جابك الله في حياتي يا حياتي جابك الله ...

[قبلةالعجمان]

رااح منى نصف عمرى في غياابك -_

-------------------
أعرف انك ما تصدق بس والله فوق والله
....................... والله انه راح منى نصف عمرى في غيابك

وأعرف انى شلت همى تارك حبي على الله
....................... كنى أبعد من نجوم الليل وأقرب من ثيابك

يا عسااك ويا عساانى يا عسانا يا عسى الله
....................... يا عسى الدنيا تمووت وما يعيش الا ترابك

يا أحبك وأعشقك واهواك والا يفتح الله
....................... ما تعودت أفتخر باحسااسي الا تحت باابك

إيه احبك والقضيه واضحه والشاهد الله
....................... يطرد المظلوم خصمه وأنت خصمى ويا هلابك

يا هلاا بك يوم تجرح خافقى ويسامح الله
....................... يا هلا بك يوم تلحق غيمتى وألحق سرابك

جابك الله في حياتي يا حياتي جابك الله
....... ليش ؟ ما ادرى , وين ؟ ما ادرى , كيف ؟ ما ادرى بس جاابك

كل ما قلت ابتدينا في المحبه قلت يالله
....................... ما دريت ان النهايه بين بعدك واقترابك

أحسب انى كل شي في عيونك يعلم الله
....................... وأثر عينك مستعفه ما تحب الا حجاابك

انظلمت ولا شكيت ولا تركت الامر لله
....................... كاان همى أنتظر بااقي عذاابك في عذاابك

الله الله , انتبه واحذر وفكر , الله الله
....................... مثل ما احسب حسابي في هواك أحسب حساابك

ما طلبت المستحيل ولا رجيتك شي لله
....................... ما طلبتك ارتفع من حجرتى واسكن سحاابك

يصرخ القلب المعذب بالمعذب وكّل الله
....................... شااب حبك في عيونى وانت توك في شباابك

رحت شي وجيت شي مختلف يا حسبك الله
....................... تصدّق انى ما بغيت اجلس مع حضرة جنابك

غيّرك ذااك الزماان ويا زمااني منك الله
....................... ليش ما غيّرت فيني شي يوم انى اهاابك

ليش ما علّمتهم عن قصتى واتوحد الله
....................... يعرفون انك سؤاال ويعرفون انى جواابك

ويعرفون انى حلفت ولا اعرف اغلا من الله
....................... والله انه رااح منى نصف عمرى في غياابك







وسلامتكم ....

** ياليت اللي يعرف اسم الشاعر يكتبه ....

[sufrany]

قبلة العجمان

قصيده جميله من شاعر متمكن


وأعرف انى شلت همى تارك حبي على الله
....................... كنى أبعد من نجوم الليل وأقرب من ثيابك

[عيد بن شدقان]

قبلةالعجمان
صح السانش والسان شاعرها
تسلمين
على النقل

[بخـــــــــــوت]

تسلمين قبله على النقل الرائع

تحيتي ...

[قبلةالعجمان]

sufrany


لاهنت على المرور الكريم ...

[قبلةالعجمان]

&&الراكد&&


صحح بدنك


ولاهنت على المرور الكريم

[قبلةالعجمان]

بخوووتة


الله يسلمش ..

ولا هنتي على المرور الكريم

[نبض المعاني]

ويعرفون انى حلفت ولا اعرف اغلا من الله
....................... والله انه رااح منى نصف عمرى في غياابك

قصيدة مؤثره واللي يروح به الزمان صعب يرجع وان رجع
فالرجعه متأخره أو اللي انكسر ما عاد يتصلح

تسلمين يا قبله ولو انك ذكرتيني بها القصيده بجروح قديمه
الله يسامحك

[ابن راعي الفحمه]

قبلة العجمان



تسلمين يالغالية على النقل الرائع

وصح لسان الشاعر

[قبلةالعجمان]

بن زابن ...


لاهنت على المرور الكريم ....


والله يسامح الجميع ...