Xxعصير منوعاتxx

[محمد بن جنيد]

السلااام عليكم

كالعاده مع المواضيع الداجه والمنتهية الصلاحيه اتمنى للي يقراها مايجيه تسمم

طبعا من البدايه اريحكم الموضوع مهوب حلم

والسالفه موقفين صاروا معي شخصياً
والله يعينكم استحملونا شويتين

XXالموقف الاولXX

صارلي قبل كم يوم كنت داخل بمحل عصيرات وقاعد استنى طلبي داخل المحل
وفجأه الا دخلو اثنين تحس انهم طالعين من الصحرا المهم الاول طلب وسكت
الثاني يبي يطلب وقاعد يفكر ويفكر وكل شوي يطالع بالسوري ويقول العصير وشسمه وشسمه
الوكاد ان الاخ مضيع اسم العصير اللي يبيه وبعد معاناه من التفكير قال وياليته ماقال

قال بس بس ذكرته الحين يامعلم عطني عصير منوعات << عبدالله الرويشد مع نوال وابونوره خخخخخخخخخخخخخخخخخخخخ

الاخ يبي عصير كوكتيل ومضيع الاسم ياحليله


XXالموقف الثانيXX
هذي السالفه صارت بداية العطله مع واحد من الشباب (( بدوي منتهي الصلاحيه ))

المهم جاني ذاك اليوم ومستانس الاخ وش الموضوع طلع شاري جوال n70 مبرووك يافلان
قال الله يبارك عاد يابو ساره لاتنسانا في البلوتوث
قلت ابشر تامر امر وش تبي ارسلك المهم الاخ اختار مقطع بلوتوث عشان ارسله من جوالي لجواله
وانا ابي ارسله
والا الاخ يقولي ابوساره تعرف رقم جوالي الجديد قلت لا والله قال طيب شلون بترسلي البلوتوث سجل رقمي
طلع الاخ على باله البلوتوث لازم تحط رقم جوال اللي بترسله

قايلكم الموضوه دجه

يالله فتكوو بعافيه
والي اللقاء مع موضوع داااج اخر

تحيتي