المحاوره عندهم اسبااب مقنعـّه

2- من اسااسيات المحاوره النقض والفتل وش تعنيلك في الطاروق ...؟

تعني لي المحاوره

3- وش تسوي وانت مراقب مع شاعر نزل معك بالمعنى للحضيض....؟

في أغلب الأحيان الأعتـذار وبعض المرات استخدم الحكمـه

4- وش رايك باللي يحاول يوضح المعنى للجمهوور .....؟

لا يعجبني
5 -ابي افضل بيت مر عليك من حيث النقص واخر من حيث الفتل ....؟

أفضل فتل ونقض بين الثبيتي والمسعودي يقول : المسعودي

لقيت الشايب اللي لقمته ماوصلت الحنجور=مصيبـه لـن تفلهـا وان بلعـهـا سمـهـا فيـهـا

ويرد الثبيتي ويقول :

لقيت الطرقي اللي شق قدره شعلة الدافور=لـيـاجـاتـه ضــيــوف الله يــــزري لا يعـشـيـهـا

6- وش العوامل اللي تنجح الطاروق بوجهه نظرك ....؟

الشعرااء والمعنى

وكل الشكر لك على الاجابات مقدماَ

لا شكر على واجب

أرسطوو

يامرحباا ومسهــلأا فيك




وشكرا ً على الأسأله الرائعه

[فــلاح]

المشاركة الأصلية كتبت بواسطة نجلآ النوآعس

صبـآح الخـيـر ..


مــــرور للسـلام على / طـويـق ..

شااعـر مبـدع ومراقـب نشيـط ..

ما عنـدي اسألـه الأعضاء كفوا و وفوا ..

وإستمعت بقراءه إجاباتـك ..

كـل الشكر لـ / وردهـ + أرسـطووو يعطيـهم العافيـه ..

تحياتي لكّ!

صبــاح النــور


والله يسلمش من الشــر ، والممتع مـرورش


نجــلأ النواعس


كــل الشكــر لش على المــرور الراقي


والإشــاده الراائعه

[وردة العجمـان]

وفي نهاية هاللقاء نشكر المراقب والشاعر القدير


طويــــق


على حضوره اللافـــت هذا الاسبوع في ( تحت المجهر) وتفاعله مع اسئلة الاعضاء الكرام..

مع تمنياتنا له بمزيد من التألق والنجاح..


والشكر الجزيل لكم اخواني واخواتي الافاضل على حضوركم الرائــع



انتظرونا مع ضيف آخر..



أطيب تحية وتقدير..