يمر يوم وكل يوم يمر احس اني حزين
امسي على ضيقه صدر..واصبح على ضيقه صدر
قالو الفرج..عقب الصبر..قلت الصبر هم(ن) دفين
قالو الوفي طبعه وفي..قلت الزمن كله غدر
قالو الصدف..قلت الصدف..ماعشمت طول السنين
قالو القدر..قلت القدر..من الي يردك ياقدر
قالو الامل ..قلت الامل..مثل السراب الي يبين
اتلى العهد وانا على المطلاع وسط المنحدر
قالو تشوفه..قلت اشوفه..في حلوم النايمين
اصحى على شوفه وانا خدران واصحى واخدر
قالو وش الي تذكره اذا تناولك الحنين..؟
قلت التنهاته اذا طروه الدمع يحدر..
.
.
.
.
في رحاب المطلاع