الثلـــــج والنار !!

[عزوف]

سلطــــــــــان العميمي


للكلام فْ.. حضرتك حكم.. باختـار
ما يعطي لحظة ربكتـي عـذر مقبـول

وش فيك ساكت تمزج الثلـج بالنـار؟
الصمت موحش حرك احساسي وقول

كل الحزن من صوتـك العـذب ينهـار
كل الفرح فـي سكتتـك حلـم مقتـول

عيد اكتشافي واكشف بصوتـك اسـرار
معها تغيـر عالمـي وصـار مشغـول

جيتك لاجل ما تهـدم حـدود واسـوار
فَ.. ارضي وتكتب لي تواريخ وفصـول

جيتك وانـا بوجـودك انسـان محتـار
جيتك وانا من دونك احسـاس مجهـول

سولف، لاجل ما تنبـت بقلبـي ازهـار
أهديها لاجلـك والتمـس منـك قبـول

سولف، واذا لسكوتك الموحـش اعـذار
قول اللي عندك، أي عذر منـك مقبـول