[أفلاطون العجمي]

مـا قلـت اخـذ مـا بدالـك .. واتــرك البـاقـي
قلـت اخذنـي .. واخـذ منّـي .. مـا تهيّـالـك
الله عـطــاك الـطـهـر .. والمـسـتـوى الـراقــي
والله سـخـر كـــل مافـيـنـي لـــك .. لـحـالـك
حوّلـت لـك غيـمـي .. ورعــدي .. وبـراقـي
كـم قطـرةٍ مـن غــلا .. مــا طـاحـت الا لــك
ما عاد باقـي سـوى انـي .. اكشـف اوراقـي
واجيك من بين ابوك .. وعمـك .. وخالـك
(ف) ان كان ما همّك احساسي .. وخفّاقي
قلـهـا .. وهــات الـكـلام الـلـي عـلــى بـالــك
ولا تنشـد النـاس .. عـن مـا جـمّـد اشـواقـي
ان جـابـك الـشـوق والا جـيـت فــي فـالــك
تلـقـى بعيـنـي .. سـبـب صمـتـي .. ودنّـاقـي
وشـمـوخـي المنـكـسـر .. ومـــا إلــــى ذلــــك
ومـــن الطبـيـعـي .. اعــلّــق ســاعــة فــراقــي
علـى جـدار العتـب .. مــن قـسـوة اعمـالـك
ولــو ينحـنـي راســي .. ولــو ينـثـنـي سـاقــي
مـصـيـر الايـــام .. تـخـفــي لـيـلــي الـحـالــك
حسـبـي عـلـى طـيـبـي .. ودمـاثــة اخـلاقــي
مـنـهــا تـمــاديــت بـاقــوالــك .. وبـافـعـالــك
مــا كـنّــك مسـيـطـر .. ومسـتـوطـن اعـمـاقـي
ومـا كـن لـي قلـب .. لا ضمّـك ولا شـالـك!