جديد ! .. مـاضي العظيمـان ,, !

[سالم العظيمان]

السلام عليكم ورحمة الله وبركاته


صبحكم / مساكم ... الله بالخير !هذه قصيده للشاعر

ماضي بن مبارك العظيمان

الشاعر ماضي العظيمان انقطع من القصيد
لأكثر من عامين و انشغل بطلب العلم الشرعي
عسى الله يثبته على ذالك و يوفق الجميع للخير ,,


هذه القصيده كانت رداً على ابيات موجهه له
من صديقه الشاعر

سرحان بن ناصر آل سرحان

.
.

يقول سرحان :

سـلام .. لو العيــن ما شـافت العيــن
اقـولها للـي عـن العيـــن .. طــــــول !

تطــري علـي يـا صـاح من حـين لحيـن
واصــد ... واخفــي دمعتـي لا تحـــول !


يا ابو مبــارك .. اصفـق ايـدين بيـديــن
واقـول : يـاعزااااااه .... وقتي من اول !

هـو عـادنــي غـالي بقلبه .. لذا لحيــن
ولا علــى ما قــيل : اول تحــــــول !

.
.


فكان رد ماضي بـهذه القصيـدة :


حييـت يا سـرحان مـن ويـن و منيين
ما جييت جـا معـك القصـيد يتجــول !

هيضـت مكنــون له احــدود عــاميــن
ما سولـت له نفسـه اللـي تســول !

يـا الصـاحب اللي من عرفنــاه للحين
وسهمـه على الشـاشات عيا يحـول !

لا والله .. الا عــاد نبــض الشـــراييـن
مـن الغــلا للقــلب .. كنــه يمــــول !

واللـي يحـب الزين و يهمــل الشـين
غـــاب .. وقصــيده راح عقبــه يقــول !

وانـا بغبــات القصــايد من سنيــــن
لا قلـت بيـت .. جا رديفـــه يهــول !

مـا لـي مـع اجيــال التــكلف ميــادين
نـاسٍ " نهايتــهم .. بــرامج تســـول !

صـاحبك ينهــل من منــارات وحييـــن
اللـي علــيها يا السنــافي معــــول !

لا تحســب الشيــكات ذات المـلايين
ومصـاحب الشيبـان .. ولا المعــول !

وصـوت الأغـاني .. والبغـايا المــزايين
والكـاس .. بكفـوف السكارى مفول !

يغنيك .. يا العــبد الضعــيف المسيكين
يومك من الدنيـا .. للأخـرى تحــــول !

إلـى متى ؟ .. والعمـر قـارب ثلاثـــين
ويـنك من التــوبه !! اشوفك مطـــول !

والله يحــب .. التــايبيــن المنيبيــن
اللـي إذا اخطــوا .. تابوا .. اول و بأول !

الله يثبتنــا .. علـى خـالص الديـــن
ونمـوت .. مـا نرضــى بـداله تحـــول !

.
.

وسلامتكم