دعوه للجميع اطلب قصيده ونحن نجلبها لك(2).

[متفهم للغير]

اخوي سماوي مساك الله بالخير

والحمد لله على السلامه

وقام الاخ فلاح بن ملبز مكانك خير قيام ووفا وبيظ الله وجهه


وان كان عندك شيء من القصيد اللي طلبناه فجزاك الله خير

[جطلي بن فهد]

الله يسلمك من كل شر


والله ياخوك لو عندي شي مانيب ذاخره لكن للاسف لم اجد شي

وبيض الله وجه ابومحمد عادته دايم

[الأصـمـعـي]

لاهنتوا على هالفكره الشيقه والرائعه

بس الله لا يهينكم ابي قصيدة بن الذيب الي ي رد فيها على مدغم ابو شيبه

والي ما يحظرني منها الا بيت الأخير ماني بذاكره عدل وأربكم تعينونها

عقل المشاهد دايم أصغر من القصه .... ودور البطوله اكبر من المخرج

وعساكم عالقوه

[bander al_ajmi]

السلام عليكم ورحمت الله
مساكم/صبحكم
الله بالخير جميعا

اطلب منكم مساعدتي في بيتين بس حافضها من قصيده سامعها وولا حافض القصيده وارجو مساعدتي

ابكي على العجمان وابكي على ال مره###وابكي على وقتن ماعز الرجالي
وابكي على رجالن مات من الحره###وابكي على زمانن ماضم بالضلالي

ومشكورين وجزاكم الله الف خير

[جااابر]

أخواني الأعزاء ...

لي مدة وانا أبحث عن هذه القصيدة .. اللي ماأعرف منها سوى هالأبيات .. للشاعر عبدالهادي بن سهل المري ..
أتمنى أن احصلها كاملة .. ولكم جزيل الشكر على الجهد العظيم اللي بذلتوه ..


تهيّضت .. واللي هاضني في ضحى الأثنين ............. تهضّام ورعانٍ مواليف وسخافي
تنمّـرت بأنهــاهم .. وهـلـّت دمــوع العيــن ............. كووني مواليف العرب بين الأجنافي
حداني على همّالهم .. عادهم جـاذيـــن ................. طقيقٍ من الهوني .. و قبّاب الأسلافي
عسى ليلةٍ أقبلت .. والربع مجتمعين ................ بعد ليلةٍ أقفيت والدمع ذرافي

[aL-HTLaNy]

مشكورين على الفكرة الجميلة وماقصرتوا

ياليت لو تساعدوني على ذكر قصيدة سبق واني طلبتها لكن محد عرفها

انا ماعرف منها اللا بيت واحد

(( هات الورق يابن فردوس نتلهوابه ***ياكود لقفى النهار الليل قد ياتي ))

ولكم مني جزيل الشكر

[ركاب]

في قصيدة على قناة البوادي جره ربابة مطلعةالقصيدة يقول الشاعر

وسم بكور يبشربه هل الناقة
سيلة يشق الطعوس الحمر له عامي


أبي من قايل هذي القصيدة
وأبي القصيدة كامل لو تكرمتم

ومشكورين

[سيده الذوق الاولى]

الحمدلله والصلاة والسلام على رسول الله وعلى آله وصحبه أجمعين
ويعطيكم العافيه يارب
أنا ودي قصايد صوتيه للشاعر محمدالمجول اذا امكن ؟؟

[جطلي بن فهد]

الاخت القديره

سيدة الذوق الاولى


صبحك الله بالخير

ستجدين كل ماتريدين عن الشاعر محمد المجول على هذا الرابط

امسية شبكة قبيلة العجمان الثانيه

[هدوي]

مسيكم بالخير جميع .,


حبيت منكم مساعده الله لا يهينكم .,


في قصيده قريتها وحاب اعرف من الي كاتبها .,


ان قدرتو بيض الله وجيهكم . وان ماقدرتو جزاكم الله خير .,


ذي القصيده .,




ياهيه ياللي غبت والعين تبكيـك
غيبتك عندي غير كـل الخلايـق

احس في ضيقه عسى الله يبقيـك
ارجوك ترجعلي تراي امتضايق

وقت السعاده والهنا يجتمع فيـك
لا صرت في يمناي بصير رايق

قلي علامك ليه زدت بخطاويـك
واشعلت في قلبي لهيب وحرايق

هذا جزا منهو يحبـك ويغليـك
وغير على شانك جميع الطرايق

خلااك في قلبه ولا احدن يساويك
وامضى على حبك عهود ووثايق

يمشي معك ويدلعـك مايخليـك
ويسمعك احلى قصيد وطرايـق

ماكان فكر يـوم انـه يجافيـك
وماحسسك وقت الحزن لو دقايق

وياهيه ياللي غبت والعين تشكيك
ابيك ترجعلي تـراي امتضايـق



تحياتي .,