فعل الدواسر

[الناشب]

وهذي ابيات من قصيدة ابن عزرم الشكره

ولاوزى المجـرم بحمـلٍ نقلـنـاه= ومتيهيـن الجـار دايـم دوامــي
مثل بن مطرفٍ يوم جانا من قرايـاه= عليـه حـرام ماتهنـى المنـامـي
وزى على السبعان والجمـع يلضـاه= قـالـوا روح مابـهـذا محـامـي
ووزى على العتبان من شين ماجـاه= وعطـي ثمـان مهربـاتٍ تمامـي
ووزى على قحطان من كبـر بلـواه= قالوا اضرب طريقك دام حل الظلامي
ووزى على اللي يرفقـون المجنـاه= على لاد زايـد جارهـم مايضامـي
وجاك الشريف ويتبعونـه سرايـاه= يتليه قـومٍ مثـل وصـف التهامـي
جاووه بني عمي مناعيـر وعصـاه= وسهج المحل وراح راسـه عدامـي
بمصقلاتٍ صاحـي العظـم تشظـاه= وحدب الظهـور مقـذلات النسامـي
مع كـل مدغـوشٍ افعولـه مسمـاه= يشري جديد المدح والمـوت حامـي
مـن فـوق قـب للحرايـب مغـذاه= قحص الرمك ردات عجل الولامـي

اشكركم جميع على المرور الكريم

ولا هنتوا على الرد الطيب

[محمد آل نصار]

المشاركة الأصلية كتبت بواسطة فيصل بن حجرف

حياك الله اخي الكريم الناشب ولاهنت على هذه المشاركه الرائعه
ولو اني لست ملم بالتاريخ حتى لاتتهمني بأني اشكك بالموضوع كما قلت
ولكن ماهو الداعي لكي تقول انك تعرف ان هناك من سيأتي ويشكك به؟ فأنت بذلك تفتح المجال للتشكيك حتى من خلال سردك للموضوع وبقولك ان هذا مصدر محايد وهذه شهاده من فلان ومن فلان.

الاد زايد افعالهم معروفه من قبل هذه القصه ومن بعدها ومهما كتبنا عنهم او مدحناهم فلن نوفيهم حقهم وموافقهم مع العجمان كثيره ولاهي غريبه عليهم

ــــــــــــــــــــــــــــــــــــــــــــــــــ ــــــــــــــــــــــــــــــــــــــــ

لاهنت يافيصل بن حجرف وردك طيب وانت راعي طيب.
ولا هنت يالناشب وقصيدتك معروفه ولا به شك في مصدرها ( رحمهم الله الشيبان علومهم طيبه وهل معرفه ولا ينكرون الحق ـ عليهم ولا لهم).

اكرر شكري وتقديري على النقل البين والمعروف وصح لسان الشاعر الاول على قصيدته المعروفه ولا ينكرها الا من جهل في القصه ( وهو معذور) فالقصائد تنقل تاريخ اجدادنا جميعاً .

محمد آل نصار
كل الشروع الطيبه بانينها
واللي ترك شرع جده هافي
منا السويقي ما ترد عطيته
يوم العطا بين الرجال اسلافي
ومنا ابن عناز ذبح في جاره
يوم الدخيل قضاه من الكلافي
واللي مكذبني هذا ابن مطرف
يوم الشريف يدوره بالآ في
ترى اللحم عيباً علينا بيعه
منا من يضفي عليه الفافي
ــــــــــــ وهي اطول من ذلك ولا يحضرني منها الا ما ذكرت.

[محمد آل نصار]

المشاركة الأصلية كتبت بواسطة صالح الشمري

ونعم والله بالدواسر قول وفعل ونعم بالعجمان مانقلل من قدرهم فهم غالين بعد 000

واشكر اخوي الناشب على الموضوع 000

اخوكم : الشمـــــري

لاهنت يالشمري .